منوعات من الشعر الشعبي العراقي // اعداد ابو عمار الربيعي

[ابو عمار الربيعي]

شلون تريد اودعك واني اعرفك زين
رايح مني انت وما الك رجعة
===========
وتطلب مني ابوسك كلي من يا عين
ويا بوسه التعوض حركة الدمعة
============
جنت من لحظة تبعد كلبي بيك يحير
هسة شلون بيه وكلبك مودعه
===========
وهسة شلون بيه وما اعيش وياك
واذني شلون صوت غيرك تسمعه
============
وعيني شلون كلي تنحرم ملكاك
وطيف شلون كلي الغيرك اتبعه
=============
يالتعرفني كلش ماني حمل وداع
اذوبن من اودعك ذوبة الشمعه
============

ويالتعرف غلاك بكلبي يملا الكون
رايد كلبي ليش بهجرك اتصدعه
==============
انت اول عشك ذوبت بيك الروح
وانت اخر نفس لو صعد شيرجعه
===========
وانت اجمل حلم غمضت عيني عليه
اوردت يطول ليلي ومنا ما اوعه
==============
وانت البيك أأمن من تخون الناس
ما حاسب غدر بعيونه ألوسعه
==============
اذا رايدني اودعك اخذ كلبي وياك
واذا كلبك تخلى ابد ما اودعه
==============

[ابو عمار الربيعي]

________________________________________
مشه عني الفرح يا صاح = وامضه
وحياتي وياك فجأه اصبحت = ومضه
حب الي كتب بالشعر = ومضه
لأن معناها اثر حيل بيه
===========
راح احجي لبكلبي = وانته ردني
كلتلي وياك اروحن = وين تردني
الوكت كشف ذراعي = وانته ردني
احتاجيته وكصر ردنه عليه
===============
احبك وانته تدريني = بلا شك
وبلا شك غالي بس عندي = بلا شك
ابيع الروح الك صدك = بلا شك
لأن انته الرصيد البين اديه
=================
على الحبلين حبك = لاعباني
وفر مني بقسوه حبك = لا عباني
على سبعين مثلك = لاعب اني
وهسه انته تجي وتلعب عليه
===============
أفرح لو شفت وجهك = وسر بيه
وحبك ثابت بكلبي = وسر بيه
شما طال الدرب امشي = وسر بيه
واجيب الروح لعيونك هديه
==============
كلبي بكلبك محبوبي = ترادم
ويجري الدمع من عيني = ترا دم
أبوي الجابني وجابك = تره ادم
وجمعنه ثنينه وصرنه سويه
=============
جن عقلي بغيابك = ماسكنته
لأن كلبي بجفوفك = ماسكه انته
بيتي بعد هجرك = ما سكنته
الرصيف فراش وانه مخاد اديه
============
بألم كلبي اكابر = بل واعاني
وابد ما طبك جفني = بل وعاني
لون تبعد حبيبي = بلوه اعاني
واذا لحظة غبت يعني المنيه
==============
جرى دمعي عله عيوني = مراحل
ولعد حبك بدلالي = مره حل
اذا ناوي الهجر اهجر = مراحل
مو غفله وتسد بابك عليه
==============
غرامك اثر بالعشك = وداره
هجرت الي تعب وياك = وداره
سمعت أبقيس عاف أهله = وداره
حملت الضيم وهمومك سويه
==============

[ابو عمار الربيعي]

شتاك الك مشتاك شوك اقوى من شوك
يل تسوى نص الكون بس شفتك الفوك
=

بين الكلب والروح بستان الك خاص
واهديلك العينين واحسبهن رخاص
=

كلبي جزيره عشك وحبك شواطيها
وانت الشمس والكمر وانت الهوى البيها
=

صحح اليغيب هواي يتسمى مفقود
بس انت من تغيب بنص روحي موجود
=

اتمنى اظمك حيل واتنفس انفاسك
واصرخ احبك حيل من ساسك لراسك
=
ورقه وقلم كضيت ردت اكتب انساك
اوصل لحد النون واكتبها اهواك
===================

[ابو عمار الربيعي]

