بلاد العُرب اَوطاني!


بلاد ااااالعُربِ أوطاني-بس كَله جذب مابَلد لَفانه!
الاجانب رحبوا بينه-واااااااااااالعُربان ياما قسوا ويانه
وكل الناس عدهه اوطان-- هَم عندي وَطن ااااااااانه
وَطن متروس بالخيرات--واَبار النفط غصت ابكيعانه
لكن شنهو فايدته--ااااااااااالمقابر اكثر إوتعب الدفانه
شلي بالوطن لو عاف -محتاجين ولده وينطي جيرانه
شِلي ابوطن ما يدري- على كل الدول متطشره شُبانه

وطنه ياهو اليحكمه-- يتسجل باسمه وااااااسم خوانه
ابوطنه ما نَعَرف اَشصار--ااااااااااااااالناس البيه حيرانه
وناس العافته وطلعت-بقت باااااااااااااااااااالغربه حزنانه
ابوطنه الظلم ما ينزاح--باقي وعااااااااااااااااااالي بنيانه
جان الينتقد صدام-ما يسلَم على اااااااااااااااااااالسانه
هسه الينتقد احزاب -يخلونه ااااااااااااااااااااابخبر كانه

ابوطنه حتى الارهابي--ااااااااااااااامحصن و ايده فلتانه
ايفخخ يقتل ابهل ناس--ويسنده اااااااااااااالكال ويانه
وبس ينكشف! عالشمال - ااااااابراحه ايلوف سكانه

وَطنه ايدَوخ الماداخ- لغز مااااااااااااااااااااااا تلكَه برهانه
تلكَه السَهَل يخشى الهور-تلكَه الجبل ماله ثقه ابوديانه
ابسفارات الدول طابور- نلزم سَره خلاااااااااااااااااااانه
وشعارات الجذب كل يوم-غطت حتى حيطاااااااااانه
ابوطنه الما مُلك دولار-صغير وقله صحبااااااااااااااااانه
بس اللي سرق مليار-جبير ويرتفع شاااااااااااااااااااااانه

اشيرجعك يا علي الكرار--اااااااااانترست ظلم دنيانه
ترى من طبرتك لليوم--اااااااااااااااالعدل مَعووج ميزانه
ابلاد النفط يابو احسين-وابناء الشهاده البيه جوعانه
ولوما اللنكَه توصله-جا ضلت الناس اهواي فشلانه!

الناس ابخطر ياكرار-تلااااااااااااااااااااااااحكنه يَمولانه
الوطن ضيعنه يابو احسين-الدار ااااااااااااالغربه وَدانه
ورغم كل هذا ونبرر-نكول ااااااااااااااااااااالوطن رَبانه
ونكول الزمن غدار!-مانكدر نكول ااااااااالوطن أذانه
ولا نكدر نكول الوطن أذانه


بقلم
حسين الساعدي