[align=center](رسالتان)

ويـنـك يـايـزيـد اووينهـا بنـودك
خـايـف لـو غـدت تتراجـع جنودك
ويـن قصـور تـزهي وصولجان وتاج
ولاشـوفـن جـيـوش التحرس حدودك
ويـن الـقِـيـن ويـن الخدم والأعوان
ويـن الـتـرف چـان محمُّـر خدودك
متگلـي شجـرالك خـامـد ولاصـوت
چـا ويـن الـنـذل بالكـوفـه ميعودك
ويـن أهـل الـنـفـاق بمجلسـك ييزيد
ويـن الكـرسي شـو ماطـول گـعودك
مـايـوم حـسـبـت للـيـهـدم اللذات
وبـغـفـلـه لجـهـنـم عجَّل اورودك
غـرَّك هالمُلك تـدري الـمُـلك زوَّال
چـا ويـن البنيته بـخـسَّـة جهـودك
صـار اسـم الحسين شعـار للأحـرار
واسـمـك صـار لعنه اتمـدها لجدودك
تـذكـر بِـتْ علي مـن واجهت مسعاك
تـظـن يـيـزيـد تمحي الدين بجحودك
نـكـرت أصـل الـرساله واليشد مسگاك
بـس رفـرف الـديـن وحطـم بـنودك
لانـسـمـع بـجـدك وي ابـوك اليوم
ولا إلـهـم گـبـر اتـقـدسـه قرودك
وانـت الـيـوم وصـمه بجبهة التاريخ
والـتـاريـخ يـتـنـصـل من وجودك
دم حـسـيـن مـر بيك وجرف البساط
وبلحظه كـسـر لـك ياصـلـف عودك

يـبـو الـسجـاد دمك بعده يحصد روس
ماضـاع الـبـنـيـتـه وصغته بعهودك
سـطـرت الإبـاء بـدمـك الـمسفـوح
وبـنـحـرك تـخـط صفـحات لخلودك
مـاتـرضه الحضيض او لو چنت مذبوح
راسـك عـل الرمـح ظل يرفض صفودك
رفـض راسـك يغطـي هيبتـه التـراب
قـبـل بـس للألـه يطـاوع سـجـودك

جثير اجـبـال مـاصمدت بوجـه الريح
بـس اعـتـى الريـاح اتخاف من طودك
حـاطـوك بـسـلاسـل صلبه ويا قيود
وبـرفـض المـذلـه انـفـكـن قيودك
رفـضـت الـديـن يلعب بيه مثل يزيـد
وبصـفـك لـگـيـت اتـزمجر اسـودك
قـدمـت الأسـود لـسـاحـة التخـليـد
دمـك والـنـحـر للعـالـم شـهـودك
صـحـت هيهـات أقبل لو أطـخ الراس
واتـعجـبـت أمـم من صخرة صمودك

لچنك بـن عـلـي فـارس بـدر وحنين
ابيت ابـن الـوضـيـعه لحصنه يقودك
بـسـفـك دمـك تصور تختلي الساحات
ولـن دمـك أشـد رد صـوبـته ردودك
طـوفـان آل امـيـه شقـد جرفله سدود
لـكـن مـاگـدر يـتـعـده لـسـدودك
تـسـلـقـت الـقـمـم ماهمتك الجبال
ظـل دمـك يـمـهـد رحلـة صعودك
بصـفـات المصطفـه وحيدر شدت مبناك
وبـيـك أرقى الصفـات الميزت جدودك
عـدوك مـنـعـمـي من شمسك ومحتار
ومـات مـن القهـر ياسيـدي حسودك
حـتـى مـن طحـت واتوسدت التراب
ظـل دفـعـك عـن الإسلام وي ذودك

احـنـه الـيـوم تـربـي عيونا لسماك
لن تـضـوي وتـلالـي نجـمة سعودك
واحـنـه الـيـوم مـن لهفه عليك نريد
نـطـيـر لـگـبـتك ونشارك حشودك
نحلم سـيـدي بسـاحـة حضـرتك دوم
شوكت لـعـيـونـا تـرف رايـة بنودك
بـاوع ســيـدي زوراك الـتـهـواك
مـلايـيـن اعـلـه بابك توگف اوفودك
تـمـد أيـديـن صـوبك سيدي وتنخاك
لـتـرد سـيـدي العـشـاگ بصـدودك
صعب نحصـي النفوس الشدها نار هواك
صعب عـد اللي يـنـشد عطفك وجودك
نـدري الـكـرم رابـض يمـك بيمناك
لايـوم أخـلـفـت ذره مـن وعـودك
وهذا الـيـوم نطمع نحضى بس برضاك
لـن فـاز الـجـنـه ورده مـن ورودك

29/12/1428 هـ[/align]