ترف يهل تمشي بدربك = مر علينه
عزيز وترى فركاك = مر علينـــــــه
انا بعز نومي وطيفك = مر علينـــــه
فزيت وما لكيتك شلك عليه
========
ياما وياك اجد واتعــــــــب = وداري
بعذابي زين انا اعلـــــــــم = وداري
ابني بدار عدوانــــــــــــي = وداري
تهدمها وتشمت عداي بيه
============
مو حب بلقلب هذا = ورمشــــــــاك
وذوب بشوفت عيونك = ورمشــاك
اظل للموت بس امشي = ورمشـاك
لان روحي التحبك مو بديه
=========
حبل مواصلك ياترف = عدمــــــــن
عيوني من البواجي عليك = عدمن
أدور على الوفى ياناس = عدمـــن
الوفى واحد وضاع بتسعمية
==========
انت الكلب والروح = مالـــــــــــــك
صرت كلي الك ياترف = مالــــــــك
تصد عني وتدير الوجه = مالــــــك
تعذبني وتحملني الاذيه
==========

تسودن عقلي من حبك = جنابــــك** وبخت كلمن مسى وكاعد = جنابك ** اسومن والتمس حظرة =جنابـــك ** الف نعلة على ابوك العم عليه
==========
حبيبي شلون ما احبك = ولابيــــــك
وامك ماتحن مثلي = ولابيـــــــــــك
عساهن بية لوعاتك = ولابيـــــــــك
ويحول كل مرض منك اليه
************************************************** **

******

[ابو عمار الربيعي]

أمي
===

هيه ام الصبر هيه الشمس بالليل
هيه المــــاي دمها وجفها لمتنه
============..

هيه اطيب حنان ونبع حضن الجود
تحت رجليها ربــــــــــك ذبح جنتنه
===========


نعمة اعلى البشر انعمها رب الكون
بيها انعــــــــــم علينه وهيه نعمتنه
==========

امنه شكد شكت شالت حملنه سنين
مابطلت صبر لا لحظــــــــــه ملتنه
==========
اذا بليله نجوع وصادفانه العـــــــــوز
تشلع مـــــن لحمها وتشوي خبزتنه
-----------

آيه مــــــــــن الصعب تتفسر باشعار
بيها شكــــــــد معاني بحيره خلتنه
===================..

ربك زرع بيها كـــــــــــل حنان وطيب
نحس هلنه الامـــــــان بيوم حظنتنه
==================..


وماخافن ابد لــــــــوله الامان ايغيب
تصح هيه الامـــــــــــن وهيه هلتنه
==============..
هــــــاي امنه الحنونه بروح ماتنجاز
بيهـــــــــا النفس بينه ومنها ريحتنه
===================..
ربك ناهــــــي حته انكلها كلمة اوف
بقرآنه الكــــــــــــريم اصبحت آيتنه
==============..
شدعيلج ييمــــــه شلتيني تسع شهور
منها تنفست مــــــــن عدها وكلتنه
=================..


عفيه شكد صعب جيبة طفل للكون
يكود الموت اديهــــــــا بيوم طلكتنه
=================..

امي عيوني ذني والجسد والروح
امي الدنيا كلها امـــــــي شمعتنه
===============..

امنه شمـــــا بجت ينزل دمع افراح
ماكالت يولــــــــــــدي الدنيا بجتنه
.================.

تضحك للدمع جي مانشوف هموم
وتصعب لوتشوف دمــوع ضحكتنه
=============

تريد الحزن هيــــــــــه والالم والآه
ام اهــــــــل العواصم ام مدينتنه
================

ام اهل الكرم وهل الشرف والجود
هاي ام العـــــراق الغيره رضعتنه
************************..

[ابو عمار الربيعي]

انشدني عالحال حالي أعلى حـــــاله
سمجه أوشحيح الماي وبظهري فاله
==========
حسـره إلك بالدلال ظـلـت لما أمـــــــــــــوت
ماتدري حقها الناس صوابي بسكوت
==================

اتعمن والعباس بسجن يالعيون
ابجن وهما هناه لوشالوا اشلون
=================

ياربي سترك رفت العين
واحبابي مو يمي بعيدين
===============

كـلبي أرد أكـصه إبموس وأكوي إبمكانه
علمني إعله درووب كلهن مهـــــــــــانه
======================

كلبي أرد أكـصه إبموس وبفاس أكطعه
خلصها بالسختــات مالحك ربعــــــــــه
===================

