يقولون حكومة تصريف أعمال ولا ندري ربما تصريف أقوال ؟
حقا مرات المواطن من حقه يشكو ويتألم رغم ما مر َّ بنا من محن كثيرة أجتزناها كفترة داعش المظلمة
لكن لو نأتي ونسأل سؤال بسيط فنقول ما الذي أستفاده المواطن العراقي بشكل عام فلم تصدر لحد الآن أية تخفيضات بحق أي خدمات ( كلها بفلوس ) وأغلب حال المواطنين يمكن أجار أو قوت يوم بيوم , يعني لو نحسبها بشكل منصف لوصلنا لنتيجة 70 بالمائة من الشعب العراقي هالك دون الوسط أو بالكاد مدبر حاله = النتيجة المعاشية سيئة لأنه لو حدث له حادث طاريء كأن يدخل أبن له أو زوجة له المستشفى لصعب عليه الأمر ويمكن يبيع أغراض بيته أو سيارته = حال ليس جيد عموما فشنو الأمل من دولة تصرف مليارات وشعبها هالك ؟
لا خدمات صحية مجانية ولا رعاية طبية ولا أي من هذا القبيل والأجور وعيادات الأطباء والمستشفيات الخصوصية غالية جدا لأنه في المشافي الحكومية كما لو تذهب إلى مقبرة ويضعونك في لحد وأنت لاتزال حي
صحيح ننقد أحيانا المواطن نفسه فيما لو سعى بأي شكل من الأشكال في إثارة الفوضى

لكن كأبسط مثال اجور ماء وكهرباء خلي يسووها بلاش ما تصير ولنقل حصلنا هذه من الدولة

أجور ماء شهري 15 ألف ؟؟ وقبل داعش كانت ألف - ألفين دينار شنو الصار ؟
والموصل لحد الآن غير متعافية ولم تُسْتصْلح المشاريع المائية والخدمات بشكل عام إلا في العام الماضي والبعض منها تم تحسينه قبل شهر والبعض لا يزال لم تُجرى له صيانة بعد , فعلى يا أساس 15- 20 ألف أجور ماء شهرية ؟
دائرة ماء ومجاري الموصل الآن في مكانها القديم في الدواسة وما شاء الله عامرة بناية أرقى بناية وموظفين دي لوكس وميوزه وتبريد مركزي ولفط أفلوس من العالم بجرة قلم يخليك تبيع الدشداشة بباب الدائرة حتى تسدد وهم يطلع عليك ديون من وكت داعش 200 ألف و300 ألف .
يريدون يطلعون أعمار المدينة براس المواطن والمواطن هلكان
وكذب ما يعمرون الموصل الأيمن
وحسب ما سمعت اليوم يريدون يبيعونها للمستثمرين
منهم هذوله المستثمرين روس شيشان أفغان ما ندري الخبر عند الله ولكم شويه دستحوا
على هذا الحال 20 سنة أنوب ما تتعمر الموصل ولا أحد ببالها
تعرفون ما عدنا غير هذا القلم وعسى واحد شريف أبن أوادم ينصح !!!
لأنه هيته ؟
ومن ترد عليهم أو على موظف الماء والمجاري وتقول له بزمن المالكي كنا ندفع يقول حيل ..
أي مرحوم الجد هو شوكت أجا داعش ما ب 2014 ؟ = ومن عدها سقطت المدينة
أنا ما شايف حتى لزمن داعش يأخذون مبالغ عن أجور الماء والمدينة ساقطة لا يا ملة كلاب يا أهل الماء والمجاري وعسى لا واحد تصير له شغلة يمهم
ومن الطرف الأخر تجد أبو التجاوز ( ساكن تجاوز ) لا يدفع أجور ماء ولا كهرباء لأنه ما عنده بيت مسجل بدائرة العقاري ويسحب كهرباء من أقرب بوري وماء من أقرب أنبوب واشكد ما يريد ...
يعني شلون ويه هل الدولة هو هيج ينراد مع العراق ؟؟ طز عليكم أي والله
دسوولكم مرة سالفة خير وأعطسولكم عطسة وحدة وأعفاء من الماء والكهرب هاي هم ما تكدرون عليها ؟؟
وحكومة تصريف أعمال للتالي يمكن تصريف أقوال لأنه كلام الأمريكي عليكم راس
لا تكولون شعب أمي وغشيم لكن الشعب أنضرب ألف بوري ومجبور يسكت
دولة فوضى عيب وعار شنيع أن تسمى دولة بالمفهوم العام
بيش فايدين الشعب ؟؟ دي يالله فهموني
سوولكم مرة سالفة خير
أما موضوع الكهرباء الكل عليها ديون ( يقولون مجمدة لحين ما تتشكل حكومة ) ويطلع عليك مبلغ مليونين ومليونين ونص والبائع ( بائع البيت ) يقول ما أدفع والحكومة نفسها لا تستلم لأنه ما عدهم قرار فلا هم أموتينها بنوب ولا يأخذونها ؟؟ زين هسه أشلون كهرباء ما يأخذون عن ( الديون القديمة ) لأنه محتمل بعد ما تسجل البيت بأسمك يبقى الدين وأنت مطالب بدفعه لكن مسألة مليونين ونص محد يدفعها لأنه ماكو هيج لخ ولا أكو هيج بزونه تلعب أشناو ووين من كثرة توفرها أشو بالساعة تنقطع عشرين مرة لو أجت والأعتماد طيلة السنوات الفائتة على المولدات الأهليه وذوله هم كفخ الأمبير صار بعشرة وثمانية ونص
شنو على ما تتشكل الحكومة لعد هاي البغداد ما حكومة ؟ لو شنو
والله خربطة بخربطة مثل ما سوق البقر !!
لعنة الله على والديكم والله يطيح حظكم يا أولو والله أنتم حسافة دولة وتتصورون انفسكم رجال دولة
روح لسايلوات استلام الحبوب ( حنطة أو شعير ) أبو المختبر لا يفحص ألا بخمس ورقات ولا محافط يحاسب ولا مدير زراعه والشغلة هاي قديمة لا اليوم ولا البارحه صارلها أسنين ... هذه المسألة قد لا تخصني فلست مزراع لكن ليش وين المحاسبة أطرد هيح موظف وألف موظف يجي بمكانه أو أنقله لغير مكان هاي هم ما تكدرون عليها يا خائبين بيش أنتم مدبريها ؟؟
والله كرهتمونا لهذا البلد
لكن العراق يبقى أكبر من شواربكم