يبو السجاد يعيوني يبو السجــــاد

يبو السجاد يعيوني يبو السجــــاد
الگلب ما هاد يا خويه الگلب ماهاد
جثيره اجروح ** شيصبر الروح
************************************
اخوي حسين ودعني باگلب مهمـــــوم
واسمعه يرتل وتهمل دموعه ادمــــوم
بظلم ندريها للوالي اجته الگــــــــــــوم
عليه اتحزمت تسفر تهب اسمـــــــــوم
وحيد ابن امي بالحومه وثبت مظلـــوم
ولا من ناصر ينصره اخوي اليــــــــوم
انادي حسين وبلهفه انادي حسيــــن
هضمني البين تدريني هضمني البين
تظل تنوح ** شيصبر الروح


***********************************
واشوف الضامي تتحشد عليه صوبيــــن
صرت وبحيره من امري ودير العيـــــــن
يخويه احشود ملتمه تضد الديـــــــــــن
وحس وبصدري حسراتي تنادي حسيــن
يعرفونك يبو اليمه النسل ومنيـــــــــــــن
قصدهم واضح وبغضاً لبو الحسنيــــــــن
تظل عنوان صيحاتك تظل عنوان
عليه احزان تتراكم عليه احزان
تهد أصروح ** شيصبر الروح



*********************************
عليك الحيل يتهدم ودمع همـــــــــال
تنادي بساحة العسكر اشوف الحــــال
وأحسن بيك يالوالي بضمى الــــدلال
وصيحاًٍ صعبه فرگتكم تحير البــــــال
مصيبتنه اصبحت خويه تهد اجبــــال
فكدت اگليبي ظل يمك هوها وما مــال
دليلي انصاب بالحومه دليلي انصاب
علـى الغياب يتحسر على الغيــــــــاب
على المطروح ** شيصبر الروح


**********************************
اواسي الطاهره امي وأجر حســـــــــــره
على مصاب الولي يمه وانه الحـــــــره
ييمه وداعتج مختنگه بالعبــــــــــــــره
اشوف بمصرعه مخضب على الغبـــــره
الجسم دامي وشفت مذبوح من نحـــــره
وتظل نار الگلب مضرومه مستـــــعره
شفت ظلام اذونه شفت ظـلام
ييمه ايام ترثينــــــه ييمه ايام
على المذبوح ** شيصبر الروح
************************************
وقدم شكوتي لجدي وأگله الصـــــــار
بخيمنه اهل الظلم دارت تشب النار
عطاشه وهامت اعل البر تون اصغار
وأگله حسين يا جدي فدى الانـــــــوار
ولا والي بگه عندي ولا انصـــــــــار
يجدي الهادي ما نهجع دمعنا انهـــار
الزمن غدار صوبني الزمن غدار
حدتنه اشرار يا جدي حدتنه اشرار
لوين أنروح ** شيصبر الروح

عماد الحسني