النتائج 1 إلى 14 من 14
  1. #1
    تاريخ التسجيل
    Apr 2012
    المشاركات
    2,498

    افتراضي سارق وبعثي يصبح رئيس لجنة النززاهة في مجلس النواب ...من هو؟؟

    اليوم جمعة وثواب من واحد يفضح الفاسدين من مهرب للنفط ،الى رئيس لجنة النزاهة البرلمانية !! انه صباح حيانية ....شيخ معمم صباح الساعدي ...
    كان يبيع طحين وبهارات و دهن جامد بالحيانية بزمن صدام ،واليوم يملك اكبر مكاتب الصيرفة وعقارات تجارية مع 13 بيت "ملك صرف" له في بغداد والبصرة (أكيد من عرق جبينه) !!
    راسب بالسادس الإعدادي ،لكن بقدرة "عفلق" دخل الى كلية التربية الرياضية بواسطة من أخيه "خزعل جلوب الساعدي" والذي كان صديقا حميما لعضو شعبة حزب البعث في البصرة "الرفيق علي حسين جباره"
    بعد السقوط انتمى صباح چلوب الى حزب الفضيلة ،وكان اختصاصه تهريب النفط من البصرة الى السوق السوداء ،وحصل على ملايين الدولارات خلال فترة وجيزة ، و لأنه تربية عفلق ،لذا عرف كيف يُشغل الاعلام والأحزاب عن سرقاته ،ويذهب بهم بعيدا الى حيث تشتهي أنفسهم ! وذلك حين اختار الساعدي ان يتصدى للمالكي (العدو اللدود حينها لكافة الأحزاب الدينية والعلمانية والقومية ودول الجوار) نجحت خطة "ابن چلوب" وأصبحت كل وسائل الاعلام والأقلام المأجورة تركض خلفه و ترفع من شأنه ،بدلا من محاسبته على تهريبه للنفط !
    وأخيرا أتى دور مقتدى ليحتضن هذا الفاسد ، ونجح بإدخاله الى البرلمان من جديد ، واليوم تم انتخابه رئيسا لهيئة النزاهة البرلمانية !
    لمن تشتكي حبة القمح اذا القاضي دجاجة !



    منقول

  2. #2
    تاريخ التسجيل
    Feb 2006
    الدولة
    العراق بين الأرض والسماء
    المشاركات
    2,068

    افتراضي

    أي أخوي تيل منقول ما منقول صحيح أحنا بس نكدر عل الفقير الما عنده أحد ويمكن الله سبحانه وتعالى هو من جعلها هكذا لأنه الصادق العليم:
    واللَّهُ فَضَّلَ بَعْضَكُمْ على بَعْضٍ فِي الرِّزْقِ فَمَا الَّذِينَ فُضِّلُوا بِرَادِّي رِزْقِهِمْ على مَا مَلَكَتْ أَيْمَانُهُمْ فَهُمْ فِيهِ سَوَاءٌ أَفَبِنِعْمَةِ اللَّهِ يَجْحَدُونَ
    والقرآن صادق , ربما يفسر البعض أن سبب نزولها في قوم عيسى إذ أنزل الله لهم مائدة من السماء ...

    على أية حال الفوارق والخروق وما غير معتاد عليه أو ما هو ليس قانوني موجود في كل مكان فهناك التحابي , ولأضرب لك مثال بسيط ربما أخرج عن موضوعك قليلا كنت ذات مرة أريد أشتري بيت وأعطيت صاحبه سعر طك لم يبيعني البيت صاحبه لماذا ؟ من بعدها سمعت أنه قال عني : شخص مثل هذا ( كان يدفع عربانه بزمن صدام أبيعه بيت! ) والظاهر يعرفني ولا أعرفه فيستكثر أنظر مدى الحقد لدى بعض الناس وتكول اليوم جمعة والصلاة والسلام على محمد وعلى آل محمد والله مرات أكول لو الله شما يسوي بينا قليل لأنه أحنا ما خوش أوادم نعرف الحق ونتجنبه ويمكن هذا صباح الساعدي أفضل من غيره بكثير أنا هسه عرفت من كلامك المنقول ( رفيق ) أو تربية عفلق نص ردان ...
    أخي والله هؤلاء الذين كانوا مستفادين قبل هم أنفسهم الآن ( لأنه متعودين على كل الدروب ) خما مثلي ومثلك ما عندنا غير النت ونريد نصلح أو نبحث في قول جميل وتاركين المطامع والمطامح . أنا الآن أدرس طلاب في الفيسبوك كروب لغة وترجمة شمحصل منهم ؟ لو كل واحد يعطيني ألف بالشهر كان أغتنيت لكن نكول لله وما كو أحسن من الله
    نتذابح مرات هنا بيناتنا على ( كلمة ) والجماعة بنعيم ولا دايرين لنا بال ولا مهتمين يغرك بالقير يموت بالكطيعة منو منهم شايل هم الشعب المسكين ..
    معاملة مال تقاعد وصارلي أربع سنين وبعدني ما مستلم مكافأة نهاية الخدمة وهم كل يوم يضعون بجيوبهم بكدها وأكثر
    سلام عليكم


