النتائج 1 إلى 6 من 6
  1. #1
    تاريخ التسجيل
    Feb 2006
    الدولة
    العراق بين الأرض والسماء
    المشاركات
    2,460

    افتراضي في كل الدول المواطن مرتاح بالعراق لا , شوكت نصير أوادم وما نتملق ؟

    في كل الدول المواطن مرتاح بالعراق لا , شوكت نصير أوادم وما نتملق ؟

    ليش ما نتكلم عن الواقع الصميمي من سوء خدمات , من مراجعات للدوائر وتقصير في حق المواطن وأجحاف , من غبن في حق المواطن وين ما يروح , من ظلم واستهتار ...
    شنو الحكومة ملائكة طاهرين حتى ندافع عن فلان أو فلان مسئول بيهم والله فلان شنو براسه ريشه !
    كلهم نفس الخرى والبول
    لماذا تصفهم الناس بالحرامية والبواكين ... ليش ما نسمع ليش ما نشوف ..
    روح لأي موقع تواصل أجتماعي وقارن بين بلدك وبلدان العالم أي بلدان
    محملينا مانية على هذا الهواء والماء الذي نشربه ....
    تطلبهم مائة ألف ما تأخذهن لما ما تصرف بكدهن قاطات وتشبع مراجعات
    ومن أسوء أسوء الدوائر دوائر الموصل بس مال أكل ونوم

    ألا لعنة الله على كل السافلين والمنافقين لما مرات بس نجيب طاري فلان أو علان من هذه الرؤوس ينهض أحدهم ويتصدى ويصير شريف براسك (ابو الفسو )
    بس روح شوف أكو مواطن بالبلدان العربية ما الأجنبية يشكو مثل العراقيين
    لكن أنت لما تدافع عن واحد من هؤلاء أنت أيضا سافل مثلهم أو ضميرك خايس

    ما نطولها هنا واحد ضابط ما يقبل يقال عن الحكومة كلها حرامية ..
    شعب متعود عل النفاق ما يفيد


  2. #2
    تاريخ التسجيل
    Apr 2006
    المشاركات
    7,103

    افتراضي

    []كلهم نفس الخرى والبول

    الاناء بما فيه ينضح






    الحرب السعودية العراقية !
    ايها العراقي ,ايها الانسان اعرف عدوك
    http://www.iraqcenter.net/vb/showthread.php?t=86647

    تقسيم العراق وسوريا وداعش والبعث وحرب القادسية!
    الدور السعودي في تدمير العراق وسوريا والتمهيد للتقسيم والتطبيع

    http://www.iraqcenter.net/vb/showthread.php?t=86036




  3. #3
    تاريخ التسجيل
    Apr 2012
    المشاركات
    3,357

    افتراضي

    هو التغيير شلون يصير مني ومنك اخي يعني شلون دخلو الدواعش للموصل غير اهلها مشطو شعرهم بمشاط بناتهم !!! لاتزعل ... وحتى لاتزعل هم اكلك ... منين اجه جيش سائرون ورامي السكيني وحاكم الزاملي ... غير من المجتمع اللي انتخب هيج طهارة ... تسألني انه منو انتخبت راح اكولك فلان واتحدى اي انسان يؤشر عليه بمفسدة صحيح همه قلة اللي قدرو يواجهون الفساد بس لو خليت قلبت
    الروتين منو جابه .... انت وانه لو ابني لو ابنك لو اخوك لو اخوي احنه متمسكين بالاوراق والكتابة والاليات القديمة لان بيها خوش ربح
    منو الضابط نفس الشي مني ومنك
    قانون صدام بعده يشتغل
    والمالية بيد الاكراد
    والرئيس كردي
    والخدمات صدرية
    والحكومة غربية
    ورئيس وزراء شيوعي على بعثي على شبه اسلامجي فرنسي على عراقي منتفجي كرادي ملون وعادي شايب ومخرف
    شتريد من هذول يسوون دولة

  4. #4
    تاريخ التسجيل
    May 2006
    المشاركات
    666

    افتراضي

    من أكثر من أربعة عشر قرن الله سبحانه وتعالى قال ( إن الله لا يغير ما بقوم حتى يغيروا ما بأنفسهم )


    وضع سبحانة قاعدة وسنة في الحياة مثلها مثل قانون الجاذبية الذي يتحكم بكل الكون ، لا يتغير ولا يتبدل ،


    اذا كانت الشعوب يعشعش فيها الفساد والتخلف فلا تتوقع أن يحكمها حكاما صلحاء وحكماء بل من نفس جنسهم ، مثلما ورد في الحديث الشريف ( كما تكونوا يولى عليكم وكيفما تكونوا يولى عليكم )


