ليش لا ؟


ﮔـلبي انتَ
ليش لا ؟
حبي انت
حتى من تزعل عليه
انت وحدك تبقى ليه
خلي
ﮔـلبك بين اديّه
وابد ما تندم علــــــي
ليش لا ؟
ابقى احجي
بس لا تبجي
تدري من تبجي حبيبي
تظلم الدنيا عليه

دمعك انت
..روحي هوه
تدري لوتتركني روحي
دمعك يرجعها ليه

ليش لا ؟
عمري انطيتك هديه
ولو ما حصلت منك
بس اذيه
تبقى فرحه عمري انت
ماله معنى العمر كله
غير لمتنه سويه

انت واني
عمر واحد
گلب واحد
مثل النهر
وترابه
واشجاره معجونه بصبرهه
ومثل حسرة الم خامد
يشتعل ويه النفس صاعد
ومثل اجيال مرت
ابلدنا
وجيل جاي
والجيل الي سبقنه
لا انت تشكي
ولا آنه اشكي
عشگنا عشگ خرسان
من الله خلقنا

دنيانا ايام وتنگضي
مره حلوه
مرّه مُرّة
اخذ كل الفرح مني
وخلي كل ّالحزن ليه

ليش لا ؟
گلبي تابوت الحزن
وگلبك شدّة ورده
وضحكتك ..مزهريه
حرام لو مرّ الحزن بي
تتناثر ازهاره بين اديه
صعبه تتألم حبيبي
ومعذور يلكلك اذيه