مشتهيك اليوم گلبي ومو بديه

[خضير المسيباوي]

[align=center]مشتهيك اليوم گلبي ومو بديه ... علمت گلبي أعله حبك وأنتهيت
شعجب لليوم ماهزك حنين ... تذكر أول يوم لمن سافريت
گتلي ماأنسه الليالي ورحت ... گلي وسفه لياليالي المانسيت
علموك أهل الغرب تنسه الديار ... وعلمت گلبك عالهجر بعدي ومشيت
گمت أشوف الناس مثلك كلهه هيچ ... وياصبر گلي الأجيبه شگد أدور مالگيت
ريته عمري الراح يرجع من جديد ... وأبدي من يوم العرفتك وألتقيت
أشطب أيامي وأعتبر شخصك خرافة ... وأحسب أيامك حلم منهن صحيت
ليا وكت گلي أنتظر منك تجي ... وإنته ياچلمات گلي بيهن وفيت
مشتهيك اليوم ترجع رد أليه ... الدنيه ماتوسع غرامي شماحچيت
مشتهيك وداعتك گبل المشيب ... أدري گلبك لشتياقي أيحضنه بيت
تدري ماأحمل بعد فرگة وجروح ... ولو متت زور الگبر هم گلي جيت
لأن حتى التراب الأندفن بي ... هم يگلك ياحبيبي شگد بچيت

أرجو أن أكون قد وفقت
تحياتي [/align]

[علي السعدي المسيباوي]

الاخ خضير
عااااااااااااااااااااااااااااااااااااااااااااشو كلمات رائعة
لازم كلش متأذي حبيبي الغالي
لا تروح زايد


تحياتي حبي وعاشت ايدك
كلمات جميلة
قبلاتي لك

[خضير المسيباوي]

الاخ خضير
عااااااااااااااااااااااااااااااااااااااااااااشو كلمات رائعة
لازم كلش متأذي حبيبي الغالي
لا تروح زايد


تحياتي حبي وعاشت ايدك
كلمات جميلة
قبلاتي لك

[align=center]تأمر عليه أسنين ياخويه أطيعك
صدگ وفي وللموت مايوم أبيعك

تحياتي الحارة بلكن تچويك وتعوفني بحالي
تحياتي أخي الغالي
المسيباوي[/align]