أبوذيه من شعر علي كاظم الدرجال الربيعي

[نور على الدرب]

والمربي
انه التعبان بيكم ** والمربي
الحنظل يشل ريجي ** والمربي
نذل تلحس عسلنا ** والمربي
وانه فردة تمر حسره عليه
**
موقد انه
هفت جمر المحنه ** موقد انه
رعيع ادري ابعدوي ** موقد انه
على يادان تلعب ** موقد انه
وانه بدان الاحبهم مزهريه
*****
المصدر / باقات من الشعر الشعبي / للشاعر أبو عمار الربيعي

[ابو عمار الربيعي]

الواشي أيلومني بحبكم ** يهيله
وأنا جفني ألدمع مزنه ** يهيله
لون كل ألخلك لامت ** يهيله
يحن كلبي ويزيد ألشوك بيه

[ابو عمار الربيعي]

ونبيك
تنابيني يكلبي أشبيك ** ونبيك
كلي من ألونين أشضال ** ونبيك
تعبت أهواي عالجافوك ** ونبيك
بعدد دكات خل تلطم عليه
**
ولمني
يعاذل حيل كابحني ** ولمني
وذمني وألجم جروحي ** ولمني
على سنين ألهجر طشني ** ولمني
تجدني ألوفي ألماينسه خويه
**
وهمنا
ذبنا بشوك ألعماره ** وهمنا
ولانكدر نفاركها ** وهمنا
بوسع ألبحر دمعتنا ** وهمنا
وعذاب ألروح من وسع ألوطيه

[ابو عمار الربيعي]

مايات
كتلني ألبشريعه ترس ** مايات
أخذ عكلي وبيه ألأرض ** مايات
لو أدري أبأرضكم هاي ** مايات
ولا شخصك نظرته بهل ألدنيه
**
معدان
حبيبي البطن صيني موش ** معدان
وحجاياكم بلب ألكلب ** معدان
سألني ألأصل كلت ألأصل ** معدان
ألمسكن دبن وألعيشه هنيه
**
شتان
بكلبي حاسب الحسبات ** شتان
ومن ألكيض بيه رماح ** شتان
مابين ألفرح والكدر ** شتان
أحيرن بيك لو تحتار بيه
**
شتالك

أشوصلك ياخبر منهم ** شتالك
ألنار الكلب بعيوني ** شتالك
يبويه أنه أصبحت أخر ** شتالك
وريد أيطك شتالي بهل ثنيه
**
بته
سليل أهل ألمكارم لبس ** بته
وبسده لذيذ ألنوم ** بته
لبن كلبي ردت ياربع ** بته
شريفه ومن شريف وشرف ليه
**
من عباها
ألدنيا بلا مكارم ** من عباها
تبشر لون خايف ** من عباها
تعالنه وخذها ** من عباها
لون ترضه كلب ولسان هيه

[ابو عمار الربيعي]

مروه
وحك حرمة صفا وتراب ** مروه
بقدح من غير جف هواي ** مروه
ألليالي ألها سعير بكلب ** مروه
أليغض ألنظر يتحمل خطيه
**
غزاله
على نبع ألحب تضل مروه ** غزاله
وكلبها مولع وغيرك ** غزاله
أليغزل بطر يتخلبص ** غزاله
أن غزل غزلي وغزلكم موش أليه
**
شركنا
أبد مايوم بامر ألله ** شركنا
وأبد ماننصب على الحق ** شركنا
على رفة ألكلب غيرك ** شركنا
وهوى ألكلبين دكتهن سويه
**
وبلها
تحير ألروح من يعظم ** وبلها
وتتيه ضعون حاديها ** وبلها
أن جان أنت صدك والي ** وبلها
خل مروه بهواها بهل قضيه