  3. #3
    تاريخ التسجيل
    Apr 2006
    المشاركات
    4,197

    افتراضي

    -على أية حال الفوارق والخروق وما غير معتاد عليه
    أو ما هو ليس قانوني موجود في كل مكان !!!!!!!!!,
    ولأضرب لك مثال بسيط
    ربما
    أخرج عن موضوعك قليلا
    -كنت
    أريد
    وأعطيت صاحبه سعر طك لم يبيعني البيت صاحبه لماذا ؟ ....الخ
    ويمكن هذا صباح الساعدي أفضل من غيره بكثير
    أنا هسه عرفت من كلامك المنقول ( رفيق ) أو تربية عفلق نص ردان ...
    - أنا الآن أدرس طلاب في الفيسبوك كروب لغة وترجمة!!!!!!!!!!!!!!!
    -معاملة مال تقاعد وصارلي أربع سنين
    -وبعدني ما مستلم مكافأة نهاية الخدمة







    الله محيك اخ محمد كلامك على راسي شكرا خلصتني من الفضايح
    وغيرت الموضوع كالعادة
    وصار كله عليك

    ممنون حيل وشكرا على

    ويمكن هذا صباح الساعدي أفضل من غيره بكثير
    دائما تقوم بالواجب




    Hyak




    الحرب السعودية العراقية ( 1798-2018 ميلادية)!
    ايها العراقي ,ايها الانسان اعرف عدوك
    http://www.iraqcenter.net/vb/showthread.php?t=86647

    تقسيم العراق وسوريا وداعش والبعث وحرب القادسية!
    الدور السعودي في تدمير العراق وسوريا والتمهيد للتقسيم

    http://www.iraqcenter.net/vb/showthread.php?t=86036

    مؤسسة العين للرعاية الاجتماعية
    http://www.iraqcenter.net/vb/showthread.php?t=88392


  4. #4
    تاريخ التسجيل
    Apr 2012
    المشاركات
    2,498

    افتراضي

    اقتباس المشاركة الأصلية كتبت بواسطة محمد الربيعى مشاهدة المشاركة
    أي أخوي تيل منقول ما منقول صحيح أحنا بس نكدر عل الفقير الما عنده أحد ويمكن الله سبحانه وتعالى هو من جعلها هكذا لأنه الصادق العليم:
    واللَّهُ فَضَّلَ بَعْضَكُمْ على بَعْضٍ فِي الرِّزْقِ فَمَا الَّذِينَ فُضِّلُوا بِرَادِّي رِزْقِهِمْ على مَا مَلَكَتْ أَيْمَانُهُمْ فَهُمْ فِيهِ سَوَاءٌ أَفَبِنِعْمَةِ اللَّهِ يَجْحَدُونَ
    والقرآن صادق , ربما يفسر البعض أن سبب نزولها في قوم عيسى إذ أنزل الله لهم مائدة من السماء ...

