صفحة 2 من 7 الأولىالأولى 1234 ... الأخيرةالأخيرة
النتائج 16 إلى 30 من 97
  1. #16
    تاريخ التسجيل
    Mar 2010
    المشاركات
    2

    افتراضي

    في او مشارك لي في هذا الصرح
    اود ان اجاري امراء الزهيري كما سماهم الاخ نور على الدرب بيت المرحوم طشر عبد النبي
    واقول
    اليشور الصحاب يربح عقل ما يظل
    وماي الحيا بكصته ما طاح ابد مايظل
    في الدخش بالجذب مبخوت لا مايظل
    والطيب ثابت يظل للجود دومة يلد
    والبخت لهل البخت لكل الصعايب يلد
    يالكلت ناسك كلت لحم الجلب واليلد
    يا صاح هذا الوكت حتى العظم ما يظل

    تحياتي للجميع
    المجراوي

  2. #17
    تاريخ التسجيل
    Nov 2009
    المشاركات
    548

    افتراضي اابوذيات كاظم الخطاط المالكي / من اعداد علي كاظم الدرجال الربيعي

    مني سلته
    ذبحني وسلت سيفه ** مني سلته
    وباك العنب كله ** مني سلته
    احلفنك هذا شعرك ** مني سلته
    أبمشط لو أجرت عمال ميه
    كل حيلها
    مدينة شوك روحي ** كل حيلها
    لجن وياك فشلت ** كل حيلها
    وجوه الناس ماضل ** كل حيلها
    وجه للصدك بس للجذ ب ميه
    من لي سنها
    الكباحه من كتبها ** من لسنها
    تلاسني وتغلس ** من لسنها
    جليله حيه الوادم ** من لسنها
    أتلوك ولكلوب كلوب حيه
    يملاي
    ناحل مايجد بالسير ** يملاي
    ولاتنكطع عنهم يوم ** يملاي
    انه حين الشفت حلو الطول ** يملاي
    تبسم وضرم النيران بيه
    من شعر كاظم المالكي / ميسان / المجر الكبير

  3. #18
    تاريخ التسجيل
    Nov 2009
    المشاركات
    548

    افتراضي من شعر غزل أهلنا الطيبين / من اعداد علي كاظم الدرجال الربيعي

    واجمل ما قيل في شعر الغزل
    شعر غزل رهيب
    شعر غزل رائع


    والله اني مفارق شعر الغزل
    بس من شفتك وأنا ببحره غريق
    كامل الأوصاف والحسن اكتمل
    كملك ربي وخصك بالخليق
    من كحل عينك عيوني تكتحل
    وان تناظر بي يجي بعيني بريق
    القمر وان شاهدك غاب وأفل
    يستحي في محجر عيونك يويق
    صورك ربي سبحانه وجل
    تاج زين الكون بك وحدك يليق
    القصايد كلها لك والجمل
    تستحق الشعر دامك تستذيق
    ياصلك شعري وأنا مابعد أصل
    كل ما أقدم دروبك لي تضيق
    ارتويت الشعر فيني للثمل
    وصرت أهوجس في قصيدي وأستريق
    ليتني يازين في عمر الجهل
    وليت ربي ماجعلني لك عشيق
    قبل أعرفك كنت مو هاوي غزل
    ومن عرفتك شب في قلبي حريق





    ===================


    مساء الحب يا حب يعيش ودنيته طرياك
    احس انك هنا ايامي ولو ما كنت تطريني
    يفوح من الزهر عطره ويبقي القلب مع ذكراك
    وهج ذكراك في قلبي بعد صدك يدفيني

