ثورة ألطـَف
ـــــــــــــــــــ
خيوط ليلو إلغيرَه بينــــــــــــــــــــــا
مِن بَعَضنا حسين چَنها إتسَهسَهَــــــــــــــــــــــــــــت
وِإنتـَه يَبريسَم شِيَمنــــــــــــــــــــــــا
إليلو مِنـَك كِل زِلِمها إتعَلِمَـــــــــــــــــــــــــــــــــــــــــت
هِنـَه خَطين إلتـَناقض خَط زِلـَف طاح إوهِوَه
إوخَط هَذولـَه إلشيعَه وي خَطـَك ثِبَـــــــــــــــــــــــــــــــت
هِمَه صوت إلحق يـِدَوِي إبهَل حَياة
لأن كِلها إبخَط وِليها إتشَبـِثـَـــــــــــــــــــــــــــــــــــــت
طـَگـَوا إلهام إلمُصابَك
لـَنها تِعرِف كبر گـَدرَك ياحسين إوطـَبَـــــــــــــــــــــرَت
إنتـَه ثوره إوداخ بيها إلمايـِعَرفـَك
وِإليـِعَرفـَك داخ بَس بالغـِــل سِكـَــــــــــــــــــــــــــــــــــت
إنتـَه ثوره الكون دَنـَج من هَوَلها
وِإلسِمه إتمايَل بـِناها إلعـُظـُم صَبرَك دَنِگـَــــــــــــــــــت
إنتـَه اسمى إنوَصفـَك إحنـَه
إبيت نايل لوقصيده إوكل شِعِرها إبصِوَر شِعرك بَــــــروِزَت
إنتـَه أسمى إنوَصفـَك إحنـَه
إحسين تـَنسيم إلقِيامَه إلبيه رُسِلها إتيَمِمَـــــــــــــــــــــــت
صورَة إلأحرار لـَجلـَك بالكِتاب
إلما قـَراها إبلا هَوِيَه وِإلهَوِيَه إلهاي رَبعَك چَي قـَــــــرَت
بيش أوَصفـَك ياإمام إشلون أوصفـَك ياصَبور
حسين حاجـِب بالشَمِس دَمَك نـَحَـــــــــــــــــــــــــــــــــــت
حسين أكبر من عَظيم حسين أعظـَم من شهيد
حسين لـَجلـَك گـَبل موتـَك جـَنـَة ألله إتزَوِگـَــــــــــــــــــت
لِبسَت إلديباج ليلة زَفِتـَك
وِإلطـَبگ يوم إلقِيامَه إيقاضي إمَيَه إلبيك يوم إلطـَف گِصَت
إلدِنيا مِن إتشِح زِلِمها
إتلوذ بيك إوغيرِتـَك توگـَف صِواري إوشارِتـِك توگف بَخَت
حسين يَجروح إلحياة إلماشِفـَت
تِدي هاي إقرون بينا حسين وي دَمنـَه سَـــــــــــــــــــرَت
حسين يادِرع إلعَقيدَه حسين يَشراع إلأباء إلما هِوَه
ياشَمَم كِل إلشِمايـِل بيك كِلها إتجَسِـــــــــــــــــــــــــــــدَت
حسين يوم إلطـَف يـِضَل ذكرى إلشِموخ
بيه إبليس إوآل أميَه إتوِهِگـَــــــــــــــــــــــــــــــــــــت
حسين دَم نـَحرَك غِسَل وَجه إلسِمَه
وِإبدِماك إسماها وألله إتوَظـــــــــــــــــــــــــــــــــــــــــأت
حسين ماهاب إلمِنِيَه
إتواكَح إوياها إبثـَباتـَه إوبين إديه إتشاهِــــــــــــــــــدَت
حسين من دَرعَم عليها
إلروس مِنـَه إبغير طـَگ إتساگِطـَـــــــــــــــــــــــــــــــت
حسين راسه إعلى إلرِمِح وإلها إنتـَخـَه
إلغيرَه ظـَلـَت بيه بَس روحَه أطلـَعَـــــــــــــــــــــــــــــت
إوشيمَة إلعَباس وَسط إلعَلگــُمي
بيه شِيَمها إلعَدَه حَدها إتشَيـِمَـــــــــــــــــــــــــــــــــــت
بيدَه شال إلماي وَأعرَضلـَه إلحُسين
إوگال چَبد حسين هَسَه إتفـَتِتـَــــــــــــــــــــــــــــــــــــت
هُمَه ذولـَه إولاد حيدر بالوغى
فاز بالفردوس حبهم وِإلزِلـَف زَل إوسَحَـــــــــــــــــــت
حسين حُبَك ماتِغيرَه إلعادِيات
شيعِتـَك مولاي بالدم عاهِـــــــــــــــــــــــــــــــــــــــــــدَت
بَس عَتـَب عدها إمامي إمن إلضَمير
ياغَريب إلشيعَه نِصها إتغـَرُبَـــــــــــــــــــــــــــــــــــــــت
گوم سِل سيفـَك عليهم سَيـِدي
وِإگلب إلطابَگ طـُبَگ فوگ إلبَغــَـــــــــــــــــــــــــــــــــت


الشاعر الشعبي العراقي
مشير مطرب ألسِعيدي
12/3/2003