    احكي لكم حادثة بسيطة في محتواها عظيمة في مدلولاتها حدثت لي ، أنا أعيش خارج العراق من حوالي ثلاثون سنة ، عدت بعد سقوط الصنم وراجعت دائرة الجوازات والجنسية للختم على الجواز ، شغلة متتجاوز خمس دقائق ، لكن الموظف كان له رأي آخر ، أخذ الجواز وفال لي انتظر ، بقيت أنتظر تحت اشعة الشمس ساعات وكلما اكلمه من الشباك يقول لي انتظر ، حتى نصحني احد المراجعين قال لي ادهن السير ومعاملتك تمشي قلت له مستحيل اقدم له رشوه على واجب هوه لازم يأديه ، فقال لي اذا هيج تره معاملتك راح تخيس ، المهم دخلت بمشاجرة مع الموظف ، فهو خرج من الغرفة واغلق الباب ولما استفسرت من بقية الموظفين قالوا لي هوه غادر تعال باجر ،


    سألت المراجعين اللي نصحوني انطيه رشوه حتى يخلص معاملتي أنتم مرتاحين لهذي الوضعية قالوا اي والله واكثر معاملاتنه نخلصها بدون وجع راس ننطيه فلوس وهوه يجيبها للبيت ،
    عندها علمت أن هذا الشعب سوف لن تقوم له قائمة وفي طريق الانحدار والسقوط


    فاذا أردت ان تعرف ثقافة شعب ، أحكم عليه من خلال احترامه للنظام ، لا يتجاوز على دور وحق الآخرين ،
    بالغرب شاهدتهم ينتظمون باللي نسميه السره من دون ما يطلب منهم أحد وكل واحد ينتظر دوره ،


    الدوائر تحترم مراجعيها ، طيلة سنوات عمري لم اشاهد موظف يطلب رشوه أو اكرامية على اداء عمله ،


    معظم معاملاتنه نقضيها بالتلفون ما يحتاج نوقف على الشبابيك مثل المجادية


    أجمل الاشياء التي رأيتها في الغرب ، ما عندهم تاج راس


    عدهم خط احمر وهو القانون يحترموه ويقدسوه ،


    اعتقد العراق يحتاج لمليون سنة حتى يعرف قيمة القانون والنظام


    ما تعرف أي قانون حاليا سائد بالعراق


    هل هو قانون العشائر أو قانون رجال الدين أو قانون الدفاتر والشدات أم قانون الاحزاب أم قانون الغابة حيث القوي ياكل الضعيف


    لا تزعلون مني لكن صدام والاحزاب التي اتت من بعده مسخت اخلاق المجتمع

  5. #5
    تاريخ التسجيل
    Feb 2006
    الدولة
    العراق بين الأرض والسماء
    المشاركات
    2,460