    =================


    أحبك وأسألي عني القمر لا تعلمين كم قلبي لأجلك قد سهر

    لا أحببت مثلك لا أنثى ولا ذكر سأظل أحبك وأجري نحوك في الممر

    تخيلتكي جنبي دائما منذ الصغر وليتنا نجتمع ونلتقي في السفر

    فهاك حبيبتي خدي وردة الزهر ولتبقى ذكرى على طول الدهر

    سنلتقي يوما عند ضفة النهر وسيكون يوماً جمييييل قريبٌ للسحر

    أحببتك وعشقتك بصدقٍ يا سمر ولا جدوى من حبي لكِ ولا مفر

    فهل تقبليني حبيبك يا فنر؟ أم ترفضيني وترميني لقروش البحر؟


    ====================

    سلام يا رمش ر باهي الخد سلام .. يا ذابح القلوب الخلية




    ما بي ظمأ .. لا شك بي روح عطشان وما ني عليل وأن بدى سقم حالي




    يا ليت ربي ما خلق .. حب وفراق وإلا خلق حب على غير فرقا




    أنت العذاب وكيف أنا بك اعذبك يامن جرحت القلب .. جرحك علاجي




    كل يعاتب بعض الاحيان غاليه والحب يبقى فوق كل الجروحي




    با متع عيوني .. بشوفة عيونك اخاف من يوم اجي فيه ما لقاك




    والله ما غيرك بقلبي يوازيك أغلى من الدنيا ..على الخد ما طاك




    إلا العيون ابخل بها ما قدر اعطيك وش فايدة دنياي من دون شوفك

    =======================

    خَدَعوها بقولهم حَسْناءُ

    والغَواني يَغُرٌهُنَّ الثَّناءُ

    أَتراها تناست اسمي لما

    كثرت في غرامها الاسْماءُ

    إن رَأَْتْنِي تميلُ عني ، كأن لم

    تك بيني وبينها اشْياءُ

    نظرة ، فابتسامة ، فسلامُ

    فكلام ، فموعد ، فَلِقاءَ

    يوم كنا ولا تسل كيف كنا

    نتهادى من الهوى ما نشاءُ

    وعلينا من العفاف رقيبُ

    تعبت في مراسه الاهْواءُ

    جَاذَبَتْني ثَوبي العَصيِّ وقالَتْ

    أنتم الناس أيها الشعراء

    فَاتّقوا الله في قُلوبِ اَلْعَذَارَى

    فالعذارى قُلوبُهُن هَواءُ

  4. #19
    تاريخ التسجيل
    Nov 2009
    المشاركات
    548

    افتراضي من شعر اهلنا الطيبين / من اعداد علي كاظم الدرجال الربيعي

    لو عـيـوني واجـهت كـثـر الفـضـول
    غـيـر شـخصك يا حـبـيـبي ماترى
    **
    لو عـــذابي من عنا حــبك يحـــول
    يا حــلاته عــذب اســمـك لا طرى
    **
    ولو وصــفـتك تعـجـز احـروفي تقـول
    ســيــروها قــدام وترجـع لي ورى
    **
    هب يا حــــرف تـنـثى لايـجـــول
    عــادتك تسـري إذا طيـفـه ســرى
    **
    والتـمسـتـه يرتـعش فـيني جـفــول
    قـل عـنـدك لي ذعــــاذيـع وترى
    **
    يالمشـاعـر صـاحـبك وصـفه يهــول
    مـــا دريتي بالثـــريا والـثــرى
    **
    مـنــوتي حـلـمـي تـردى لا ينــول
    لـيت حلمي عن مــواجـيـعـه درى
    **
    لاذكـــرته من غـلى ذكـــره يـطـول
    مــا كــفــاكِ إنه حــريمك لـلكرى
    **
    ولا كـتـبـتـه ارتجي صــمـتـه يزول
    اعــذريني لا كـتـبـت ومــا قـرى

  5. #20
    تاريخ التسجيل
    Nov 2009
    المشاركات
    548

    افتراضي ألمن جاي / من شعر ورده ألمندائيه ( وألله والنعم )

    يالدربك ظلام وعاصفة واشباح


    يالريحك غدرباكَت شمع دنياي


    ألمن جاي؟


    لا كابوسك يمربيده شايل سيف


    لا ليلك يخوف اضواي


    ألمن جاي؟


    جاي تصلح المكسور؟


    افعالك أثرهه يزول؟


    هاي أحلام..هاي أوهام


    ما اردَّن بعد واشبك سراب الشوك


    ما احطَّن بكَاعك وآنه طاير فوك

  6. #21
    تاريخ التسجيل
    Nov 2009
    المشاركات
    548

    افتراضي بجيت عليك // من شعر ورده ألمندائيه ( وألله وسبع تنعام منج يورده )

