حب تالي العمر

[جاسم البغدادي]

　
شنو الجره يفلان دكلي اشجاك


اسنين صابر وانتظر وتريد هسه انساك


اتصير ويه الزمن كلي الزمن شنطاك

انطاك ليل الدمع ذبّل كحل عيناك


خلاك حافي الجدم تتعثر ابممشاك


باعك نار الهجر وانته الحطب سواك


والثمن حبك و تدري اشكثر اهواك


ابيض صفالي الشعر ما شيبت لولاك


وكل تجاعيد الوجه حفرتهه الي ذكراك


ظنيت لمن ترد يرجع شبابي وياك


موجاي تالي العمر وتريد مني انساكـ

[جاسم البغدادي]

يمعود كلب... متكلي شمتاني ؟
وربك بدلت وراحت وي ولف ثاني
من الاول كتلك احذر لا تروح بعيد
كل ربعي تحب اثنين ..ليش بس اني؟

[جاسم البغدادي]

تمشي بثقه وانه امشي واتعثر
وتحجي بثقه وانه حروفي تتبعثر
ماكدر ابوسك من حلاة البيك
اخافن من ابوسك , يصعد السكّر

[جاسم البغدادي]

اريـــــــد اكتب شعر واتغــزل باسمك

لان اسمك جميل وجاي من رسمك
احتــــار القلــم من ردت اكتبلك
... يكلي الــورق يخجل لو كتب اسمـك
صفن بيدي القلم وصرت احاجيه
ويكلــي بصراحة شـــــراح اكتبلـــك