(((( وين كافل ظعني نورعيوني )))
===========
وين كافل ظعني نورعيوني
وين عباس الشهم وحسيني
آني أمي فاطمــــــه
والدي حامي الحمه
والعده عكب أخوتي أيسلبوني
وين كافل ظعني نورعيوني
============
وين عباس الشهم وين الكفيــــــــل
وين سبع الكنطره المالـــــــه مثيل
تصرخ أطفالك أبولوعات وعويل
كوم سكتهم يبن حامي الدخيــــــل
أنا زينب بت علي
خلاف عينك أنولي
والعدة عكب أخوتي يضربوني
وين كافل ظعني نورعيوني
==========
اليوم عادت كربله عليه جديد
عاود اليوم الشمر يخدم يزيد
عاد عتبه وعاد شيبه والوليد
عاد مروان الطريد بن الطريد
أسمع ألأم الجمل
تنادي وبلايه خجل
فجروا زينب خل تقرعيوني
وين كافل ظعني نورعيوني
======
جي غفت عينك يسبع الكنطره
شلون ترضه مرتين أمسيره
جلاب مسعوره عليه أمزمره
حاطت بكبـري وتريد أتفجره
وين راعي المرجله
وين ابن عقد الوله
كوم يا عباس دافع دوني
وين كافل ظعني نورعيوني
===========
جني اسمع صوة زينب بالمنام
خل تكرعينك يبوفاضل تنــــام
ولله شيعتنه أهل نخوه وكـــرام
موش أهل كوفان ذولاك الئــام
ذوله شيعة علي أنصار ألإمام
المهدي أمجرد السقيل
راجب أبأول الخــــــيل
برايتك يابوالفضل حاموني
وين كافل ظعني نورعيوني
====
هاي شيعة فاطمه طرحت سؤال
صدك زينب تنسبي ونقبل الحال
مرتين أشلون نقبل لا محـــــــال
أنعاهدك يابوالفضل عهد الرجال
عل جثث نمشي وندوس
نضحي أولاد ونفوس
هذا شان ألي يحب مجنوني
وين كافل ظعني نورعيوني
==========
سيد كاظم الشرع الموسوي