    بجيت عليك .
    .
    محتاجك نفس بس وين ألاكيك

    مشيت وغيبتك صارت طويله

    ألوج عليك مثل الشارب السم

    ومثل لايج كلب مصيوب جيله

    يطك جرحي ملح وألكاك خنياب

    هلبت شاخه منك تعتنيله

    وكاسر بالصبر مايكسر وياي

    لأن حتى الصبر مهدوم حيله

    بجيت عليك حد ما ذابت العين

    جا ذا مو ألك ياهو ألأبجيله ؟

    تمر ليال هجرك صفنه ودموع

    كل ليله بسنه وحسبها ليله

    مو كتلك دليلي وياك خليه

    بشر من غير دم شله بدليله

    تعال مروتك سويها لله

    وغير مروتك ماعندي حيله

    أظل أتأمل عيونك تجيني

    لوحسبة وصالك مستحيله

    جربت الوسائل كلها وياك

    وتعبت هواي مانفعت وسيله

    بس الطيف ظل يباري للعين

    وهم مامش جفن يكدر يشيله

    وأخاف حجايه من شامت تجيني

    وتدري حجاية الشامت ثجيله

    باجر شعتذر لو عيروني

    أكول الوكت ذب روحي بشليله

    شمعزها الروح ماذلت فرد يوم

    شجاها وصارت بحبك ذليله

    شجاها وصارت بحبك ذليله

  7. #22
    تاريخ التسجيل
    Apr 2010
    المشاركات
    427

    افتراضي يانبع ريحان / من شعر اهلنا

    يا مدري شأوصفك يا نبع ريحان
    يمطرز ورد من راسك لجدمك
    يا زيبك وابد مالمه جف انسان
    مجنون التدنه ورايد يلزمك
    كلت بلجن اوصفك بالشعر يا زين
    لن حتى الشعر يتغزل بجسمك
    يا ورد البنفسج والبنفسج غار
    من حسنك واجه ومن خدك يشمك
    اقسم ما اغالي بموصف المزيون
    شمس انته وغشيم الرايد يضمك
    هذا العيد اجانه وجيتك عيدين
    جا هلبت تجينه وتجلي كل همك
    وناذر لو تجي وبعيوني اشوفك جاي
    اطش سنين عمري الباقية لاسمك
    مثل يعقوب بعدك راح مني الشوف
    ويرد الشوف من ترجع واشم هدمك

  8. #23
    تاريخ التسجيل
    Nov 2009
    المشاركات
    337

    افتراضي دارميات اهلنا / من اعداد ابو عمار الربيعي

    هو / آنه اللي عيني اعليچ واصل عماهـــــــــا
    اتحدى كل الناس تبچي أبچاهــــــــا
    **




    هي / وآنه الدموع اعليك ابچيها اشكـــــــــــــال
    وتدري انت فص العين من وشلـت ســــــــــــال
    **



    هو / صاحو عليَّ الناس واسمع ولا چــــــــــــن
    گالوا خذاه الشوگ هذا الولـــــــــــــد جــــــــــن
    **




    هي / لو تدري آنه اشلون مبتليه بيهــــــــــــم
    عمدة من امر يحچون باسمــــك حچيهـــــــــــم
    **



    هو / خل تحچي كل الناس بالچ تصــــــــــدگين
    ولا يبقى فكرچ دوم بيهم تفكريــــــــــــــــــــــــن
    **



    هي / ماصدگ الينگـــال بس بيـــــك اصـــــدگ
    لن نبضي آنه وياك كـــــــل ثانيـــــــة ايــــــــدگ
    **



    هي / لو تدري حالي اشلون من بعدك اشصار
    چا گلت عفيه اعليچ متحملـــــــــه النــــــــــــار
    **



    هو / شوفي آنه حالي شلون من كثر الهموم
    بس رسم فوگ الگــاع سترنـــــي الهــــــــدوم
    **



    هي / اتمنى طيرة الروح واوصل واحاچيـــــــــك
    واگعد وحط الهمــــوم يمــــــــــك وابچيـــــــــــك

  9. #24
    تاريخ التسجيل
    Nov 2009
    المشاركات
    337

    افتراضي دارميات اهلنا / من اعداد ابو عمار الربيعي

    لعب الطفل بالطير صرت انه بيدك

    كل هذا والدلال يصرخ يريدك
    **********************
    بالك تضن وتكول انه اكدر انساك
    يفحط دليلي عليك لو يمر فركاك
    **********************
    برض الحرام وياك كعده اشتيهيها
    مزروعه كلها الغام محد يجيها
    **********************
    تيزاب احط بالعين وعدم نضرها
    والروح اذا تنساك اكطع خبرها
    **************************
    سهران افكر بيك والليل اجاني
    وافتر وحوم عليك وانه بمكاني

