ياعلي الكرار عينه
[align=center][align=center]ياعلي الكرار عينه حسين مابين السيوف
وحده ظل بلا معين وحاير بأرض الطفوف
***************************
(1)
حين سار أمن المدينه ... رايح لگبر الرسول
ينظر النظرة الأخيرة ... ودع بگلبه البتول
فارگ أديار الأحبه ... وبين أصحابه يگول
مايظل بس الله وحده ... وكلشي بالدنية يزول
حين أبو السجاد نادى يفنه كل هذا البشر
أنمرد گلب العقيلة وشافت بعينه الخطر
(2)
حسين من سارت يحيدر ... بيه هاي القافله
سار بيهه بكل تحدي ... للدين راح أيعدله
شال بعيونه الشهادة ... وقاصد أرضچ كربله
روحه شايلهه بچفوفه .. ياعلي گلبي أنسله
منهو ياحيدر يعينه وضده كل هاي الجموع
هالنزل سيف المنية وصار مابين الظلوع
(3)
ياعلي وكونك تشوفه ... من وصل أرض الطفوف
والجموع أتنادي كلهه ... حسين مانگدر نعوف
وألتفت أحبال المنيه ... وإلتقت بيض السيوف
والرحى دارت عليهم ... كونك المنظر تشوف
هذا أبن بنت النبي ولاگلب منهم كسر
باچر لرب العباد يشتكي خير البشر
(4)
منين أسولفلك يحيدر ... شصار بحسين وجرة
ظل أبو السجاد وحده ... وعباس ميت مادره
ظل يدير العين وسفه ... ماكو ناصر ينصره
طاحت أسيوف أعله راسه .. والخيم نار موجره
حين صدره أعتله يگطع الشمر راس الإمام
شلون أوصفلك يحيدر صارت الدنيه ظلام
(5)
كون ياحيدر تعينه ... بالسهم گلبه أنجرح
ظلت أتنوح العقيله ... دم أبو اليمه أنسفح
شوف راس حسين حاله .. حين بالسيف أنذبح
والجسم عاري بليه راسه .. عالأرض وسفه أنطرح
دمه عالتربان سايل نايم وعاري الجسد
شلون هالمنظر تشوفه العين وإتباوع بعد
(6)
فوگ صدره الخيل داست .. گامت أترض الظلوع
وعين زينب لا يحيدر ... ظلت أتهل الدموع
هذا راس حسين شوفه ... عالرمح بين الجموع
وهذا سيف الشمر بيده ... ملطخ بدم الشموع
حسين بالمحشر يحيدر مخضب بدمه يكون
يشتكي لجده جروحه وتشبح لأجله العيون [/align][/align]
رد مع اقتباس
المشاركة الأصلية كتبت بواسطة علي الخطاط
[/align]