    على أية حال الفوارق والخروق وما غير معتاد عليه أو ما هو ليس قانوني موجود في كل مكان فهناك التحابي , ولأضرب لك مثال بسيط ربما أخرج عن موضوعك قليلا كنت ذات مرة أريد أشتري بيت وأعطيت صاحبه سعر طك لم يبيعني البيت صاحبه لماذا ؟ من بعدها سمعت أنه قال عني : شخص مثل هذا ( كان يدفع عربانه بزمن صدام أبيعه بيت! ) والظاهر يعرفني ولا أعرفه فيستكثر أنظر مدى الحقد لدى بعض الناس وتكول اليوم جمعة والصلاة والسلام على محمد وعلى آل محمد والله مرات أكول لو الله شما يسوي بينا قليل لأنه أحنا ما خوش أوادم نعرف الحق ونتجنبه ويمكن هذا صباح الساعدي أفضل من غيره بكثير أنا هسه عرفت من كلامك المنقول ( رفيق ) أو تربية عفلق نص ردان ...
    أخي والله هؤلاء الذين كانوا مستفادين قبل هم أنفسهم الآن ( لأنه متعودين على كل الدروب ) خما مثلي ومثلك ما عندنا غير النت ونريد نصلح أو نبحث في قول جميل وتاركين المطامع والمطامح . أنا الآن أدرس طلاب في الفيسبوك كروب لغة وترجمة شمحصل منهم ؟ لو كل واحد يعطيني ألف بالشهر كان أغتنيت لكن نكول لله وما كو أحسن من الله
    نتذابح مرات هنا بيناتنا على ( كلمة ) والجماعة بنعيم ولا دايرين لنا بال ولا مهتمين يغرك بالقير يموت بالكطيعة منو منهم شايل هم الشعب المسكين ..
    معاملة مال تقاعد وصارلي أربع سنين وبعدني ما مستلم مكافأة نهاية الخدمة وهم كل يوم يضعون بجيوبهم بكدها وأكثر
    سلام عليكم

    حبيبي استاد محمد انت هالايام اكو شي بعقلك كلش متغير واي شي احنه نحجي بيه لازم تطلع مشيتيخه على كولة اهل الجنوب حبيبي اهل الدار ادرى بشعابها اول شي احنه هذا الزلمة نعرفة حتى لو منقول الكلام معناها نحن نؤيد ماذكره الكاتب مو خايفين من احد واذا تريد اصور الك بيت صباح عدنه من جان كاعد بالحيانية وهسة عنده قصر مثل قصر الزهور اذا شايفه منطقة الجمعيات ابراج عاجية ومسيطر على نص المنصور واليرموك ابغداد وحتى جامع الرحمن اللي بناه اصديم اغتصبه وصار ملك طابو في شارع الأميرات الراقي الذي يمر في حي المنصور وسط بغداد، يقع جامع الرحمن الذي بدأ العمل به نهاية التسعينات حيث كان يخطط لجعله من أبرز الصروح المعمارية في العاصمة العراقية، وتحول اليوم بيت لصباح الساعدي وجماعته هي هاي كاف تخليه سارق مو رئيس نزاهه

  5. #5
    تاريخ التسجيل
    Feb 2006
    الدولة
    العراق بين الأرض والسماء
    المشاركات
    2,068

    افتراضي

    اقتباس المشاركة الأصلية كتبت بواسطة مروان مشاهدة المشاركة






    الله محيك اخ محمد كلامك على راسي شكرا خلصتني من الفضايح
    وغيرت الموضوع كالعادة
    وصار كله عليك

    ممنون حيل وشكرا على



    دائما تقوم بالواجب




    Hyak
    عيَّب عيَّب شما بدالك : عبارتي قبل يوم أو يومين ترى ما مضى عليها زمن طويل (أخوي الغالي مروان )
    راحت بلاش ما تقدر ولا عندك تقدير أبد للأسف أضرب بسامير وإشارات وعلامات تعجب , ترى ماني دايرلك بال ولا أرد بنفس الرد وردك السابق أيضا كان فيه كلمة تشبه راعيها ( تعرفها ما يحتاج ) !
    بلكت الله يزيد أذنوبك

  6. #6
    تاريخ التسجيل
    Feb 2006
    الدولة
    العراق بين الأرض والسماء
    المشاركات
    2,068