  10. #25
    تاريخ التسجيل
    Nov 2009
    المشاركات
    337

    افتراضي دارميات اهلنا / من اعداد ابو عمار الربيعي

    احنا بخضار الشوك بعده الوكت شاب
    كلبي اعلى الثمانين للحب فتح باب
    ........................................
    يـاتـرف كـلي اشبيك تخزرنة وتـروح
    لتعاين اعلى الشيب عاين على الروح
    ........................................
    اشماطول الهجران بالكلب موجود
    يـايمة للتسعين واتـنـطـره يــعـود
    ........................................
    مابيها كل منكود مابيها كـل عيـب
    ايزيد الوفه بالشوك لو بين الشيب
    ........................................
    للموت اظلن شاب بالحب والاحساس
    والكلب اخضر دوم لو شيب الـــراس
    .......................................
    مامش عمر محدود للحب والاشواك
    يــا دنيا للعمرين نبكه احـنا عشــاك
    ......................................
    ينضج اويانه الشــوك كلــما كبـرنـه
    ويكضن سوه بالموت الحب وعمرنه

  11. #26
    تاريخ التسجيل
    Nov 2009
    المشاركات
    337

    افتراضي دارميات اهلنا / من اعداد ابو عمار الربيعي

    اشما تريد يصير ياوكتي بلواك .. ربع النفس بالروح واتماطل انا وياك


    لو نهر من تيزاب شارعكم العام ... اتعنة الك سابوح خل اوصل اعضام


    عيد واجاني العيد وانتم بعيدين ... تبجي وتريد احباب مجبوره هالعين


    فدوة الك كل الراح والباقي فدوة ... غالي واشوفك دوم بعيوني قـــدوة



    جربتكاني هواي كل رجـوة مابيك ... ولساني اكصة انوب لو هم يحاجيك



    تدري شكثر يهواككلبي ويحن ليك ... وذاك انته دوم وياي حنية مابيك



    ناذر وحق عيناك لو اشمياسك ... شوباش اطش سنين عمري اعله راسك


    خل نكعد اني وياك ياهو اكثر هموم ... همي بكثر دنياي و الباقي مضموم


    لابيك جيه وتجي ولا بيه حيل انساك ... ظلينه بس بالحلم نتلاكه انه وياك


    لبغداد انا اتعنيت ومفخخ عضاي ... لو اطك انة هناك لواحضن هواي


    عيون العراق أعيون من أحلى لعيون ... فن وأصاله وخير بس عدنـــــا تلكَون

  12. #27
    تاريخ التسجيل
    Nov 2009
    المشاركات
    337

    افتراضي دارميات اهلنا / من اعداد ابو عمار الربيعي

    محاورة شعرية بين طالب وطالبة واستاذ:

    الطالب : بالصف افكر بيج وعن درسي فاتر

    واسمج كتبتة بشوك فوكَ الدفاتر

    الطالبة: امن الجامعة للبيت وانت على بالي

    وبكل صفحة يالمحبوب وجهك يلالي

    الاستاذ: الحب يدفع الانسان لاعلى المراتب

    ويتبرة منه الشوك لو طلع راسب

    الطالب: انه ادري يا استاذ للعاطفة احدود

    والواجب اخليه للدرسة مشدود

    الطالبة: حب الوطن يا استاذ من حبنة اكبر

    نريد انتفوق دوم وبالعلم نسهر

    الاستاذ: ولدي المحبة احساس والعلم بابة

    ويندم هواي هواي اليهمل كتابة

    للشاعر ناصر محسن الساري




    محاورة بين عشاق:

    هو: ابسد شجرة التفاح مشتولة روحي

    وبالفركة حتى الطير ناح على نوحي

    هي: اجيتك ومن ابعيد سبكتني روحي

    ومن لمست الجفين طابن جروحي

    هو: لا كلبي نوبة ايهيد لا عيني تغفة

    لا صبر بيه يفيد لا ناري تطفة

    هي: اتمنة روحي اتصير نجمة وترابيك

    وبهيدة تالي الليل انزل واشم بيك

    هو: اتمنة اهل الشوك يلتم شملهم

    والطرب والاشعار اتبرع الهم

    هي: اهل الهوى ايكولون كلهم مساكين

    وعدهم الف تفسير لو رفة العين

    للشاعر ناصر محسن الساري


    حوار بين ام عاشت في زمان الحب وابنتها التي عاشت في زمان المال عندما جاء رجل يحبها لكنه لا يملك المال التي كانت تحلم به :

