السيد جواد المحترم هذه قصيده مستوحات من قصيدتك لكن الأب يقف على قبر ولده
عمت عين الزمن ما أنصف اوياي
لو أدري أبد ما فاركتكم
**
أشتريت ألحزن بس يشهد ألكرار
بعت الدنيا كلها أو ما بعتكم
**
يا ما ذكريات أنكضت ويا ك
ويا ماصور با لحيطان ألكم
**
يبويه أشلون بيه أهواي مشتاك
اتمنى أبلحدكم انه غافي
**
تعبان أو رجيج أو نومي شلون
أنه لو أم أنومك با لعوافي
**
يا جمرة حسرتي وطفرة ألروح
على جمر ألقهر أمشي أنه حافي
**
أيا ما كعدنا أو كمنا وياك
يبو كلب ألجبير ولبن صا في
**
ها بويه أشفت كلي أشجره أوياك
رهبة موت كلي ابحالك شلون
**
يبويه ألحزن يثلم ثلم سجين
ويحتاج الينوح الدمعته عيون
**
تعال أو شوف بيتك والحياطين
على كل أثر منك هم يونون
**
أخوتك لو خواتك من يشوفون
ربعك با لمضايف من يضحكون
**
يهل البيت مزنه أو يشتعل نار
أو كبل لايبجي أبيك همه يبجون
**
أنه بيه ألنوايب شجن أرماح
أنحنى ظهري يبويه أبدونك أنته
**
صا حبتك جرح من عمري ظنيت
توفيني ألتعب ذاك ألتعبته
**
ما ضنتي أنتفارك وحدي ضليت
ولا كلبي يهود من حسرته
**
شسولفلك يبويه أشسوه ألفراك
بغيابك أتغار الهم حملته
**
شفت ألموت بويه وحالك شلون
الشريف اشما تعب ما يلكه راحه
**
هلك بويه أو مرارالحزن مربيك
تلكه أوجوه مليانه سما حه
**
أنه الردتك يبويه ألساعه ألعوز
لجن طبع الوكت بس الكبا حه
**
بعد بويه حجرتك شايله أهموم
أو بعد كل ذكريا تك طيف بيها
**
من نشتاك الك تا خذنا الهموم
نجي او بجروحنا انسولف عليها
**
يبويه الموت اخذكم وانه ضليت
ابحسرتي الزمن دك دكات وياي
**
الف موته اموت او كلت ارتاح
يا بويه اشكبرها اهموم دنياي
**
أذكر مشيتك والطيب الوياك
يهزني الشوك جنك من صدك جاي
**
افز مرعوب واتعثر با لأشوا ك
احس با لنار تلجمني ابثنا ياي
**
ما ضن الكه مثلك بعد هيهات
انه ابشيمة العدك ارهب اعداي
**
ألف وسفه طواك الموت يا حيد
والف وسفه ايتخطى الفاسد الراي
**
أمس عنكم يبويه ** راحلينه
ولاشفنا بعدكم ** راحلينه
اهواي اعزاز مثلك ** راحلينه
أمن صدورألمجر ألكم تحيه
((((())))))
مع تحيات الشاعر أبو عمار ألربيعي ألى جميع ألأخوه ألأعزاء في قضاء ألمجر الكبير / ميسان وعموم أبناء الوطن ألغالي
رد مع اقتباس
المشاركة الأصلية كتبت بواسطة ابو نور 1949