القلب قال أحاه ! قتله وجعــــــــــتين
منهو الاجى أوعزاك من طقك البين
====================

يالردت عني اتروح خليلي صبرين
واحد يصبر الروح والثاني للعـــين
====================

شامت وكًًف عل الباب حاير شـــــكًًـلـه
أرتجي إعله المكســــور لو دمعي إهله
======================

إرتجي إعله المكسـور حيل إردس الكًًاع
بالك تذل جدام شماتك إبســــــــــــــــــاع
=======================

اقعد ابتالي الليل وادعي ابصلاتي
ياربي بعد افلان شلي ابحيــــــاتي
===================

ارد انصحك يافلان هذي النصيحه
عوف التلف وادور حب الصريحه
======================

احمل وفى والطيب والرقه كلــــــها
أوكل مشكله ابهالكون بس يمه حلها
======================

ريته اليطيح ابضيج كون اخوه وياه
اوكل مايقول احاه كلها اتلــــــــــقاه
====================

إلي تطلبه ايصير بس أمر انــته
أو لاتعب الجلمات أشرلي سكته
===================

الرد
أطلب وقلك صار تامرني أنــــته
عمري من أول يوم بسمك رهنته
====================

ميت والمعزيات يبجن عيـــــاره
طفن على التابوت راس الجكاره
===================

الدهر شل يمناي شل يسرتي الــــــبين
جابيش اصبر الروح بيش امسح العين
=========================

متعجب المهموم يشرب جكاره
قلبي ابكثر مانوح تجويني ناره
===================

من كثر حر الضلع أحترقن هدومي
وتسعين ناقة وجمل ماشالن همومي
======================

هاك ابره هاك الخيط خويه ارد اكلفك
امسرد الدلال شله على عرفـــــــــــك
======================

هاك ابره هاك الخيط كوم امشي عني
لو بيه اشل جروح جاشل هـــــــــذني
========================

حسره الك بالدلال ظلت لما امـــوت
مادرت حقها الناس صواب بسكوت
=====================

حسره وحدرها احاه وبقلبي لــوعه
كلما اضوق الزاد اركض وازوعه
*************************

[ابو عمار الربيعي]

سهرت الليل بودادك = وحييت
وكلت مرحبه بطارشكم = وحييت
يمطرب طفت بالكعبه= وحييت
اذا جايب حبيبي اوياك اليه
========
بجى الحالي كلمن سمع = وني
وصدك من كال يغرك الي = مايوني
ياويلي سنين العوز وازني =ولوني
وخلني اترجه الي مابيهم رجية
===========
حلو طبعك حبيبي من = تعادي
احكمت قلبي قساوة وانتة = عادي
تمنيتك حبيبي من = تعادي
تعادي الناس اليوزونك علية
==============
بعـــيد ولا جــنح عــندي = وامرهم
وصرت خاضع لأمر الله = وامرهم
البعد لابــد يــوم يخلص = وامرهم
واعاتب كل محب ما ينشد عليه
================
وحق الي تعبده الناس = وحده
حبك سلب مني الروح = وحده
هذني اثنين ونته اختار= وحده
ترحل لو تضل محبوب اليه
==============
حلف برکبتی علی العشق = مندم
ولو حتی البواجی تصير = من دم
کلبی مو صخر يا ناس = من دم
ويحبه شثکر ما يقسی عليه
================
عيوني عليك من البواجي = يرحن
سجاجين ابصميم احشاي = يرحن
اشكد طيبات للنذلين = يرحن
غدير ابصبخ ما ينشرب ميه
===============
انه قلبي من لهيب الشوق = منطر
وتضل عيني على البيبان = منطر
شفت خدك عبالي الفجر= منطر
كمت صليت من غصبن علية
=================
ياصاح هدني السفر دايم صلاتي = قصر
هايم براضي العطش وانته سكنت = ابقصر
ان جان وياك يا صاح عندي = قصر ( تقصير)
اذكر العشره ان جنت عربي حقيقي = واصل
وان جان مسلم صدك واتكول اصومن = واصل
جازيتني بالهجر جا ليش مامش = وصـــــل
وانه لزاخو احـــــــــن .... حته حدود ام قصر
=====================
نار الكلب تلهب منك = ابره
واذا من نفسي ما ابرة منك = ابرة
هاك الخيط مني ومنك = ابرة
نخيط جروحنة ونلتم سوية
=============
صفيت انه وحبيب الروح = بالروح
ولوم الكلب من فركاه = والروح
دعيت الله يبدل روح = بالروح
وخذ روحي ولا تزعل عليه
================
يحادي الضعن بالله عليك = اني
لما يسمع شريج الروح = اني
اريد اصبر واعلم الروح = اني
امر من الصبر فركاك اليه
================
سريتوا بالضعن ياترف = هاوين
جفيتوني ولعند الغير= هاوين
هاميت يحلو الطول = هاوين
حياتي والنظر اقبالك عليه
**************************

