باقات من الشعر الشعبي في قضاء المجر الكبير / للشاعر علي كاظم الدرجال

[ابو عمار الربيعي]

سعيد انه بوصالك = وانته لاله
نجم يضوي عل دربك= وانته لاله
اصيح ابصوت احبك = وانته لاله
هجمبيتك جلد كلك أذيه
............................
يشامت لا تعت بالروح = خلهه
صفت صفصاف من فاركت = خلهه
بساميرك ابسدك ستر = خلهه
دكك بالجرح يوجر اذيه
=======
=======

[ابو عمار الربيعي]

على ضيم الهوى ياروح =علمي
وبيها ارفعت اني اليوم = علمي
اسالتها المستوى وتكول = علمي
بخامس باء يالتسال عليه
====
قلبي انت ملكته = وانت حر بيه
عليل وطبي عندك = وانت حر بيه
كاس السم اشربه = وانتحر بيه
اذا غيرك يمس اطراف اديه
====
باب الدار بجفوفي = لحني
وحنين النوك ما يوصل = لحني
وطيت لكن اسهمك = لحني
بوسط قلبي وطبيبي احتار بيه
=====
هلي وياهم چنت عايش = بلاهم
ونهاري شماضوى مظلم = بلاهم
هلي مدري الوكت شنهو= بلاهم
ولاهم اعرفوا بالصار بيه
====
حبيبي لا تظن انساك = ولهه
دوه الروحي غرامك صار= ولهة
الشفة والعين ترد عليك= ولها
تدعيلك كل صباح وكل مسيه
====
الك ياصاح ماظل - مني خاطر
واحسبه احساب دربك - من اخاطر
تعال كرب حبيبي - مني خاطر
تعرف اجنون حبك اسوه بيه
====
انا بگاروك حبك = وانته هزني
صرت فرصه بحياتك = وانتهزني
انه شجره محبتك = وانته هزني
وخلي الورد يتناثر عليه
====
عيونك تصيب الگلب = بسهام
يلي ابد ماشفت بهواك= بسهام
انا طير المهاجر بالفضاء = بسهام
اشوفك وانا تايه بالبريه
-------
يـحلو الاطبـاع واصلني = وقارب
ماعندي اهل غيرك = وقـارب
سفينه بالبـحر ردتك = وقـارب
تشيل الحمل من يثگل عليـــه
=======
=======
=======

[ابو عمار الربيعي]

يهل تنشد لحالي . = حالف اني

وبس الحزن بعدك = حالفاني

ابد ما حبيت غيرك. = حالف اني

واجتف الروح الك بثنين ايديه

*****

واذا اجتفها بيدك = انت حلهة

وروحي تحب شخصك = وانتة حلهة

لغز صارت محبتك = وانتة حلهة

حلها بساع حتى تصير اليه

*****

ونصير احباب منك =.وانته مني

وابدما عدنة غيرك =.وانته منة

شكد نحلم بشوكك =.وانتمنى

شجاك وبالوصل تكطع عليه

******

واحنة الما كطعنة بيوم = وصلك

لان شخصك نعرفة منين =. وصلك

صيامك ما يفيدك بعد = وصلاك

لان دم بركبتك ظل اليه

******

لوالناس الكتلني =.والدفني

واخذت بالعشك مني =.والدفني

لون تدري انة شودي =.والدفني

ديار اهلك ذيج ا لعل وطيه

******

واكلهم حقي اريدنة = وثاري

لان يمكم لكوا جثتي. = وثاري

ابنكم هو الكاتلني = واثاري

دفني وما يريد يدلي بيه

*******

لان جفوفة بس الهم =.ودلي

ومليت بحزن فنجاني =..ودلي

بعد ما اعلم بجرحي. =.ودلي

لان ياهو الاعلمة يلجمة اليه
******
اكل للجرح يمعود = وك شفه

صديقك روزة بالمحنة = واكشفه

الحبيب الجرح ما اشوفة = واكشفه

لان يحسبها نقطة ضعف بيه

. *******

وانة المابينت نقطة =ضعف لك

وحب بكلبي لو يدري = ضعف لك

الجسم بجفاك يمدلل = ضعف لك

وصفيت بمجهر يدور عليه
===============
===============

[ابو عمار الربيعي]

لاتامن أسود راس = واتقله حياك
من تنطي لحم جلاك = ذاك الجلب ذاك
**
ما ينقلب ريحان = ألبسه بسه
لاتصنع المعروف = للنجس رسه
================
================

