مخضّب الليله / طاح ابو الحسنين
سيف ابن ملجم خضّبه / ابمسجد الكوفه
**************
ليلة الأحزان / ليلة امصابه
تلتهب نيران / أهله واحبابه
خالف القرأن / هالرجس صابه
نصّبه الرحمن / يذكر اكتابه
الفرگه طويله / وتدمع العينين / فعل الخوارج غيّبه / بمسجد الكوفه
***************
ضجت الأصوات / لن علي طايح
صاحب الصولات / بالدمه سابح
يردد بكلمات / والنضر شابح
يلهج بآيات / والألم واضح
هدّمله حيله / جرحه ليث حنين / والظالم تمم مطلبه / بمسجد الكوفه
**************
ضده دوم اترف / راية الأحقاد
للغدر تهتف / امطعّمه بألحاد
هالفعل يكشف / ماضي الأجداد
يبقه هالموقف / يجري للأحفاد
المدمع انسيله / عالوصي بكل حين/ حاربوا شخصه المنصبه / ابمسجد الكوفه
**************
المقصد المنصب / عالجره والصار
بالشطر مرحب / حيدر الكرار
فارس امجرب / بالشدد مقوار
يمّه من يگرب / وبايده ذوالفقار
بخدعه وبحيله / هدّوا الكونين / دارت عليه النايبه / ابمسجد الكوفه
*************
طبرته تنزف / يصارع الآلام
دمعه ما ينشف / الحالة الأيتام
ألهه من ينصف / لو رحل تنضام
هالوضع يعرف / تغيّره الظّلام
بكل مراسيله / يدعي لاجل الدين / مكتوبه حسن العاقبه / بمسجد الكوفه
***************
الشيعي اتيتم / بفگد ابو الحملات
والدمع من دم / يجرع الآهات
زمرة ما ترحم / تتبع اللذات
بلا عدل تحكم / تنشر الويلات
والمحب ويله / عايش بنارين / والمبغض عمداً حاربه / بمسجد الكوفه
**************************************
خادم أهل البيت (ع) // قاسم حسين المندلاوي