عتاب مواطن عراقي كان يظن ان العرب اخوة له وان بلاد العُرب اوطاني؟؟.

[babil]

للاسف افاق كغيره متأخرا ليقف امام حقيقة ان العرب شعوبا وليست شعبا وهي لاتحب بعضها وتختلف كثيرا فيما بينها وانها ليست وطن بل مجموعة اوطان !!
-------------

بعد ما ريد فيزه ولا لجوء انسان

.................. عمت عين الاقامه الدنست صيتي

واشكر كل صديق وكل خوي وكل جار

.............. قفل بابه ورفض يقبل عراقيتي

خلف الله عليكم والوكت دولاب

.............. لا بد يوم ينزل بيكم ارضيتي

لان اول امس كل البشر خدام

.............. كانوا للعراق.. واكلوا ا بيتي

جان الضيف عندي مكرم ومهيوب

.............. فوگ الراس اشيله وهاي تربيتي

ما داعي اسولف وانه ابو النهرين

.............. ياهو الما سمع اخبار حنيتي

بعد بصمات اديهم والطبع موجود

.............. من جانوا جياع بوسط صينيتي

يا دنيا حرام و منكر ومكروه

.............. اذا انت ابن العراق اليوم وطيتي

معقوله نسيتي اسم العراق بساع

.............. لو مثل البشر همّن تناسيتي

ميفيد الحچي ولا تنفع الچلمات

.............. راجع يا وطن لترابك الزيتي

راجع يا حبيبة گلبي يا بغداد

................راجع اعيش بتمويني وبزيتي.

[منازار]

يرجع العراق كما كان صدقني اخي بابل غصبا على العربان الجربان
بعدين هم اللي رح يتوسلوا بالعراق