ابوذيات بمناسبة مولد الرسول الاعظم(ص)

[جواد الفراتي]

[align=center]ابوذيات بمناسبة مولد الرسول الاعظم(ص)


من هل
محمد نور الاكوان من هل
علم ومعرفة ومن كلها منهل
من يوصل نبينا كلي من هل
واحد يوصله خير البرية

بشر
نزل وحي الاله وبيه بشر
محمدكم نبي وهليلة باشر
من آمن سلم والضال بشر
هذا آخر رسول عللوطية

من نبينة
هذا النور كله من نبينة
وكل الفخر النا من نبينة
للماعرف سر من نبينة
يكول اشهد محمد هذا ضيه

منهدينه
محمد لوما انت منهدينه
وجان النار شبعت منه دينه
خلل ما بي كامل منهي دينه
وترك قرآن و العترة الابية

منتها له
محمد لنور ربي منتها له
بدليل آخر ديانة منتها له
كفرت انت و رسمته منت ها له
هذا آخر نبي وآخر هديه

ادين
فرض واجب علينه طاعت ادين
بعد ما اريد استنكر ولا دين
مو سبو نبينا و عدنه له دين
اريدن فتوة من المرجعيه

فرج
الهي اهل الكفر و الظلم فرج
والهي بحق هذا اليوم فرج
على المهدي و لكل الناس فرج
امام العصر واكف علوطيه

جواد الفراتي
20-3-2008[/align]

[خادمة الزهراء]

ابوذيات رائعة
بارك الله بك اخ جواد الفراتي
وحياك الله معنا

[جواد الفراتي]

شكرا اختي العزيزه
على الترحيب والمرور
وبارك الله بالجميع

تحيتي و ودي
الفراتي