[ابو عمار الربيعي]

باقات من الشعر الشعبي / للشاعر علي كاظم درجال
=======================

ولمساك
هلا ياريحة العنبر = ولمساك
عونه اليكعد أكبالك = ولمساك
رجيتك واطلبت منك = ولمساك
يبوا الطيبات تقبل هالهديه
***
ولمساك
وحك من صام شهر ألله = ولمساك
ألعنبر ريحة أجدادك = ولمساك
احب كل يوم امد ايدي = ولمساك
انتبارك بيك مقبوله ألهديه
***
عنبراني
انا مو شتل سمسم = عنبراني
يفوح العطر مني = عنبراني
محط السفن كلبي = عنبراني
وانا الطيب الذات أخذ تحيه
=================
مهداة الى السيد حارث عبد الامير السدخان / المجر الكبير في 25 /12 / 2010 م

[ابو عمار الربيعي]

أبيات من ألابوذيه / أعداد أبو عمار ألربيعي
========================
1 ياليت
على صدري جدايل سود = ياليت
وأمي لم تلد ذكراك = ياليت
يكون أنا وحبيبي نموت = ياليت
يريت اتصير دفنتنا سويه
****
2 بدوه
حسافه أللبن جان ثخين = بدوه
وعليه ألأجنبي ياحيف = بدوه
أشماسوي فضل للناس = بدوه
عكب طيبي يجازوني برديه
================

[ابو عمار الربيعي]

يهيله
الواشي يلومني بحبكم = يهيله
وانه جفني الدمع مزنه = يهيله
لون كل الخلك لامت = يهيله
يحن كلبي ويزيد الشوك بيه
===
(( راح الوكت ياهيله ))
================
راح الوكت ومشينه
الذاك النزل حنينه
راح الهوى وردينه
للماجديه الليله
==
راح الوكت يانبعه
والكلب ذاجر ربعه
لاجت بعيني الدمعه
نشفيها الي بالشيله
==
راح الوكت ياورده
وذبل جفانه الشهده
كلمن دمعته بخده
والشوك هدهد حيله
==
راح الوكت ياترفه
وجروح كلبي كلفه
الواشي جفنه يغفه
بس جفني دايم سيله
==========

[ابو عمار الربيعي]

السريع في الشعر الشعبي
=================


ذوبت كلبي بصدودك وبجفاك

اتغيرت متكلي ياكلبي شجاك

**

اشتكيلك ياحلو وبعيني عبره

وأه لو تدري شعمل بيه هواك

**

بالذي يرضيك ياولفي رضيت

واطمع ابوصلك يمحبوبي ورضاك

**

لاتظن أنساك ياوردة اصباي

وشلي بكلبي لو تحداني ونساك

**

لو غبت واتبعدت عن العيون

أتغيب روحي وراحتي تمشي وراك
---------------------------------------

[علي كاظم الربيعي]

(( الفصليه )) للمطرب الريفي العراقي عبادي العماري والتي غناها عام 1973
----------------------------------------------------------------------------
جابوها دفع للدار== لاديرم ولاحنه ولاصفكه == ولادف النعر بالسلف لاهلهوله لاملكه==

سألت الناس عن قصة هالبنيه == شعجب جاروا عليها بغير حنيه
ورديت بكلب حزنان من كالوي فصليه

العنت ظلم التقاليد بالف حركه== عمنها الاخضر الهرفي بسعر اليابس تحركه

احديثه اتكول حوريه بربيع العمر مياله== حرام ادموعها الطيبات عالخدين همالهه

وين العطف والرحمه يفصاله == لاسوت ذنب لاهيه جتاله

جاهيجي حكم ديوانك المهيوب ودلاله==علي تحرم فناجينه وكهوته وكعدت ارجاله

غصبتوها ظلمتوها حرمتوها هضمتوها وهبتوها لشخص ظالم حتى من العقل ما يملك اوشاله ==

يحاجيها بدفرته وكال فصليه عساها ابخت من فصلوا واطوا مهرة الفارس لوادم ماهي خياله ==
وحوبتها وراهم دوم تحركهم بكل شهكه==

تتحسر تدير العين محد يرحم الشكوى== اسيره تكول جابوها بلارحمه ولاسلوى

ياديوان السلف بسك فحطنه من الفصل والثار والنهوه
-----------------------------------------------

