عباس خلافك هضموني
[align=center]عباس خلافك هضموني ... مسلوبه أثيابي وذبحوني
أصرخ وينك .. شوف بعينك .. مذبوح موذر خلوني
********************************
(1)
صحت لمن رحت عباس ... على أمتونك تشيل الجود
عمت عيني من أديه أتروح .. وأنا الضنيت أليه أتعود
تمنيتك تـــــــــــرد ســــــالم .. تظل وعن حرمنه أتذود
ولاچنت أدري تفجعني ... وأشوفك عالثره ممدود
شلون أتحمل سهم بعينك ** وأعيوني أتعاين چفينك
أصرخ وينك .. شوف بعينك .. مذبوح موذر خلوني
(2)
أسمعت صوتك تناديني ... صحت يحسين أودعنك
أحس گلبي وگع مني ... وأجيت بلهفه أشمنك
مشت گبلي ألك روحي .. گبل جسمي دنت منك
يريتك ماغبت عني ... وأظل كل لحظة أشوفنك
گوم إرجع عباس أويايه ** وسفه أعله التربان الرايه
أصرخ وينك .. شوف بعينك .. مذبوح موذر خلوني
(3)
عليه من عگب عينك ... صفوا بالحومه مجموعين
وحيد وگلبي ظل محتار .. صحت عباس أجيبه منين
تصد عيني على التربان .. وحيد ومابگالي معين
يريتك يا گمر وياي ... تدافع عن أخوك حسين
فگدك بالروح أيچويني ** حاير والدمعات بعيني
أصرخ وينك .. شوف بعينك .. مذبوح موذر خلوني
(4)
وأرد للخيمه للأيتام ... رحت حزنان أودعهم
أشوفن كل حرمنه أتنوح .. حرت مدري شيصبرهم
نظر الأطفال ألي شابح ... أصبر ياطفل منهم
يچافل زينب بيا حال ... مدري شلون أفارگهم
گوم وعاين بعيونك ** شوف الموقف من دونك
أصرخ وينك .. شوف بعينك .. مذبوح موذر خلوني
(5)
سمعت زينب تصيح حسين .. تنادي والدمع يجري
تگلي خويه ألي مطلب ... تريد أتحب على صدري
تشم نوبه الصدر مني ... وتر أتشمشم بنحري
يصب دمعي على الوجنات .. تودعني ونفذ صبري
عباس بدونك ظلينه ** نار الدمعات وتچوينه
أصرخ وينك .. شوف بعينك .. مذبوح موذر خلوني
(6)
أشوف أعله الثره نيام ... بدماها مخضبه الأبدان
وأصيحن يا گمر وينك .. عليه ألتمت العدوان
ذبيح أمن الگفه ظليت .. سليبه أثيابي عالتربان
تخضب بالدمه شيبي ... وراسي أعله الرمح حزنان
بين الأبدان المطروحه ** أعله التربان ومذبوحه
أصرخ وينك .. شوف بعينك .. مذبوح موذر خلوني
(7)
حسافه يا گمر طايح ... وتزيد بفرگتك نوحي
علي بعدك صفوا كلهم .. وحيد وحاير بروحي
حضنت أدمومي ياعباس .. ونمت متوسد أجروحي
تدوس أعله الظلوع الخيل .. وترفرف عالجسد روحي
ريتك عباس أتحاچيني ** گوم وبحضانك خليني
أصرخ وينك .. شوف بعينك .. مذبوح موذر خلوني [/align]
رد مع اقتباس
[/align]
المشاركة الأصلية كتبت بواسطة علي الخطاط