[ابو عمار الربيعي]

ابنار الهجر يامهجه = دموعاي
على مصابي السمه يمطر= دموعاي
اشما هلن يدندوشه = دموعاي
حسناتج تبدل بالف سيه
==============
جرعت من الصبر كاسات = مره
ولاسني ضحك للوكت = مره
يالرايح للحبيب ارجوك =مره
وخبره هوه بفرح واني = باذيه
=============
اريداخبط مزيج الرمل = والحر
وادور عل الصديج الوفي = والحر
نخيت الله وابوالحسنين = والحر
يحفظ كل اخو يذكر اخيه
=========
شربت الجاي مرمر = بستكانه
ويطعم الجاي خالص = بستكانه
سبع بوسات ياعراق = بستكانه
فلا اشبع اذا اوصل الميه
=========
وقبله......
جمالك زاد عن يوسف = وقبله
وحبك صار الي منبر= وقبله
امر إعلى الصخر اني= اقبله
لن گلبك صخر ما حن عليه
===========
سايل....
مره اصفن عليكم مره = سايل
مره الدمع ناشف مره= سايل
مره احتار شكتب من = رسايل
مره انتظر ساعات المنيه
=============

انت الشمس وانت البدر= منهل
وشفافك طعم العســل = منهل
گلبي بس إلك ياتــرف = منهل
الورد من تمر ياخـذ لك تحيه
=============

تظل نجمة يضي العين = بسماي
ويظل اسمك حبيب العمر = بسماي
ما يروي العطش بجفاك = بسماي
العطش ترويه بوصالك عليه
==============
هاك الكلب بيدك حيل = طحنة
امس فوك النجوم واليوم = طحنة
شبدينة وبالعشك ياناس = طحنة
غشمة وكلوبنة تحب الاذية
================
راح وكســر خاطري ولملم طيوفه = وشال
ونهــر المحبـه نشف ظلت جروفه = وشال
الزمــن ماعافنـي رد عالـكفوف = وشـل
ماعفت حبــك انا كلبـي على حبـك = ظل
عالهجر شو تعتنـي عالوصــل دومك = ظل
بجتافي اغطي الشمس بالصيف اصيرن = ظل
لو مر عليك الشتا لفني على صدرك = شال
*************************

[ابو عمار الربيعي]

ابوذيات قلعة صالح
***************

لان ماريــــــــد اشوفك يوم= حزني
وتدري ابسيف هجرك ولك =حزني
كلبك انت وحـــــــدك الي= حزني
و (حيازه وحمل) سلمتك بديه
---------------------------
لو راسا تكلي ارجــوك = هدنه
وتعاركني وتــريد انوب= هدنه
ولك والله العشك وياك =هدنه
مريض انه تعال اسال عليه
---------------------------
لو مره تمــــــــــر مثل= الشماته
وانا لنحرك يالاسمـر وك = شماته
ولك مغــــــرور كالولي= بشماته
صحيح ابشامتك تنغر عليه
------------------------------
لــــــــو تذكر رباي وياك = والعن
ولا تنغر على اللي بيك= والعن
فرضنا لــــو اسبك حيل= والعن
مريض انه تعال اسال عليه
---------------------------