    افتراضي

    أما عقلي والله كلشي ما بيه وأحمد الله على العافية لكن أنا أريد أفعال وليس أقوال : الرجل من أنتخبه ووصله هل شعب الأمريكي أنتخبه لو منطقته ؟ لما تعرفون هذا بعثي وذاك بعثي لويش مخلينهم أو لويش أنتخبتوهم ؟ وكم سنة صارله الشخص المذكور وعشرات غيره ما داعي أنعدد معروفين سواء بهذا الشط لو بذاك الشط

  7. #7
    تاريخ التسجيل
    Feb 2006
    الدولة
    العراق بين الأرض والسماء
    المشاركات
    2,068

    افتراضي

    اريد واحد يجاوبني بصراحة ويكول نكدر لو ما نكدر ؟
    مو صارلنا أسنين ونردد ونكول ذاك بعثي أو ولائه للبعث أو فلان كتلة احتضنت البعثيين أو قربت فلان والتقت به بفلان مكان والتالي القوانين المجحفة ما توكع غير برأس الفقير لو نتكلم ويكون لكلامنا أهمية لو نترك أحسن
    منو يصعد فلان أبن فلان من السماوة أو من البصرة وهي كارهة للبعث وفكر البعث أشلون يصعد شخص ما إذا ما أكو له مؤيدين ؟ هسه كلنا بالغربية وبالموصل يمكن الأمر مختلف ما صارلنا 15 سنة على هل الرنة

  8. #8
    تاريخ التسجيل
    Apr 2006
    المشاركات
    4,197

    افتراضي


    الرجل من أنتخبه ووصله هل شعب الأمريكي أنتخبه لو منطقته ؟ لم
    ا تعرفون هذا بعثي وذاك بعثي لويش مخلينهم أو لويش أنتخبتوهم ؟

    صباح الساعدي :
    (عفية والف عفية اكرر الشكر لمثلك وامثالك اخويا محمد ,
    شتت الموضوع وخلي اللوم عل الناس مو عل الظالم والحرامي ,
    خليها براس الناس كلها حتى تضيع السالفة ,
    وخلي الناس تبطل تنتقد وتفضح السرسرية مثلي ,,
    اشكد محتاجين مثل جنابك المشيتيخي,
    خاصة لما تتفيك وتكول انا قلمي ويا المظلوم
    اريدك انشط اخويا
    خليها ظلمة عليهم ولوم الناس وسويها دخانية ,
    المهم ينسون السرسرية والهتلية من امثالي ,
    وظل عاند مثل الك.....
    المهم كلمتك فوكهم ودوخهم بالتقاعد وطكت مفخخة براس الشارع
    وضربوني هاون , ومكافأة مامستلم وتقاعد ضاع وادرس انكليزي بالفيس ...الخ
    دوخهم ,
    المهم ينسوني ويبطلون اي نقد ,
    وينسون ويبطلون يحجون علينا حتى نبقى نخمط والناس ساكتة
    عفية ...
    اريدك انشط )









    الحرب السعودية العراقية ( 1798-2018 ميلادية)!
    ايها العراقي ,ايها الانسان اعرف عدوك
    http://www.iraqcenter.net/vb/showthread.php?t=86647

    تقسيم العراق وسوريا وداعش والبعث وحرب القادسية!
    الدور السعودي في تدمير العراق وسوريا والتمهيد للتقسيم

    http://www.iraqcenter.net/vb/showthread.php?t=86036

    مؤسسة العين للرعاية الاجتماعية
    http://www.iraqcenter.net/vb/showthread.php?t=88392


  9. #9
    تاريخ التسجيل
    Feb 2006
    الدولة
    العراق بين الأرض والسماء
    المشاركات
    2,068

