 |
-
 دارميات وأبوذيات مجراويه
أكدر اكول اشتاق وكذب عليكم
بس اني مو مشتاق ميت عليكم
**
تدري اشوكت انساك كلش فرد نوب
من تسمع الشيطان تاب من الذنوب
**
امشي وارد ردود وأذكر هواكم
كون برصاص يموت كلمن نساكم
**
سالم اريدك دوم يل عني مبعد
وهمومي كلهة تزول لو يمي تكعد
**
من كلبي الك تمثال من دمعي منحوت
ما ينكسر ويطيح صدكني للموت
**
يشتعل كلبي بنار من ما اشوفك
انعل أبو الينساك لابو اليعوفك
**
كالولي عوفة اسبوع خل نستفزه
كلت الدقيقة هواي ياناس اعز ه
**
البرد لو مر بيك بعيوني اخليك
وبضلوعي اشعل نار بس كون ادفيك
**
لاتمر لا تنشاف شنهي القضية
الواشي والنمام شمته بيه
**
بطلت ما امر بيج معروفة الاسباب
بارخص ثمن ياحيف بعتوني ياحباب
**
لاتعتقد بعناك والغالي انته
والنظر والدلال لجلك رخصته
**
خلي النظر للشوف والكلب للود
لكن كفاك النوب لامرولا انشد
**
يلي رضعت وياك لتشح عليه
تدري الأخوا ينراد لاخته تجيه
**
يلي رضعت وياج من درة امي
بعتابج تزيدين هم اعلى همي
**
بالعتبة شفت دموع من طول جفاك
ماادري حتى الباب يبجي أعلى فركاك
**
اقبل يمن بجفاك ما عندي كل راي
وبروجي جاي اشريك تقبلني شراي
**
ينزف دمة الدلال بس كتلك يهون
مد ايدك وداويه يا حلو العيون
**
لا تبعد انا ارجوك جنني بعدك
يمي واكول بعيد وعليك انشدك
**
ريت العمر لا طال صرت احسد المات
عمر وخلص بالضيم غم أو خسارات
**
يا صاح دمعي نشف ما ظل دمع بالعين
فراق النحبهم صعب شك الكلب نصين
**
وينكم احباب الروح مشتاق اضمكم
صح امشي بين الناس بس روحي يمكم
**
كون الكلب بي باب ينطر تشوفه
لو شفت غيرك بي حقك تعوفه
**
للصاحب امشي بليل للخوة ممنون
لونشف دمع العين ابجيله العيون
**
احبك من صغر سنك ** ويهلك
اليحبك ليش يتعذب ** ويهلك
اغار عليك من تحجي ** وي اهلك
اذ ا ويه الغريب شلون بيه
**
يجيني الشوگ لگليبي ** وارد ه
يريد يحجي ويه احساسي ** وارد ه
ويگلي ارجع لمحبوبك ** وأ رد ه
اكله الراح مابيه بعد جيه
*
دموعي من الهجر حزنت ** وسالت
وعليه احباب ما نشدت ** وسألت
الف دمعة الجرت مني ** وسالت
ولادمعة الجرت منهم علية
**
مشيت ومعرفت قصدي ** وانا وياك
واذا ونيت احس كلبي ** ون وياك
بيدي جانت الدنية ** وانا وياك
عفتني وطاحت الدنيه من اديه
__________________
[frame="8 98"] 
الحياة ساقية وزهرة وبلبل والبشر إزائها عين وقلب فمن عكر الساقية وقطف الزهرة وأمات البلبل كان عبئا ثقيلا على الحياة حيث لا إذن ولا قلب ولا عين ومن استيقظ وتمتع بها وجدها جميلة مستبشرة فان شاء غديراً رقراقاً كان ذاك وان شاء سعيراً لاهباً كان هو ولكل امرئ ما نوى. ابو عمار الربيعي[/frame]
-
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
|
 |
رد مع اقتباس