لـــــــو تعرفني احبك= واشتمنك
ولان منطي للواشي= وشتمنك
اريـــــد اليوم احضنك= واشتمنك
واشوفك هم تذب روحك عليه
-------------------------
وشوف اشلون حالي= منتسلني
ولكن سيف صــــدك= منتسلني
الدمع يغلــب جوابي= منتسلتي
اضحك بالجذب غصبن عليه
----------------------------
يا صاح طال هجرك = مــر علينا
مو حتى الزاد بعدك =مـر علينا
اذا بعدك تحبنا =مــــــــر علينا
تعال وكروة التكسي علينه
-------------------------
سواد العين عكبك= سال مني
وأعاند وي عذولي= سالمني
جفوف هواي عكبك= سالمني
ونارجفك ليهسه بين ايديه
-----------------------------
اريــــد اخبط مزيج الرمل= والحر
وادور عل الصديج الوفي= والحر
نخيت الله وابو الحسنين= والحر
يحفظ كل اخو يذكر اخيه
----------------------------
يا شارع اشوفنـــــــك= ونادي
اريد اصرخ بعالي الحس= ونادي
وحسرتي تحرك اليابس= ونادي
يمته تمر يمحبوبي عليه
----------------------
كلب يعوضك يـــوم لا اثنين= لا عشيره
حبيبي صاحبي هلي وكـل= العشيره
رحت هسه ونسيت الملح= والعشره
ونسيت كل لحظه انت جنت ما بين اديه
------------------------------
رقيق وروحي وي الولف= ورعه
حطيته بوســــط دلالي= ورعه
لعد بابه رحت بهمومي= ورعه
بسرب شوكي يريت يحن عليه
------------------------
صفت بــــــس للدمع عيني= وكتبي
طره لعبت بيـــــه انتــــــــه= وكتبي
طبعت اسمك على اوراقي= وكتبي
وحكم حبك علي بس الاذيه
----------------------------
ربك يا ترف من حسنه= شهداك
وينهياله اليضــوك بيوم= شهداك
يحلــو الطول كل تاس = شهداك
بسهم عينك يبو شفايف نديه
--------------------------
اريد الدنيه تصفــه وياي= بس يوم
وشوفك يا كحيل العين= بس يوم
تنوح امي عليه وصحت= بس يوم
الذنب ذنب الدهر قاسي عليه
---------------------------
علي فسر جفن عينك= وسلهم
روح بـــــــــروح خلاني= وسلهم
دحاجي بلطـف جيرانك= وسلهم
شكثر باليوم ينشدكم عليه
--------------------------
حد اسيوف هجرانك= و سلهه
وهاك الروح مرمرهـه= وسلهه
يمك ناس ناشدهــه= وسلهه
بشرع من حللت هجرانك عليه
------------------------------
شبدينه عل النحبه= ما يحبنه
مثل سمج طبعـه= ما يحبنه
بارد يلتشربـــــه= ماي حبنه
وشربت يلكلت مالح شويه
--------------------------
زرع ريان مــــــــــــــــن كلبي= ترابه
ومثل طعـــــم العسل يا عالم= ترابه
دللته يا خلك الله وعله ذراعي== تربه
وجه غيري وخداه من بين اديه
----------------------------
نهرت النفــــــــــس ما تقبل= نهاري
دموعي يكتن على خدودي= نهاري
اكضي بالحزن بعـــــــــــدج=نهاري
وباليالي لا تسئليني شيصير بيه
---------------------------------
شجه للنفس ما جره = و مالي
و ملك الموت اشوفنه= و مالي
بعـــد ما تنفع اولادي= و مالي
بس الجفن حصتي من الدنيه
----------------------------
جنه من الدفو ياناس= حظنه
عشكنه وماكعد ويانه= حظنه
وانا مازدت الطمع بس ردت= أحظن
من احضنه الهيعه متيها من اديه

روحي شلون أكضها من= تهم بيك
ومثل تهمه حبيبي من= تهم بيك
ولك ظيم اليمر بيه من= تهم بيك
ولاجنك وانا مبين عليه

[ابو عمار الربيعي]