    افتراضي

    والله الشي الصحيح تعرفونه لكن تتجنوبه لأنه تعرفون السبب يمكن في الأحزاب والأحزاب لم تخرج من الهواء بل من الشارع. أعرفكم زين ولمحت لها من تصير عل المحك تميلون عن ( السالفة ) صرت أنا شتت الموضوع في الرد الأول يمكن كانت ملاطفة أما في الثاني الضرب عل البسمار من وين لو ما الشعب يجيبهم هل بالفرض ؟
    ولو أرجع لمواضيعي ما داعي أنا من وضحها بالخط العريض : كل العواج وكل ما هو غير اعتيادي = نتيجة المحاصصة التي اقتنتع الكثيرون بها : أبسط دليل يقال لماذا الكتلة الأصغر أو الطائفة الأصغر , فلو كان في تلك الطائفة رجل يخدم البلد وناصح ومستقيم لماذا لا نضعه في المسئولية لا ما يصير هذا ( سني ) أو ليس من الحزب أو الكتلة الشيعية الفلانية بعينها .. هذه هي المحاصصة الحزبية ( في الطائفة الواحدة )
    ويبقى البلد يأن هل راح نخلص منها ؟ لا والله ما نخلص لكن أيضا السبب أولا من الشعب
    يقولون لا تجربون المجرب ويرجعون يجربونه مرة أخرى.
    لو كانت رقابة برلمانية صارمة ( في أي بلد متقدم هنالك جهاز رقابي ) لكن في العراق معطل يحاسب الوزير كما يحاسب ( الفراش أو العامل البسيط )
    فهل بقت على صباح الساعدي وهل من سبقة من التيارالصدري ( لا داعي ذكر الأسم ) كان أفضل منه ؟.. على الأقل يمكن أفضل من ( مشعان الجبوري ) لأنه كان مرشحا لمنصب ( لجنة النزاهة )
    وأخيرا متى كانت النزاهة نزيهة هل أجلب عشرات الفيديوات عنها ؟
    تحياتي لكم يا طيبين !
    يمعودين أحنا نحلم ( نايمين ورجلينا بالشمس ) أمس ترامب بقاعدة الأسد الجوية يمكن ولا أبلغ الحكومة ولم تعلم به إلا من الأخبار حالها حال المواطن
    ما أدري كل الناس يقولون هكذا


  10. #10
    تاريخ التسجيل
    Apr 2006
    المشاركات
    4,197

    افتراضي




    صباح الساعدي مخاطبا محمد الربيعي وامثاله
    (عفية اريدك انشط وصلتها لقاعدة الاسد وترامب بعد وين اكو خرط اقوى من ها الخرط,
    استمر يا ابو القلم الوطني ,
    استمر بالتشتيت والخذرفة,
    اشلون اجازيك ما ادري ,
    سويتها دخانية ووصلتها لترامب ,
    والعالم نست من هو صباح الساعدي ,
    اريدك دائما هيجي وعلى انشط مولانا )



    ......
    كلفت حملة صباح الساعدي حوالي 5 ملايين دولار تم دفعها نقدا من قبل عميل سعودي واستطاع الدجال صباح من الدخول في تيار مقتدى بعد اقناعه بان غاية صباح الساعدي هي تسقيط المالكي ودولة القانون فضمه مقتدى بلا شروط وصار من جماعته,
    وكان عراب دخوله تحت جناح مقتدى هو الحرامي قاسم الميالي (عضو الهيئة الاقتصادية لتيار مقتدى) وكان يحثه على منصب لجنة النزاهة في مجلس النواب في الدورات السابقة ,
    قاسم الميالي بالمناسبة خمط ملايين الدولارات من خلال عقود مع وزارة المالية ثم هرب الى لبنان بالفلوس وتمت تسوية القضية بقوة تيار مقتدى وكأن شيئا لم يكن , يعني مقتدى ابو عمامة تستر على الميالي بعد ان ورقه الميالي من لبنان وعصفور كفل زرزور واثنينهم طيارة...
    طبعا هناك وثائق وصور وبيانات وشهود وشهود عيان في الدجال صباح الساعدي ,
    ولكن للاسف ماهي الفائدة من نشرها وعرضها
    بوجود مهرج يكمز يمين ويسار ويشتت الموضوع
    ويوصلها لقاعدة الاسد وترامب ويسمي نفسه بالقلم الوطني ,
    حسافة ....)))

