|
-
مخلوق من ياطينه
مخلوق من ياطينه
السلام عليكم
[center]
مخلوق من ياطينه
***************[/ center]
يمشي وتعـثّر واستحى وي ماسوى تلاگینه * أسم الله گتله بلا وعي وعيني ألتگت وي عينه
**********
أمشي چنت يم الجرف مستا نس بزود الماي * وآنه أغـض من البصر لو بشــر يتلاگه وياي
بس من عثر گوَه التفِت ما چنت متعمّد هاي * من شــفـته گلت شـهالبشـر مخلوق من ياطينه
***********
ياطين من عنده أنخلگ وشـهالاوصاف التبهـر * طبعاً شـبالغ بالـوصف يسـتحق هـذا وأكـثر
ممشاه حلو ومابيه خلل بس صدفه واحد يعثر * وبدمه خفـّه وبـيه ملح وتصيب نظرت عيـنه
***********
نظراته تسـحر من يصد وتصيب كلمن شـافه * ومن يمشي ممشـاه مـتّزن چنّه مشي الكشّافه
شرد أحچی كل مابيه حلومملوحه كل أوصافه *ولوردت توصفلك حِسـِن من عنده تاخذ عـِينه
************
عـِينه أنت تاخـذ للوصف مـنّه وتســولف عـنّه * بيه جاذبيه ومبتهـج وتگول يضحك سِـــنّه
بـس ماتـشـوفـه بكل وكت ودّك تجـّرب منّه * بهذي الملامح والعمر توهـن بدن عـشـــرينه
***********
گتله أنت من هالمـنطقـه لو أهلك شويه أبعاد * گال آنه أهلي بكل كتر بصره وسماوه وبغداد
ذي قار ديرتنه گبل بـس آنـه أخوّالي أكراد * گتله اصبر اشويه انتضر تدري حستها اعلينه
***********
گال آنه من كسره وعطش بس أسكن أرض الحلّه * وبالقادسيه أحنه گبل عدنه مضيف ودلّه
وعـدنه أهـل يم مندلي وكـركـوك أضـن تـندلّه * هـم بيه گـرايـبه وكلار بيه ناس مـنّه وبيـنه
************
عـندي گرايب بالمجـر يم العـماره وبالكـوت * مابيهم العـنده بخل عن ربعـه ياكل بســكوت
وعـدنه ربعنه بكربله ماأنسـى حبهـم للموت * یحچون عجمي وبشــتوي بس مانسو ماضينه
************
مانلّلـخ وعـمـّو يـَول أدليمي وي كـلداني** شــــلقـصّه وي خا يب ولك متعـّود آنه ألســـاني
بالتركماني أعرف أغا وأعرف حچي السـرياني** بتلكيف يحچون أبقلا يمكن أسـم تاچینه
************
أخبط الچا وي اللّعـد واحچي چنت مصلاوي ** بـس ماتميز لهجتي منالنجف لو حللاوي
وجيراني نفـس المنطقـه آثوري وي منداوي ** مانحچي ابد بالـتفـرقه كلمن يمارس دينـه
*************
بخوى أگولـن بالقســَم واحلف وداعة عـمّو** وجيرانـّه بحي العدل كاكا وزهيـر وشــمـّو
وام ناصر تسوي غدا وتگول خاله ألتمـّو** تجمع أطفال أهل الطرف نلتم سـوى تغـّدِينه
**************
عـدنه سـوالف تختلف بالعربي نگول أنضر* أتنـّوع وشـوف شـبعد باوع وعا ين وخزر
أتفـكـّر ودحّـج يـَول گولت أطـمّـش بالســر* هـذي ســوالف ديرتي واعـتقـد كللـش زينه
*************
ديرتنه حلـوه مرتـّبـه بيـها جبال أوديان * *الرزازه بيـهـا بكـربله ودربـنـدخان ودوكان
سـاوه تعال ألها العصر وأطلع لبرالسـلمان * تلگي ربعنه بكل كـتر واطباع عدهم زينه
*************
منّ السماوه آنه الاصل أجدادي ذوله وعمّي * وهذي الولايه منالزغرحبها سرا وي دمّي
بيها أهلاً أشـلونك بعد يامرحبه أگعـد يمّي* مـشروعه من أمدح هلي هاي الصفات البينه
*************
ناس أحنه اهل غيره وصدگ ماعدنه بيهم لوله * واجبنه صيحات الحزن ونيازنه الهلهوله
ولو شـــفنه وادم أگبلو ماگـلنه ياهم ذوله * * * * ننطيه ولو ماعـدنه ضل للعاني كَاصد لينه
*************
گتله آنه يعجبني الوصف هذا الحچیته بربعك *ومن هذا صرت آنه اعتقد هم أنت أريحي بطبعك
بـس أحـنه منّاه نفـترق طـبعاً بعـد ماتبعـك **** هذا الحچي أيامه جـزن عـمري بتوالي ســـنينه
*************
هذا الحچي أيامه جزن عمري بتوالي سنينه
أبو ماجد الزيادي
-
ياهيه مر اعلى الجرف لطلع وجيك ابطيني
عيدين مرن علعشك وانه الحزن جاسيني
ياهيه جنت الوي الوكت هسه الوكت يلويني
صوف ابحلك مغزل صرت واشما فرغ يطويني
مشكور ابو ماجد الزيادي ( العراق وطن الجميع واحسنت فقد جمعت بشعرك الطيف العراقي كله ــ مشكور )
-
[align=center][/align]شكراً جزيلاً اخي العزيز ابو نور على مرورك الكريم وهذه الابيات الرائعه فشكراً لك مره اخرى
ابو ماجد الزيادي[align=center][/align]
-
مشكور على هاي القصيده الجميلة
-
الف شكر لك اخي النيساني على مرورك الكريم
المواضيع المتشابهه
-
بواسطة hasan في المنتدى واحة الحوار العام
مشاركات: 9
آخر مشاركة: 27-12-2006, 19:04
-
بواسطة فائق في المنتدى واحة الصور
مشاركات: 2
آخر مشاركة: 13-09-2006, 19:59
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
|
|