رجلك حكتك سولفت بيك اليوم
حاولت أوصفك بس ماوصلت الحد
=
كلما ردة اوصفك أنسى بيك اهواي
جله الخالقك خلاك ماتنعد
=
ياعشر أسئله جنك بلامنهاج
لابيهن ترك لاأكدر أتردد
=
أذا ضهرك وجه وألشعر جنه أغروب
وجفوفك شفه ورجليك جنهن خد
=
بيك أشجم بحث سويت لهل الشوك
لاواحد عرفني ولاقراك أحد
=
كلهن جمعاهن بيك رب الكون
فصلهن واجن وياك كد بكد
=
يامرحله صعبه وكلبي راسب بيك
لاني أكمال حته أبدور ثاني أشتد
=
يلرمشك مسيه وحاجبك(صم)ليل
وعيونك هرم وجفونهن معبد
=
يلخدك سمه ومن نيتي أصفه وياك
مدري أشلون بي النجم صار أسود
=
يلركبتك شفه أو..وجنتك شفتين
يلشفتك سيف وشفتي المبرد
=
يلطولك بحر وألشايلك طوفان
ربك حسبلهه وخله صدرك سد
=
سبحان اللبصدرك فصلاهن جود
حب الكهوه والرمان شدهن شد
=
بياحد أوصفك شايل جمال الكون
ياكلشي وكلاشي ومايحدك حد
=
ألله أيساعد اهلك وأنته يمهم دوم
تكعد تبتسم وتسولف وتمتد
=
من تضحك أظنهم كلهم أيصفنون
كون أهلك عليك أعيونهم تبرد
=
يلجنك تنين ألعافيه أبكل حين
سبع أعيون حطلك خاب يمعود
=
ولاتلبس أمزند خاف روحي تروح
أترجاك خايب ذب ألمزند
=
يانار أبرضاتك وكفه ماتنجاس
لأكن جنه تصبح لحظة ألتمتد
=
صح لمن تسولف تنكلب سلطان
بس جنك زبد وتموع من ننشد
=
أنه أتعذرك يمكن نسيت أهواي
موكلشي بصفاتك ياترف ينعد
=
لاحلاك محبس لاتراجي وثوب
لاساعة ذهب لأكحل لامرود
=
بجفوف ألخلك زينه ألمعاضد عود
وأنته أجفوف أديك ألحلت ألمعضد
=
وأنته أجفوف أديك ألحلت ألمعضد
=============
=============

[ابو عمار الربيعي]

________________________________________
دگ ياگلب
دگ
ياگلب حيل أنت دگ
لتظن أفك باب الهوى خافن أفكها وأحتـــــرگ
=====

ولتظن أجوز من الصبر تالي الصبر ضي يعتلگ
=
ولتظن أمشي بلا هدف هيهات ما بعد أنســـــبگ
=
لا ما أصــل باب الهوى لوشــــوفك بعمرك تطگ
دگ يا گلب حيل أنت دگ
=


دگ
ياگلب خل أنجرح شما ينزف يطيب الجرح
ما ريد من بعد التــعب تجرالي دمعـــه وأنفضح
چذابه عشرة هالوكت حب التيريــده ما يصـــح
لا ما أصل باب الهوى لو شــــــوفك بدمك تطگ
دگ ياگلب حيل أنت دگ
====
دگ ياگلب خله الحزن يچســـيني وألهم بالصبر
كسـر الهوى مابي شفه لاچنه كســــــــرك ينجبر
ما اريد أذوب شــمعتي ولا ريــــد أحـــفرلك گبر
لا ما أصل باب الهوى لو شـــــوفك بعيني تطگ
دگ ياگلب حيل أنت دگ

=====
دگ يا گلب بأترف نغم وأنســــــه اليصار اعلينه
ولتهيج أجروح المضت جـــــرح النــــــدم ياذينه
ولتغرك حروف العشگ جــــذاب زينه وشــــــينه
لا ما أصل باب الهوى خافـــن أفكها وأحتــــرگ
دگ ياگلب حيل أنت دگ
==================

[ابو عمار الربيعي]

يا زين مرني وســل عنــي وعــن= منزلي
تلكَاني أحبك وأبد عن شوكَي ما= منزلي
لا والكـــتاب الــذي مـــن الـعرش= منزلي
أحـــلف يظــــل يا حلو بينك وبيني= وصـل
ومهما تباعد علي أتعــــنه يمــــك= وصل
كون تعرفــني أنا من يا حمــــولة= وأصـل
جـــان نزلت دمعتك من هيبتي = ومـنزلي
==================
يادمعة العين هلي بكل وكت = وانسلي
وياروحـــي ذوبي على فراكَـ الولف= وانسلي
آنه شمعتي انطـفت جانت ضيه = وونسه لي
وأيـــــام الأفــــراح بـــــدلها زمــــــاني= بــألم
كـــثرت جروحك يكَــلبي حرت شداوي= وألم
درسي صــــفه بهالأتى ودروس غيـري= بلم
نشــــرح بالأحـــزان عـــن ذكراكم = وانسلي
=====================
ي ادمـــعة العين ســــالت عالــخدود= وجرت
ومثلي على الناس ماصارت مصيبة= وجرت
والــــنار يا صــــاح شبَت بالدلـــــيل= وجرت
اطـــــول يـــــد النــــذل وانه كَــصرت= يدي
وظـــــل جرح الكَلـــــب يا هـــــــالربع= يدي
لي ماتــــــرعون حــــكَـ للمصــــطفى= يدي
معـــــلوم مذنب لجـــــن ما طغيت= وجــرت
===================

