إلى الأخ الخطاط علي / رد على قصيدته / ماتسوة

[خضير المسيباوي]

[align=center]أشكر الأخ علي لكتابته قصيدته الرائعة ( ماتسوة ) وهذا ردي عليها


ما أسوة العتب گايلهه أمس واليوم
وما أحسب بعد چي ميت أحساسي

وصرت حرباء هسه أتلون أويه الگاع
وماليني الدغش حد واصل لراسي


أعرف بالبشر مو بالأسم ينقاس
وماغشك أبد فد يوم مقياسي


سلاية گفه إتشمر علي چلملت
وتعيرني بعشرتك مابعت ناسي


ألوين أهج أتگلي هج وروح
عزيز بذلتي ماتشهگ أنفاسي


مثل أيوب أصبر من يمرني الضيم
أحرث من جديد إحجارهه إبفاسي


تحملت إشكثر وياك كومة إجروح
ومو صوچك تگولن مالمع ماسي


مو أسود گلب تدريني أنگط شوگ
وليهسه الكلام وياك مو قاسي


ظليت إعله نيتي أوياك متحمل
جرعت إسموم منك وإنته شو ناسي


شحچيلك بعد وأنته بكلامك سيف
خاف أحچي وتگولن كشرت أضراسي


گول إشما تريد أتگول عني إبيوم
مابيع الوفه وما طلع أخياسي


لأن طبعي بحنان وياك أمشي أهداي
وإخلاصي البديته وياك خلي أيكون نبراسي


مع تحياتي للجميع[/align]

[خادمة الزهراء]

[align=center]مثل أيوب أصبر من يمرني الضيم
أحرث من جديد إحجارهه إبفاسي

حياكم الله
اخ خضير المسيباوي
واطيب الله انفاسكم
قد صدقت والله فعلاً .. لأن الصبر أصبح شيمت كل عراقي وعراقية
ننتظر منكم ماهو جميل ورائع
تقبل مروري
أخي الكريم[/align]