بوادي الطفوف تناديك الحبيبه * خويه يحسين صفت أختك غريبه
على نار أنتظاري * صبح مظلم نهاري
***************************************
عيوني ذبلانه ** تنظر الحومــــــــــه
بنتظار أتلوح ** صورة أرسومــــــه
گلبي نيرانه ** بالم مظرومـــــــــــــه
أرد اخبرنه ** العليه محشومــــــــه
خويه يالغالي ** انه مالومــــــــــــه
واندبك يحسين **خويه مهظومه
جرح بالروح يهد يا خويه حيلي
الحزن ونوح سكن تدري بالدليلي
بگت مستعره ناري **** ** صبح مظلم نهاري
*****************************************
خويه اترجاك ** لا تخليــــــــــــنــي
يل گظيت وياك ** عمري وسنينــي
ابد ما تنشف ** دمعتي بعينــــــــي
حسين يبن امي ** الفرگه تجوينـــي
منهو ليه اليوم ** من يواسيــــــنــي
والايتام ابنوح ** من تنادينـــــــــــي
گلبي مكسور نزف بالغاضــــريه
شقت انه حسين وحيد بلا تجيه
يحن دمعي الي جاري ** صبح مظلم نهاري
****************************************

صحت يا خويه ** من خطف لونـــــي
وينه كافلنه ** وحامي الضعونــــــي
رد عليه حسين ** گلي غدرونـــــــــي
ونكسر ظهري ** ومنه حرمونــــــــي
شفت اخوج هناك ** تنظره عيــــــوني
يهتف بلا خوف ** يا نفس هونـــــــي
حامي الضعون وصل يم الشريعه
ناده وبصوت جفيل انا الوديعـــه
يظل ثابت قراي ** صبح مظلم نهاري
***************************************
بحيره من دونه ** احنه ظليــــــــــنه
ما اظنه يرد ** حسين والينــــــــــــه
بس قهر وهموم ** عگبه يلفيــــــنه
حرگوا اخيمنه ** وعذبو بينـــــــــــه
وذهلت الاطفال ** وصاحت اسكينـه
وين ابوي حسين ** عمه دلينــــــه
كثره الجروح تره وناري سريـه
عمه الحسين صريع اعلى الوطيه
خلت يسكينه داري ** صبح مظلم نهاري
***************************************
گلي اناشدمن ** لا ولي واعــــــوان
وحشه تاذيني ** بفركة الوليــــــــان
بس حرم وايتام ** ظلت ورضعـــان
حتى ما رحموا ** بالطفل عطشــان
هجمت العسكر ** ونهبت الصيوان
لا ضمير ودين ** ادري بالعـــدوان
دمعي ينهال على صاحب الغيره
عكب الاطياب مشيت انه اسيره
يسر أصبح مساري ** صبح مظلم نهاري
عماد الحسني