====================

[ابو عمار الربيعي]

حبيبي لا مثل كلبك= وهم بيك
تمنيت اللذي بيه = وهم بيك
مثل يوسف تهم بيه= وهم بيك
شبكته وما نزل برهان بيه
******
آنه الخابُطك بيدي= وصفاك
وحرت شنطيك من ميزه= وصفاك
حبيبي شوصف أعيونك= شصف فاك
جنه ونار جامعهن سويه
*****
أفوج أبين ذرعانك= والنهود
وشمك مية ألف شمه= ولا أنهود
أهد الدنيه لوصالك= ولا أنهود
أبحبل مجتوف والعكده خفيه
******
سليت أبنار هجرانك= ولا لام
ولاني طيب أصوابي= ولا لام
لا مليت من شوكك= ولا لام
دخيلك خشن أكليبي عليه
********
كضيت العمر وياك= جدي
أحشم الروح كلما أتهيد= جدي
توكفلي أبصلافه أتكول= جدي
عُكب ما شيبت تتمزهَد عليه
*******
وحك اللي بعث للناس= مرسال
نبع صافي زلال الروح= مُرسال
ما تفكد عليلك ليش= مر سال
رميت وتنظر أتصيب الرميه
******
تصد ويا شرع أفتت= قبلتك
حلال أتمرعد أبروحي= قبلتك
مدري أبيا سنه أبطيفي= قبلتك
طعمها ابشفتي حد ألمنيه
==============
الهــــجر يكتل يصاحب= وانت داري
عليـــــك يخاف كلبي= وانت داري
انـــت اهلي وعمامي= وانت داري
انــــت امـــــــي وابـوي واخ اليه
==========
ابشرك مابعد بالعين= ضل ماي
وحس حته الصبح بجفاك= ضلماي
زماني مرادف عله الروح= ضلماي
سلب عقلي وشدهني وشد اديه
==============
رمح جارح وكتنه =خله بينه
ثبتنه وعيب بانت= خله بينه
طبع احنه من ابونا= خله بينه
نبيع ارواحنه ونحمي الخويه
================
يهل روحك عله الطيبات= تربه
وعله دربك تظل العين= تربه
ياريت اكعد عله مصلاك= تربه
وابوسك من تحط كصتك عليه
===========
عسى بعيد كصير العمر= ماطال
يامن وجهك بعد عالعين= ماطال
ردي حظي وشخصك ابد= ماطال
لون محظوظ كلك بين اديه
=================
نبينة
اخذ درسك ..تعلم = من نبينة
وشارت سادة صارت = منه بينة
تهنة بوصفة احنة = من نبينة
لان شمس وكمر طبكن سوية
==============
مصايب غربتي بهجرك= لوني
أفرح وأنسعد وأرجع= لوني
أمنيتي من العمر يمك= لو أني
تواسيني وتضمد جروحي الية
================
سلامي للولف ياطيــر= وصله
احبه ومن صدك محتاج= وصله
كريم النسب ابن شيوخ = واصله
اصل عز واصل غيره وحميه
================
اخوتي الچنت اودهم دوم= يمناي
عگبهم ماتهوش عداي = يمناي
گمت اصفك يساري فوگ = يمناي
على ابن امي السرة تحت الوطية
=====================

[سامي ايكو]

تسلم استاذ ابو عمار والله شعر حلو والاحلى هذا البيت

وانت اجمل حلم غمضت عيني عليه
اوردت يطول ليلي ومنا ما اوعه

http://www.almagar.p2h.info/vb/index.php

[علي كاظم الربيعي]

شكرا للسيد سامي ايكو على المرور اخ عزيز واديب متميز .....