قصيدة بمناسبة ولادة ابا الفضل العباس (علية السلام).
الولادة في 4 شعبان .
بقلم |حازم محمد عبد الحسن الحمامي .
يظل كلب الموالي مصدع من الآه بسمه اعله الشفاه الظيم فرهدها
تعال وشوف يوم الطف الك برهان وعملة كربلا بعينك تشاهدها
وكف عباس وكفة حيدر الكرار يخطب بالجيوش يريد يرشدها
نصح مافاد بيهم كل وعظ وارشاد ناس العاندت بالسيف عاندها
مو ساحة حرب يوم الطفوف تشوف لوحه من الرسم عباس جسدها
رسم يم الشريعة بيمنته الطوفان واغبار الركاب بسيفه هددها
ولاصورة رسم تنشاف بس بالعين ايه بالفكر عباس خلدها
اخذ كل كربله وخط بيها خط رسام كملها ورجع بالسيف حددها
لو طاح القلم من يمنة الرسام حاضن يسرته تكمل مشاهدها
ولاريشة رسم وتحقق المطلوب اذا مو قبض الرسام تسندها
السيف بساعة الكطعوله جف عباس ظل بلايه جف عباس يحصدها
مايسبق حسين بكل فعل سواه ثبت خوته واسس قواعدها
خل تنظر الناس لخوة عباس انشودة فرح والزمن رددها
رفض حتى الولادة تصير كبل حسين خل تنظر صفاته وخل تقلدها .
رد مع اقتباس