    نكرر الرجاء البقاء بالموضوع وعدم تشتيته بسوالف العجايز الخرفانات









    الحرب السعودية العراقية ( 1798-2018 ميلادية)!
    ايها العراقي ,ايها الانسان اعرف عدوك
    http://www.iraqcenter.net/vb/showthread.php?t=86647

    تقسيم العراق وسوريا وداعش والبعث وحرب القادسية!
    الدور السعودي في تدمير العراق وسوريا والتمهيد للتقسيم

    http://www.iraqcenter.net/vb/showthread.php?t=86036

    مؤسسة العين للرعاية الاجتماعية
    http://www.iraqcenter.net/vb/showthread.php?t=88392


  11. #11
    تاريخ التسجيل
    Feb 2006
    الدولة
    العراق بين الأرض والسماء
    المشاركات
    2,068

    افتراضي

    وليش ما واحد يطلع عينه هيج ؟؟؟
    أنا أبو العجائز لو أنت أنا كلام فعل ما خربطات

  12. #12
    تاريخ التسجيل
    Apr 2012
    المشاركات
    2,498

    افتراضي

    فهمنا اللعبة .... الطائفية تنسب لنا لاننا اغلبية ومستكثرين الربع ان يكون من عدنه وزير لو مدير....المالكي عدم صدامهم شكو واحد يكره المالكي يحبوه الحكومة زمن صدام اخرطي ولعبو بيها فرق التفتيش شاطي باطي وعدهم صدام فخر العروبة لان من مناطقهم وهسة ترامب اجه لقاعدة امريكية بالعراق سووها سوده وظلمه مو حبا بالوطن ولا وطنية بس عود الشيعة مايعرفون يحكمون ومثل مايشطح البعض ويرح منا ومنا عندي سؤال بيه حكمة اريد جواب
    ملاعين السلفة اللي ساعدو داعش مافكرتو ليش ماراحو لتحرير فسلطين اذا همه دولة اسلامية
    السؤال الثاني عليك الزرقاوي وبن لادن مافرحتو اول مادخلو الدواعش ورحتو تبوسون بلحاهم وكل واحد سواله لحية وكصر دشداشته
    اي همه هم دكو الدكة الناقصة بيكم مثل صدام موعدم قرايبه وعمامه وحماياته ووزراؤه

  13. #13
    تاريخ التسجيل
    Feb 2006
    الدولة
    العراق بين الأرض والسماء
    المشاركات
    2,068

    افتراضي

    أخي ليش تزعل أحنا دا نتاقش نقاش هاديء وترى ما حاطين بجيبنا شي لا من هذا ولا ذاك
    أنعل أبو كلمن ما شريف ويزاغل
    أحنا ما قصدنا على الشعب : الشعب هو هو ماكو تفرقة ولا طائفية وأنعل والديه كلمن يكول أكو طائفية بالعراق
    المشكلة وين أخي : الحكومة عاجزة عن محاسبة المقصر أنا أريد قانون وزير شيعي أو سني يخون يتحاسب لو مهما كان حتى يسلم العراق وألا شلون يسلم لو كان سارق أو مختلس أو مثل شغلة الموصل والسقوط ما شفناهم حاسبوا أحد ولا كالوله ليش يطلع يغرد شوية بالتلفاز وتسكت السالفة ... وين المحاسبة ..
    أما ترامب يجي انا فعلا أسكتتني كلمة مروان يقول يخاف من العراقيين والله ونعم , لكن والله ما نقلبها ليش أحنا ما مواطنين بهذا البلد لو بس لفلان وفلان .
    كلنا أبناء لهذا الوطن لست شامت فلو شمتُ إذن أنا ( عار ) لكن ما نقبلها والمفروض يطلع نائب برلماني لو واحد ويدين هذا الشيء لكن أخي جماعة البرلمان لا غيرة ولا غرغرة
    زين هذا ( صباح الساعدي ) أقسم بالله العلي العظيم أنا كنت أتصوره شريف ونزيه ولو ما كتابة مروان ما كنت عرفت , تقول أهل مكة أدرى بشعابها هذا صحيح
    لكن ليش ما يتحاسب ويطرد مثل هذا أو غيره ؟ هنا مربط الفرس ؟
    وأرجو المعذرة لو كانت مداخلاتي أزعجتكم
    ورحتو تبوسون بلحاهم وكل واحد سواله لحية وكصر دشداشته ( والله ويخسى شاربه لباس لحية ) تذكرني من تكاونت وياهم وهربت من حي الوحدة وأيدي مكبلات بالحديد تريد تذكرني ( تيل ) أنت شتعرف وعشرة ألتموا علي وأنا شايب حسافة كون شباب يول أركبتي ( رقبتي) كان راحت شتعرف أنت
    والله ترجيت بالجيش رجا لما وصلنا وعشر مرات أصل للعسكر (قبل ما أتصوب) وأكولهم بس أخذوني وياكم وما خلوني كالوا أحنا نكفي أيه الله يعلم شلون مرت أيام بس الله يدري بيها والولد من سامعين بالخبر كل واحد شايله سكين ويدور على داعشي حتى يمرده وكنت متوقع زين بهذا الشي وخفت على ولدي وسلمت نفسي للجلادين للموت والله أنجاني وله الشكر . ل
    ا تخبطها كلها سوى أصابعك ما واحد
    في أمان الله