[علي كاظم الربيعي]

قصيدة ( امرن بالمنازل .......) للشاعر عجرم ابو السوف / غناها المطرب سلمان المنكوب في السجن
---------------------------------------------------------
أمرّن بالمنازل منـــازلـهم خــليّة
أگلها وين أهلنا تگول اگطعوا بيّه
==

راحوا بعد منّي و آنا انگطع ظنّي
زاد و كثر ونّي من شـحّوا عــليّه
==

يوم اللي جفوني بس ظلّيت أنادي
ما سمعوا عتابي من طوّح الحادي
==
حـگّـچ لـو حــــــزنتي
علي أهلچ و انهضمتي
تري لگلبي جــــــرحتي
يا دار أهل الحـــــــــميّة
==

گلبك لـــو جـــرحته مو حـگّـــي يا سالم
ما تدري بل الحادي يا خويه إشلون ظالم
==
زيـن أعـلـم و اعـرفه
و أدري الفركه كلفة
يـــــمته الجرح يشفه
ويــــلي شـــــهال البليه
==

بليّة و طشّشتنا مرّة و لوّعتنا
لـعبت بالمنــازل منها فارگـتنا
==
عد من أشـچـي حـالي
و أحچي اللي جري لي
وحــشــة مـن الــغـوالي
ظلّـــــــت هـــالـــــــدنيّة
==

خلــيّتهم نداها لعد روحي شجاها
ظل موحش فلاها راح اللي رعاها
==
راح و راح ابــــــــنـها
عــزيـز و كثر ونـــــها
وسفة انگطع ظنها
ســــــويــاها سويّة
==

أمرّن بالـمــنازل منـــازلــهـم خليّة
أگلها وين أهلنا صفوا حدر الوطيّة
----------------------------------------

[علي كاظم الربيعي]

