الى حسين العصر الشهيد السعيد الصدر

[الشاعر محمدالعيساوي]

عاجز شرد اوصفك سيدي ومولاي
بوصافك أحير ويعجز لساني
ياصدر الزلم والعلم والتاريخ
يانبع التروه بفيضة وجداني
شلون ارثيك انته بجنة الفردوس
بس ارثي بصابك معتني اخواني
فقدناك الابو والقائد المغوار
وفقدناك الترد الفكره سفياني
ما قاصد مدح لمن اسولف بيك
ويعرفك عظيم القاصي والداني
ياصرخت رفض مثلت بيهه حسين
من شفت الوطن مجروح ويعاني
لميت اليتامة بجمعتك مولاي
وشهدوا عن صلاتك مسلم وهاني
انزرع بيه الأمل خلفك لمن صليت
وكسرت قيود خوفي وخضر ايماني
وبنهجك سرت يالغيرتك عباس
وصار اسم الصدر لليوم عنواني
ما هم للمضة ولاهم بعد للجاي
والعمر اليعدي مايرد ثاني
كل همنه صبح عالوطن واهل البيت
والقصدت تخرب الوطن عدواني
غلطان الحسب ياسيدي كتلوك
يا منهج فكر والفكر مو فاني
الك بيه جرح مايبره حد الموت
وتظل شما اذكرك تطفح احزاني
يالمهدي الك نشكي الوضع والحال
وما ندري بعد مولاي شمتاني
أمس ميتين طاحو سيدي ابغداد
امس ما بين سطوت حاقد وزاني
وأحنه الي نسمعه شجب واستنكار
وما شفنه الحكومه تحاسب الجاني


الشاعر

محمد العيساوي

[خضير المسيباوي]

[align=center]الك بيه جرح مايبره حد الموت
وتظل شما اذكرك تطفح احزاني
يالمهدي الك نشكي الوضع والحال
وما ندري بعد مولاي شمتاني[/align]



[align=center]ياأخي عاشت هذه الأنامل التي كتبت هذه الكلمات ..... يامبدع


المسيباوي [/align]

[الشاعر محمدالعيساوي]

شكراً لك يا اخي العزيز خضير المسيباوي
على هذا المرور المتواصل وفقك الله لكل خير



محمد العيساوي
الشامية