|
-
قصيدة ( جفاء ) للشاعر ألسيد سعدون المكصوصي / بواسطة ابو عمار الربيعي
قصيدة / جفاء / للشاعر المبدع السيد سعدون السيد حميد المكصوصي
***********************************************
الروح صعدت للسمه** وكلبي انسجم وي ناره
افيش ياريح الجمه ** وياعنبر النكاره 1
**
اتعده امس وشلون ا مس **انسه وكول طويره
ومن تكعد اكبال الشمس **تزهي ابضواها الديره
مرن اومرن وانه اعس **لكن بعين ازغيره
كحيله واصيله امعلمه **وبحر اليودع اسراره
عين التصدلج بالعمه **وماشاف لذه بداره
**
مدري انه اخاف امن الهوى **ماادري صارت عاده
جيف الكلب مره انجوه **وحيهم وياي اتعاده
مسكين اليدور دوه **ومجنون كلي اشفاده
خله بعد لاتلجمه ** لو زعل دم يتجاره
كلها علي امحزمه **وكلها أصبحت مكاره
**
تتمايل اومرت علي ** خستاوي بعده بسوكه
لتلومني انه اشبيدي **روحي حرك محروكه
اذكر كبل صارتلي في **ماادري كلبي اتبوكه
وبيدر عشقنا اتهدمه **ولميته كاره وكاره
وكل ساعه غيم اتلملمه **تتراعد اومطاره
**
ارد اسألج عن السبب ** تمحين اسم وي الدم
ماكتلي مسكين اوتعب **وكاضي العمر يتألم
مرينه ابحجة عتب ** بلكن تزيلين الهم
جمدوب كاتلني الضما ** ياطعم ماي عماره
انتي لونج مسلمه **جاخفتي من الشاره
**
1 النكاره / قريه من قرى ناحية العدل في ميسان أشتهرت بزراعة الرز العنبوري
****
بواسطة الشاعر الحاج علي كاظم الدرجال الربيعي ( صح ألله ألسانك أبو علياء ألورده )
-
الروح صعدت للسمه** وكلبي انسجم وي ناره
افيش ياريح الجمه ** وياعنبر النكاره
******
وألله والنعم من الشاعر السيد سعدون المكصوصي ( ياوسفه علعنبوري وريحته الطيبه ) مشكور أخوي
قصيده جميله ورائعه ***
-
شكرا للشاعر المبدع السيد سعدون السيد حميد المكصوصي / عمارة /على هذه القصيدة الرائعة ،،،،، تحياتي واحترامي
-------------------------------
اخوك ابو عمار
المواضيع المتشابهه
-
بواسطة ابو نور 1949 في المنتدى واحة الشعر العمودي
مشاركات: 19
آخر مشاركة: 12-02-2014, 21:54
-
بواسطة ابو نور 1949 في المنتدى واحة الشعر الشعبي
مشاركات: 0
آخر مشاركة: 07-06-2010, 05:48
-
بواسطة ابو نور 1949 في المنتدى واحة الشعر الشعبي
مشاركات: 1
آخر مشاركة: 06-06-2010, 11:29
-
بواسطة ابو نور 1949 في المنتدى واحة الشعر الشعبي
مشاركات: 0
آخر مشاركة: 02-06-2010, 03:55
-
بواسطة ابن القلعة الحر في المنتدى واحة الشعر العمودي
مشاركات: 1
آخر مشاركة: 06-12-2009, 13:54
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
|
|