شفت بعيون الوطن
[align=center]شفت بعيون الوطن حسرة وشفت دمعاته حيرانه
سألته الحيرة ليش وليش عينك ياوطن حزنانه
جاوبني بصراحه وأبد ماضم عليه أجروحه وأشجانه
كال الجسم كصاب محتله ويوزع حصص لعوانه
ساعة الكرد ألهم جزء ساعة سنة وشيعة سوانه
فرهود صار الجسم تاريخه كله إنباك عنوانه
الجزء هذا لقسم والجزء هذا لقسم والقسمة خسرانه
ولهذا السبب محتار أشوف الناس عن الوطن لهيانه
كتله أصبر ياوطن باجر ترد الناس ألك ندمانه
ولو أطفالك بدمهم غدوا يوميه سبحانه
باجر ترد الشمس تطلع وغيمة الضمتك خلصانه
كال إسمع بعد شوف المصايب والدهر ليوين ودانه
ناس المضيف أتريد وناس التريد أتشيل فنجانه
كتله اليستحق المضيف الباع روحه إمن أجل بنيانه
ماعافك وحيد وراح للخارج نصب للغير ديوانه
بعدك ياوطن رغم المصايب ا شهم مفتوحه بيبانه[/align]
رد مع اقتباس
المشاركة الأصلية كتبت بواسطة علي الخطاط
