النتائج 1 إلى 2 من 2
  1. #1
    تاريخ التسجيل
    Apr 2008
    المشاركات
    1,062

    افتراضي يالتزور حسين للشاعر نائل المظفر

    يالتزور حسين إصبر لاتزور
    إقره ليش حسين قامت ثورته
    حتى من تنزل دمعتك عالحسين
    تعرف شكَد الثواب بدمعته
    تدري ليش الميت ايعصره القبر؟
    وتدري شيصيح القبر في ميته؟
    خاف حابس دمعة في حق الحسين
    اليوم تطلع من ظفر سبابته
    وحتى تعرف منك شرايد حسين
    مو تزوره وأنت جاهل غايته
    حسين رايد روح تنهض بالضريح
    مو تحط دينار ماهو بحاجته
    روح علق قلبك اباب الحسين
    وشيل كل هذا الذهب من حضرته
    حسين مامحتاج عا لقبة ذهب
    الذهب محتاجه راح إلقبته
    والناس لو تدري الذهب قصد الحسين
    جان مانصرت يزيد وخانته
    وياهو كَال الشيعة فقدت جم حسين
    وياهو كَال هوايه وادم تبعته
    صاح صوت امن السما بمقتل حسين
    وبعده لسه يصيح محد سكته
    شلون مانبجي وندك لاجل الحٌسين
    وكل سنة بعاشور ننصب مأ تمه
    إنكسر ظهر الكون من طاح الحسين
    والجبال من اللطم متثلمه
    ولأن ماكو جفوف وتدكَ النجوم
    تنهدكَ عا لكَاع وترد للسمه
    تدري شنهي المعجزة بلطم الحسين؟
    ما تموت الناس لو تمطر دمه
    ويه كل جف يرتفع يوكَف مَلاك
    شما يدكَ الشيعي صدره يقدمه
    وعدنا با لشيعة زلم لولا الملاك
    جا صدرها بضربة وحده تهشمه
    الى امي ........
    نفسي وماملكت يدي لك ياحبيب الروح تهدى

  2. #2
    تاريخ التسجيل
    Jul 2004
    الدولة
    هناك
    المشاركات
    28,205

    افتراضي

    ثورة الحسين عليه السلام باقي أبد الدهر وجعلنا الله من الموالين الحقيقيين لا نذرف الدموع ولا نتبع خطاهم

    شكرا اخينا الحلفي على النقل

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
 
شبكة المحسن عليه السلام لخدمات التصميم   شبكة حنة الحسين عليه السلام للانتاج الفني