الى من ترك قبة الإمامين (عليهما السلام )
[align=center]الى من ترك قبة الإمامين (عليهما السلام )
قصيدة زنجيليه لطميه للشاعر المبدع مهدي الشبيب المسيباوي
الي وياكم حچي موجر وعتباي
تعتوني بألم جرحــــــي وعتباي
عليكم تشــــــــهد الگبه وعتباي
إمــــــــــام وليش محد مر عليه
عافوني
قصيدة لطم ( زنجيلية )
المستهل
عافوني عافوني .... يابويه عافوني
گبتي وضريحي اتفجرن .... يابويه عافوني
****************************
(1)
آنه الإمام العسكري .... وآنه أبن الأطهار //بويه
فجرواّ گبتي وهيبتي .... جدام الأنظار // بويه
اتعمر آنه ابيا وكت .... ماظلت أعذار // بويه
عينوني عينوني .... يا شيعه عينوني
لو بيّه أگومن چا گمت .... بترابي عافوني
(2)
يا شيعه مو كافي الحچي .... وكافي التصاريح //بويه
يوميه مرقد ينهدم .... وگبابك دتطيح // بويه
شيعتنه گامت تنذبح .... مدميه وأتسيح // بويه
يبنوني يبنوني .... ياساعة يبنوني
كل ساعه اگول اتعمرت .... بالحسره عافوني
(3)
يا شيعه مايكفي اللطم .... ما تكفي الدموع //بويه
مذهبنه كلسا ينسبي ....كل ساعه مفجوع //بويه
وكل ساعه سيد ينخطف ....لو راسه مگطوع // بويه
واسوني واسوني .... بمصابي واسوني
ياجدي وأنه أتفرهدت .... زواري عافوني
(4)
وينك يمهدي المنتظر .... لو تطلع اليوم
وتباوع أعيون الحسن .... وإتشوفه مهضوم
وتباوع شسوه الحقد .... والعنده مضموم
شوفوني شوفوني .... بدموعي شوفوني
رمز الإمامة أتهدمت .... وعزازي عافوني
(5)
من علم أبويه أتعلمت .... دگيت أساسي
بالدم أناصر مذهبي .... موبالكراسي
محميه رايت كربله .... بروحي وحواسي
عرفوني عرفوني .... من علمي عرفوني
هدمت ضريحي الظالمه .... وأتباعي عافوني
(6)
نتوحد أحنه بياوكت .... وإنساوي الصفوف
وأنهني عين العسكري .... بسامره وأيشوف
مامونه رايت حيدره .... راعيهه معروف
زوروني زوروني .... ياشيعة زوروني
عالت عليه الناصبه .... وأحبابي عافوني
(7)
يخواني كافي التفرقة .... كافي الخلافات
أبن النذاله بكل وكت .... حي بعده مامات
مايگدر بصايت علي .... أيفرقنه هيهات
سموني سموني .... عدواني سموني
عرفوني أبن حامي الحمه .... تاليهه سموني
خادم الحسين وخدمة الحسين (ع)
الشاعر مهدي الشبيب المسيباوي [/align]
رد مع اقتباس
[/align]