    الام: يمه الاجه ابن جواد موش ابن غربة

    اصل الستر والطيب واصل المحبة

    البنت: اليخطبني لازم كون انه الاريده

    عنده قصر واموال وسويجه بيدة

    الام: ابكبرج واجه الخطاب كتلهم ارضة

    جابولي خام الشام والحجل فضة

    البنت: يمة زمانج راح بيه انظلمتي

    وذاك الوكت مرفوض مو مثل وكتي

    الام: عشنا بوفة وبطيب كل الليالي

    لازفة لاكنتور.... لامهر غالي


    البنت: اعرف بنات هواي عزن نفسهن

    اتكلف كذا دينار بدلة عرسهن

    الام: اشرايج لوَن زنكين عالحسن حبج

    وملج بعد شهرين واعلينة ذبج

    البنت: بنتج بعدها اليوم حلوة وزغيرة

    مو مشكلة من يروح يخطبني غيرة

    الام: بس كلمة عندي وياج ولله شهادة

    بالوفة وبالاخلاص سر السعادة

    البنت: اخر كلام وياج متطورة انه

    والما يجيب المال شلي بحنانة

    الام: اختاري والله اوياج يا سلوة العين

    امج واعرفج زين باجر تندمين

    للشاعر ناصر محسن الساري



    يحكى ان رجلين كانا على خلافٍ دائم بسبب المواشي. وشاءت الصدف ان يحب ابن الرجل الاول بنت الرجل الثاني. وبعد عناءٍ تكبده الولد في اقناع ابيه ذهب هو وابوه مع مجموعة من (المشاية) الى بيت الرجل الثاني ليطلبوا يد الفتاة ولكن والدها رفض اعطاءها كما ياتي:

    والد الفتاة: شلي بحلالي اليوم لو صبح واشي

    اعذرني يا ابو فلان واخذ المواشي

    والد الفتى: ياخوية انه وياك باجر مرحلين

    خنجر عليش تصير بين المحبين

    فقررا الوالدان ان يحمعا بين الشابين ويستمعى الى حديثهما عن الحب فوقفت الفتاة خلف الستارة:

    الفتى: اثمرت هاي الكاع للبيها متعوب

    وخضرت سنبلتين مابين الكلوب

    الفتاة: اي صدك سنبلتين شوك ونداوة

    ولمت شمل خصمين بعد العداوة

    الفتى: اتكربنا صدكوا نريد نتكرب اكثر

    اكبار وصفيتوا احباب واحنة نتمرمر

    للوردة دمعي الماي بسكوت اساجي

    اتعطشونة واحنة فروع من السواجي



    والد الفتى: اشرايك يا ابو الديوان يالهمي همك

    نمشي ونعوف الزاد.. لو حلها يمك

    والد الفتاة : يحرم علي الزاد لوما احلها

    من هسة تمشي وياك وابنك رجلها

    للشاعر ناصر محسن الساري



    تابع احد الشبان احدى الفتيات فقال لها
    كاع انه وانت الطير لابد يحط يوم
    لو تتعب الجنحان لو ينكرك حوم
    فقالت له
    كاع انت وانه الطير وتظن احطن
    لو تتعب الجنحان با لماي اغطن

  13. #28
    تاريخ التسجيل
    Apr 2010
    المشاركات
    427

    افتراضي من شعر اهلنا الطيبين


    من عيني الدمع يهــمل وســـالي
    راح الجان الي سلــوة وســــالي
    الناس نجوم يا صاحــبي وسالـي
    كمر نوره يتلالـــه علـــى الثريــا
    **


    جثير تحملت لاجـــلك وداريــــت
    ودمعتي تلوج بعيونــي وداريــت
    الدنيا لو جـــفت عنــــي ودارت
    اريدنـــك تجي وتحـــن عليــــة
    **

    انشدك يا حلو الاوصاف بس تان
    اريــدن مــن الوجنـــات بستـــان
    حبــك زرع بــالــدلال بستـــــان
    الثمر للغيــر وانا الضـــيم الـــية
    **