رحلة مع الزهيري
---------------------------------
دهـري إمحـورِب عَلــَي مايوم كًًلبي يسر
خلـٌـصت عمري إبضنـَك ما شفت ساعة يسـر
ويمناي مِنشــل عكًًب ما كان طالج يســـر
وآنه أرتجي للفرح لكن فرح مايـــــه
وسيِلي بلغ للزبى وزاد وصعد مايــــه
ناديــت وين إخوتي وإخوان إلي مايــه
لكن حســافه وأسف بالزيــنه مَـحـٌد يسـر
************
فايض دمع نـاظري ومامش صحيـب إتـراب
أشما حاولت بالفرح إترد للحزِن وتــراب
لو تجلي بيـهن جَـلي وجـوه النحس وتراب
إترد إل طبعهــا صدا وشما جليــته إنحاس
ياحيـف نكًًضي العمر مابين ناس أنحاس
مدري شـجاه الوكت صدكًًــه إعله كذبه إنحاس
وتاليــها تصفه ترى خامـه وزبيـــل تراب
**************
راح الصبا والخلان والوكت الذي فاتــلي
كًًوٌضوا والبين بجفاهم صبر فاتــلي
جانولي خلان حبل امواصلي فاتـــلي
تميت من بعدهم اصفك الراح براح
ولاتظن من بعدهم عشت بهنا وبراح
جانو لي خلان يفدوني ولو بالراح
سهمهم يوم الهجر بالكَلب لن فاتــــلي
***************
ياصاح ضيم الوكت من لاحكم لاحنه
بس ظل ظهرنه عدل لاقوٌس ولا حنــه
لو نبته وحده تظل مزهر يظل لاحنـه
دنياك ياصاحبي لعبة ورق والزار
ماتلحم فتوكها لا با لخياطه والزار
شدينه كل الحزم وموزرين اوزار
كل هذا وإلكم كًًلب لا رفرف ولاحنـــه
****************
ماكًًول صبر ايوب صبر الصبرته وصـــل
من ضيمي اظن معدتي ياخوي صارت وصل
ادري صنم بس جبر لازم اعبده وصــل
حـٌيرني شِيـل الوكًـه وبدربي هم عبـره
والكاره صارت درس لليفتهم عـبـره
الغنه وتعب الغنـه إيكًًولون هم عبـره
اليوم حتى البجي مايصح ليــه الوصـل
******************
ياشبل حيدر يبن اول الصايم وصـل
جيف إبٌدر سيف إله .. سَـل إبيمينه وصل
داسَت إخيول الحقد جسمـَك دِعتـه وِصَلْ
للدين انته الذي بالروح لــجله بـِـذَلْ
صدر المجد منزلك والغير راضي بـِذِل
ماسالمت منحني ومديت جفك بــذل
ضل عالي فوك الرمح ليزيد راسك وصـل
******************
ياصاح روحي لكم رغم الجفه مايلــــه
رمشين عيني الك يالتنتظر مايلـَــــــه
سنين حتى انتظر خافن اعد مايلـَــــــه
الزعل عدكم طبع ليمت معاكـــم نصح
ماظن يرده الوحي وبصوت عالـي نصح
ياروحي بَسٌــج بعد واسديت ليج النصح
لوعاب منج طرف غير البتر مائلـــــه
******************
سفان اخذني الهوه بشط العشك ياهلـي
وإلكم نظمت الشعر حسجه وبعد ياهلــي
تاج إلي صاغه الدهر وبدنيتي ياهو إلـي
يَـمكُم يجن القلب ينسى التعب ويراح
لم الشمل ياربع نشوه وقدح ويراح
نابض ابين الضلع رافك حزن ويراح
لو يوم داره خلت يصرخ هلي ياهـلي
*****************
طال الهجر والصبر ثوبه ركًـد ونشـَــطْ
طـَريـح وَجْدَك ولا أكًوَه إعله الجفا وَنـْشَط
طامح بحبك عذولي ان زَعـَـل وِنْ شـَــطْ
طامع (العلعل) بثغرك انتظم لكًًـطه
طوبى لمن طارليه شبه العجد والكًطـه
طالب لكم يوعلي عالي المتن ولكًطــه
طاوي الكفر ان تدانى حيكم وِنْ شـَـــــطْ
*********************
فاركًـتكُم والمدامع لا تشف او تجـف
فــاضت وعيس التباعد لاتشف او تجـف
فدت وحادي النوى حادي خفيف إو تجـف
في الصوت لعلع ولا بالسوط عنها عفه
فت الحشا منه بالمسرى وجسمه عفه
فوهت ريجي ايا ناديه صاحب عفـه
فاين دخيل الوفــه تحرن عليه او تجـف
********************
غروب طرفي سفح والبـصر مني زاغ
غدوه وانعب كما ينعب غـراب وزاغ
غرك عذول صبغ قلبك كـصبغ الزاغ
غادي الجده منه راس احشاي عامد وزغ
غير الكدر لويزمه حيث زمجر وزغ
غادي الجده شبه ثعلب لو يلاوذ وزغ
غدار لاتستمع لاجن إبحجيـه زاغ
*********************************

[علي كاظم الربيعي]

الى سيدي ومولاي الامام الحسين ( ع )
=======================
امد جسمي ويبابك وازحف ازحوف
**
وجيك بعطش ضامي وكلب ملهوف
**
واخلي دموعي حرثه لليجي يطوف
**
واشد معصب الراس بشال من صوف
**
ياحيد النشامى الماعرف خوف
**
يدم الخط عجايب يوم الطفوف
**
فرق مابين ايد اتريد معروف
**
وايد اشابك الجرذان الجلوف
**
سلاما عالجسد من داسته الخيل
**
وغمك يازمان اتكطع الجفوف
**
سلاما ياارض حضنيتي الحسين
**
حضن ام الطفلها بشوك مشغوف
**
سلاما يامضاجع صارت اعلام
**
وعلى الدنيا العفا واشله المشحوف
_______________________
مع تحيات ابو عمار الربيعي

[علي كاظم الربيعي]

المساجلات في الشعر الدارمي
------------------------------------------
يقول الشاعر عبد الحسين الدراجي – العمارة
-------------------------------------------
صحباني وكت الضيج ماواحد انشاف
وكت النفاه اهواي تنعد بالالاف
---------------------------------------------
يقول الشاعر السيد سعدون السيد حميد المكصوصي – العمارة
-------------------------------------------
متحزم احزامين فن واحد يفوت
السلف كله اوياي واليوصل يموت
--------------------------------------------
يقول الشاعر جبار المكصوصي
--------------------------------------------
اتحزم احزامين للحك والنصاف
وليمشي بالطيبات صدكني ميخاف
-------------------------------------------
يقول الشاعر علي كاظم درجال الربيعي
-------------------------------------------
ثنيت انه وثاويت اشحده ليفوت
معفي اليمر بالدار رديته تابوت
--------------------------------------------
يقول الشاعر حسن راضي موسى الوحيلي
--------------------------------------------
للموت اشد احزام كون اسمع الصوت
انه وهلي نهد ليك لو يكرب الموت
-------------------------------------------

