شعر شعبي

[سعد الغريب]

بعد كافي:
جرعت سموم غدرك ماكلتلك ليش********وجلمه تنرفزك مالفظت شفافي
بعد كافي:
تمرر خنجرك وتغرزه بين حشاي********وتحز بمنحري وصاعد على جتافي؟

أنه الوادي جنت لو مره امر عليه********الي اجلالاً يكوم وينتهض حافي

وأنه الكيض الجنت من اشتد على الكاع*******أحولهه لسراب على البشر وافي
وبعد كافي:
شجاك شغيرك؟موهدمتلي الحيل*******وماحسبت ترحل عني وتجافي

كمر آنه وطفيت بيوم من جفيت***********وكلي النفع شنهو من الكمر طافي؟

زرعتك ورده بضلوعي وسكيتك شوكـ*****وماجنت اعتقد تنكلب صفصافي

وشلت الروح الك باقة ورد ياصاح*******وانطيتك كَلب مابيه دغش صافي

ولأن طبعك حقود وتكره الحبوك*********شكَكت الكَلب وانطيتني غلافي

وبعد كافي الغصص ماأحمل الطعنات*****مايحمل بعد من الصبر سافي

أنه العالي جنت راسي على راس الغيم******من طبع الجبل ماذلت جتافي

وأكلك هاك روحي واخذ فص العين********تهز ايدك عليه تكلي متعافي!!!!!!

طبع ماي البحر لو هب عليه الريح*******يضل جدامه يركض روجه وي روجه

وأنا بوجه النوايب صرح ماأنهار ******وبحر مو ماي سم ماتكدر تفوجه

عرفتك مو وفي وطبعك طبع ثعبان*****ماعندك حجايه وقصتك عوجه

وأنه الكَلبي فطير ورايي واحد دوم *****مو مثلك أغير كل وكت موجه

الخيل بلا سرج ماتفع الخيال*******ومااحبذ المهره الموش مسروجه

الشجر عالي صدكـ بس ينتهي بلحظات*****اذا الماي انكَطع مايوصل عروجه
************************************************** ********************************










آنه من احجي شعر أمحي الوجود
وتنحني اجلالا الي الدنيه وتنوخ
والمنصه تخاف من عندي وتطيح
وهو نفسه الشعر من شعري يدوخ
وتبقى ترجف رجف كل الكائنات
وآنه واكف ثابت بهيبه وشموخ
وافتخر واتكبر وامشي بغرور
وما أطخ جي اصلي من سوك الشيوخ

[منازار]

الشجر عالي صدكـ بس ينتهي بلحظات*****اذا الماي انكَطع مايوصل عروجه


شعر وحكم عاشت ايدك اخي الفاضل