    مثل الشمع عودي ســال منـــي
    والمصايب للمصايـب سلمنــي
    جني همـومــك علي سالمـنــي
    ولا كلبــك يحـــن مــرة عليه

  14. #29
    تاريخ التسجيل
    Nov 2009
    المشاركات
    337

    افتراضي دارمي للشاعر علي كاظم الدرجال الربيعي

    هيله وسبع تنعام بيكم وله دوم ** من كثر نوحي عليج سردت الهدوم
    **
    هيله وسبع تنعام منج يهيله ** كلج وفه وطيبات كحيله أو أصيله
    **
    نكاط اريد اصير بشفافي هيله ** غرغره بساعة موت مابيدي حيله

  15. #30
    تاريخ التسجيل
    Nov 2009
    المشاركات
    337

    افتراضي ماتستاهل // من شعر أهلنا الطيبين / اعداد علي كاظم الدرجال الربيعي




    ماتستاهل ابجيلك حرامات
    ولاتاخذ بعد من عيني دمعه
    ***


    چنت ازرع ورد بس هسه مجبور
    حته الباقي منهن راح اشلعه
    ***


    أيس مابقتلك يمي اسرار
    وحته اليدگ باب الروح ادفعه
    ***

    بقى يمي الشمع بس ذوبه الليل
    وانه متاني الصبح يطلع واشيعه
    ***


    عرفتك ثوب بس ماتستر العيب
    المايرهم علي مجبورانزعه
    ***

    چنت اخجل واعبرلك حجی هوای
    واعرف بي چذب بس كلت اسمعه
    ***


    وهسه أتكطعت وياك الدروب
    وبقه درب الخجل بلساني اكطعه
    ***



    كرهتك كثر ماودعت الشموع
    شمعه بعيني تحله وتطفه شمعه
    ***


    جنت كبر الجرح شايل معاناة
    وصدك جان الكلب من ينعه ينعه
    ***


    جن داخل حسن لو طلعت الاخ
    وتطلع روحي الك وتردهه فدعه
    ***


    حسبّتك رقم من لمعة البيك
    وين ادري الصفر هم ينطي لمعه؟؟
    ***


    وين ادري الغصن بيه يركض الموت
    وعلى عش المحنه يودي الافعه
    ***


    باجر راح اجفن كل الجروح
    ونعش الذكريات براسي اشيعه
    ***


    وباجر راح اهدّم بيت الدموع
    وابني من الفرح بعيوني قلعه
    ***


    وتذبل شفتك وترد الي زحوف
    وانه بجفي النهر وبكيفي اكطعه
    ***


    وأكلك كلشي مات اللهفه والشوك
    محال اليندفن تكدرترجعه
    ***

    وسود تصير كلهه ايامك البيض
    وينذل خاطرك ويعض اصبعه
    ***



    مثل ماجرعتني بكا سك الموت
    كاس الذل شرط باجرتجرعه
    ********

صفحة 2 من 7 الأولىالأولى 1234 ... الأخيرةالأخيرة

المواضيع المتشابهه

  1. اجمل مافي الشعر الشعبي ..
    بواسطة محمد صادق في المنتدى واحة الملتقى الادبي
    مشاركات: 2
    آخر مشاركة: 15-07-2010, 12:55
  2. قصيدة ( سلاما على العراق ) للشاعر علي كاظم الدرجال الربيعي
    بواسطة ابن القلعة الحر في المنتدى واحة الشعر العمودي
    مشاركات: 1
    آخر مشاركة: 06-12-2009, 14:54
  3. قصيدة (هذا عيدك ) للشاعرعلي كاظم الدرجال الربيعي
    بواسطة ابن القلعة الحر في المنتدى واحة الشعر الشعبي
    مشاركات: 0
    آخر مشاركة: 17-09-2009, 14:33
  4. ما مرتـــاح - للشاعر الشعبي كاظم إسماعيل الكَاطع
    بواسطة جواد في المنتدى واحة الشعر الشعبي
    مشاركات: 1
    آخر مشاركة: 03-02-2008, 10:09
  5. الشعر الشعبي بين السمو والإنحطاط
    بواسطة حمدان في المنتدى واحة الحوار العام
    مشاركات: 0
    آخر مشاركة: 12-03-2004, 22:16

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
 
شبكة المحسن عليه السلام لخدمات التصميم   شبكة حنة الحسين عليه السلام للانتاج الفني