[مسكين الدارمي]

قصيدة ( عتاب مع الدنيا ) للشاعر السيد سعدون السيد حميد المكصوصي
--------------------------------------------------------------------
شلون دنيا لو جفت غفلاوي
صدك هاي امحيله وجذابه
**
شفت انه بعيني حتى الواوي
نفخ نفسه وطرد ملك الغابه
**
الدنيا ناعور بعيانه من تدور
تخبط الماي الزلال بطينه
**
البومه متحلفه تطيح ابن الصكور
ماتكدرينه ولاتطيحينه
**
روح مني كلبي من شافك يفور
راس حاجه كليبي امخلينه
**
ليش كامت تمشي اعزيزاوي
حتى اخيي شافني وسد بابه
**
ياغني النفس كل شي يساوي
جيف ماينسه جميع احبابه
**
خفت منها تريد تطويني طوي
اوصمدت اوحيد اني اكبالها
**
السيف لو دنج السيف اويلتوي
المهره من يمها تذب خيالها
**
ها يلكرابه تدري كل ساعه انجوي
شفت بس نسوان ماكوا رجالها
**
طبكت الدلال والحيساوي
وراضت الظلام والسلابه
**
ردت ابن عمي الجروح يداوي
واره وجهه وهش عليه اجلابه
**
الهم ثجيل وهمي زاد اعلى الثجيل
سنين دهري الويها ماتلويني
**
خابت امك يالعشت عمرك ذليل
انه ماسامع شفتهه ابعيني
**
الاصيل امن الصغر هو الاصيل
بالجفون يضمني ويغطيني
**
تمر قلعة صالح وخستاوي
شفته بالعلوه الجبيره اشجابه
**
لاترد وتروح قال الراوي
وباجر اويانه تصير اطلابه
**
زلفه سيف وكمت ما حب السيوف
شلون واحد يفرح ابجتاله
**
المايصدك خل يجي بعينه ويشوف
ساعه وحده وشيصير بحاله
**
لجل عينك خادم اتلكه الضيوف
بمضيف اهلك وحضر ادلاله
**
ونته ماعندك وفا اومتغاوي
هاي كلها امن العشك وسبابه
**
كمت ادور اعليك بالبدراوي
ماخفت كلشي حسبت احسابه
==============
ومن شعره الدارمي :::
-----------------------
وجهي انكلب ياخوي بالفركه نيلي
ماادري شنهي الصار كل للوحيلي
ومن شعر الابوذية :::
-----------------------
وشلها
ردت نكعد بعد شلي *** وشلها
شفت نمام نص حيهم *** وشلها
روحي بيدي اطلعها *** وشلها
لأن اسباب كل ما صار بيه
------------------------------------
شكرا للشاعر السيد سعدون المكصوصي ( ابو علياء الورد ) العمارة // ابو عمار الربيعي
------------------------------------
منقول من منتديات العراق - منتدى الشعر والادب

[علي كاظم الربيعي]

والهواشم
تضل اصل السياده ** والهواشم
لأن جدك محمد ** والهواشم
تمعن بالطبيعة ** والهوى شم
خل الارض بجدامك زهيه
------------------------------
فياليت الشباب يعود يوما ** فأخبره بما فعل المشيب
-----------------------------
فضه
حديثك لو ردت تنهاب – فضه
وحك الي تغذه بلبن – فضه
لو تعرف كلامك بيه – فضه
السكوت من الذهب والزم وصيه
-----------------------------
يملاك
يكلبي ليش بس القهر – يملاك
غارج مركبك لو ضاع – يملاك
الغني مو للذي للمال – يملاك
الغني عنده نفس طيبه وابيه
-----------------------------
لاجن
لااهجع عليك بليل – لاجن
انياب الدهر بيه اعملن – لاجن
لساني ماوصف للناس – لاجن
تره دمعي فضحني وعمل بيه
------------------------------
يندار
حبيبي معدنك ياقوت – يندار
ودليلي لاتظن للغير – يندار
امن اشفافك لذيذ الخمر – يندار
اعيونك سحر بيهن جاذبيه
----------------------------