  14. #14
    تاريخ التسجيل
    Apr 2012
    المشاركات
    2,498

    افتراضي

    اقتباس المشاركة الأصلية كتبت بواسطة محمد الربيعى مشاهدة المشاركة
    أخي ليش تزعل أحنا دا نتاقش نقاش هاديء وترى ما حاطين بجيبنا شي لا من هذا ولا ذاك

    وأرجو المعذرة لو كانت مداخلاتي أزعجتكم
    ورحتو تبوسون بلحاهم وكل واحد سواله لحية وكصر دشداشته ( والله ويخسى شاربه لباس لحية ) تذكرني من تكاونت وياهم وهربت من حي الوحدة وأيدي مكبلات بالحديد تريد تذكرني ( تيل ) أنت شتعرف وعشرة ألتموا علي وأنا شايب حسافة كون شباب يول أركبتي ( رقبتي) كان راحت شتعرف أنت
    والله ترجيت بالجيش رجا لما وصلنا وعشر مرات أصل للعسكر (قبل ما أتصوب) وأكولهم بس أخذوني وياكم وما خلوني كالوا أحنا نكفي أيه الله يعلم شلون مرت أيام بس الله يدري بيها والولد من سامعين بالخبر كل واحد شايله سكين ويدور على داعشي حتى يمرده وكنت متوقع زين بهذا الشي وخفت على ولدي وسلمت نفسي للجلادين للموت والله أنجاني وله الشكر . ل
    ا تخبطها كلها سوى أصابعك ما واحد
    في أمان الله

    اصلا احنه ردودنه كلها طيبة واخوة وتسامح وافعالنه يمكن اكثر من اقولنه لان بالبيت الواحد متلون ومسولفين بهالشي والكل يعيش متحابين مانقصد طائفة او مذهب بس المشكلة مناطقية ونعاني منها اهل الجنوب من زمان ولازلنا نحن اكثر الناس نقدا للفاسدين مهما كانت طائفتهم او حزبهم ولانستدرج الى التناحر ولكن احيانا نفاجأ بتمادي واستهانة والى متى حتى رد مانكدر نرد عل الاتهام الخاطيء بعدين حتى من نحجي عل الفاسدين اللي نعرفهم وانه شخصيا ادري بالمنتدى اكو متابعين من الفضيلة والدعوة والمجلس والحكمة والجعفري وسائرات وسائرون وكلامنا لهؤلاء عسى وان يصححو مساراتهم يجي واحد لايمه لاكرباه لايعرف بيهم ويدافع وعبالك عنده دليل شيسموه هذا؟؟؟ ومن تحجي تطلع انت تهمش وتلغي وتعادي اخي انت رجال فاهم وكبير راجع تعليقاتك الاخيرة وكأنك كنت معنا والان خارج الحدود شحده مابده مو احنه من اول يوم بالمنتدى نكره الدواعش والبعثيين الصدامين هسة صرنه حزب الدعوة العميل دعوجية واحنه اول مانقد المحسوبين عل الدعوة صح لو كذب !!!الله المسامح واحنه عبيده بس الله الجبار المنتقم على كل ظالم من صدام الى كلمن يحن اله بقلبه ولسانه غير شكل ولااقصدك طبعا حتى لاترد وتقول انا مسجون ومتعذب زمن صدام ومو بس انتم لا اقصد الصداميين فقط

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
 
شبكة المحسن عليه السلام لخدمات التصميم   شبكة حنة الحسين عليه السلام للانتاج الفني