انصار انصار لزهره ونواسيها
*********************
اعظم الله الأجر لأهل الاصــــــــول ** يا حسين
نواسي هالليله بدمع احنه البتـــول ** يا حسين
بهل المصاب وفاجعة ابن الرسول **يا حسين
هل الحقيقه بكل وكت نحييهـــا
انصار انصار لزهره ونواسيها
******************************
انصار احنه وانكتب بدم العهــــــد ** يا حسين
صوت نرفع عالي ويظل للأبــــــد ** يا حسين
حسين عايش بالكلب والكل شهد ** يا حسين
حسين ينبع بالوفى ويرويهـــــا
انصار انصار لزهره ونواسيها
*****************************
يبقى ابو السجاد منصور وسند ** يا حسين
عون يبقى ويحضر بكل الشــــدد ** يا حسين
خسر كلمن ما تمسك واليضـــد ** يا حسين
وحب ابو اليمه الذي ينجيــــــها
انصار انصار لزهره ونواسيها
*****************************
حسين للامه فدى دم الوريـــــــد ** يا حسين
قدم النفس الزكيه والعضيــــــــد ** يا حسين
حتى نحره من انذبح رافض يزيد ** يا حسين
يهتف بكلا أبد تمحيهـــــــــــــــا
انصار انصار لزهره ونواسيها
******************************
مثل جده المهدي ينصر كل فقير ** يا حسين
واحنه متمسكين بيه وانستجيــر ** يا حسين
صاحب الطلعه البهيه والبشيـــر ** يا حسين
بالصبر منتظره كل واليهــــــــا
انصار انصار لزهره ونواسيها
******************************
يلشعارك أمت والبيه انفتخـــــر ** يا حسين
وتعلن بثارات مذبوح النحــــــر ** يا حسين
وتطلب بضلع الزجيه المنكســـر ** يا حسين
ارواح يالمهدي الك نفديــــــــها
انصار انصار لزهره ونواسيها
عماد الحسني