    افتراضي

    اقتباس المشاركة الأصلية كتبت بواسطة تيل كهرباء مشاهدة المشاركة
    هو التغيير شلون يصير مني ومنك اخي يعني شلون دخلو الدواعش للموصل غير اهلها مشطو شعرهم بمشاط بناتهم !!! لاتزعل ... وحتى لاتزعل هم اكلك ... منين اجه جيش سائرون ورامي السكيني وحاكم الزاملي ... غير من المجتمع اللي انتخب هيج طهارة ... تسألني انه منو انتخبت راح اكولك فلان واتحدى اي انسان يؤشر عليه بمفسدة صحيح همه قلة اللي قدرو يواجهون الفساد بس لو خليت قلبت
    الروتين منو جابه .... انت وانه لو ابني لو ابنك لو اخوك لو اخوي احنه متمسكين بالاوراق والكتابة والاليات القديمة لان بيها خوش ربح
    منو الضابط نفس الشي مني ومنك
    قانون صدام بعده يشتغل
    والمالية بيد الاكراد
    والرئيس كردي
    والخدمات صدرية
    والحكومة غربية
    ورئيس وزراء شيوعي على بعثي على شبه اسلامجي فرنسي على عراقي منتفجي كرادي ملون وعادي شايب ومخرف
    شتريد من هذول يسوون دولة
    يا أخي شنو داعش وشجاب موضوع داعش كان هم وأنزاح وبعد ما أله رجعه صحيح أحنا السنة تأذينا هواي لكن محد يحس بيها يوم أمس الأول فقط من منطقة القائم مضبطين 3 ألف و 400 أسم من مناطقهم ماخذيهم الدواعش لسوريا قبل التحرير أيام كانوا مسيطرين , ويناشدون المنظمات تجد عنهم خبر ..
    بالمشمش إذا وجدوا واحد منهم عدل , وفي الموصل أيضا بدأت تسأل الناس عن مفقوديها
    النتيجة كانوا صخمان وجه على أهل السنة ,
    أما تسألني وتقول أنتم جبتوهم أقول لك 90 بالمائه ( لا ) , ولا أنكر أن أبناء المناطق أنحرطت معهم
    ولكن أخي نتيجة طبيعية كان جيشنا ضعيف وحكومة ضعيفة وتحاصص , وأحزاب كل حزب يتصرف بكيفه
    أبو أمريكا الآن يقول إنسحابنا المبكر في 2011 هو من أدخل داعش ما أدري شنو هذا التلميح , يمكن دا يسمعون أكو أصوات تطالب بخروجهم نهائي والبرلمان راح يعقد جلسات بهذا الخصوص ولا أظن راح يكون إجماع على خروج المحتل
    شفت قسم من البرلمانيين بس سمعوا داعش أقترب من بغداد ب 2014 كلمن أحضر شنطته وركض على المطار , فقس على ذلك ناس بس مال رواتب وكشخات بمكان ما يفكر بلده تعرض لخطر يعوف البلد وكثيرون من هم على هذه الشاكلة ..
    ---
    راح أسألك أو أسأل غيرك وأريد يجيب بكل واقعية :
    هسه دعنا عن داعش ..
    هل يوجد إعمار جديد ؟ هل تتوقع بعد خمس سنوات راح يكون إعمار ؟
    هل من نية للقضاء على البطالة أو مجرد التفكير بها ؟
    أحسب متخرجين لعشر سنوات أو أكثر وسنة فوق سنة ولا فرص
    هل راح يسوون مصانع أو معامل ويشغلون العاطلين ؟
    هل توجد فرص صحيحة ومتكافئة في التعيينات ؟ إذا بغير مكان شبه موجود في الموصل لا وجود
    هل عمروا أو فكروا أو أعادوا بناء مشاريع خدمية ؟
    شنو الذي سووه خلال 15 سنة ؟
    فقط مكافحة الإرهاب قال الإرهاب وعمّل الإرهاب ولن ينتهي الإرهاب
    هل بنوا مستشفيات جديدة وهل الخدمات الصحية مرضية للناس ؟
    يوم أمس كنت أتابع موضوع : يهود العراق قبل ثورة عبد الكريم قاسم وقبل رحيلهم من العراق بنوا مستشفيات للأهالي مجانا في بغداد ( على حسابهم ) والله أستغربت ومشاريع خيرية أخرى
    ولأرجع لموضوع الدوائر ومراجعات الناس والظلم والجور بيها ونفس الأسطوانة ويجوز قسم من الأخوة يقول (المركه رجلين دجاج ) طبعا نتيجة الحصار خصوصا في بداية الأيام حتى قلم الرصاص كان ممنوع عل العراق , ومع ذلك الحصة التمونية كان بيها سبعة مواد وكانت مكدسة في البيوت وقسم من الناس تبيع منها وتشتري غير حاجة ,
    (المعنى كانت كثيرة )..
    بالله هذه هم ما مشكلة أكو ناس متمكنه لكن أيضا اكو ما يكدر يشتري كيلو لحم لعائلته
    لكن الآن وبشكل عام 30 بالمائة من الشعب العراقي تحت خط الفقر
    الموضوع الأهم :
    لا وزير يتابع طلبات الناس لا مسئول ولما يطلعون عل الناس عبالك محملين الناس مانية
    السبب :
    ( الرواتب صارت كثيرة وحمايات وقصور وبعد ما يتحاجون )
    مستحيل تكدر توصل عضو برلمان وتشتكي عن موضوع يخصك لا والله حتى المدير الفرعي أو مدير أمن أو مدير شرطة أو أي مدير ما تكدر توصل باب واحد منهم من كثرة الحراس أو ما 24 ساعة مشغول أو ما موجود ولا أحد يدير لك بال أما جدول لرئيس وزراء ( ساعة مع الناس ) = مجرد حلم
    وعدنا في الموصل المسألة مليون تعقيد معقدة أي معاملة لازم أمن وطني واستخبارات وروح أنتظر 4 أشهر هذا إذا ما طلع لك تشابه أسم وجو أعتقلوك أو تروح تراجع النفوس على مود تطلع بطاقة جنسية لأبنك ما تشوف ألا من السره طلعوك وأعتقلوك والله يعلم شكد راح تطب ويطلق سراحك أقسم يمين الله 80 بالمائة من الناس أبرياء يجوز دعاوي كيدية أو تشابه أسم وقبل كم يوم كانوا مخلين حاسبات في بعض السيطرات والتدقيق يطول ونتيجة لهذه الناس صارت ما تطلع والشوارع شويه خفت الحركة فيها .. طبعا هذه نتيجة داعش ولايزال أبناء المدينة يتحملون وزر داعش
    فهل هذه حياة .. صحيح أنا من الناس يجوز مرتاح الحمد لله محد يطلبني لا حكومة ولا غير حكومة وعندي تقاعد وعايش بيه لكن أكو ناس رزقها يوم بيوم وبرقبتها عوائل مضطر يطلع ... الآن لا يوجد شيء بما يخص السيطرات والمفارز الأمنية لكن تبقى الخطورة دائمة ويبقى الوضع الأمني حذر ...
    هل مثل أيام قبل لما كنا نشتغل سواق تاكسيات وتروح لأربيل الساعة 3 بالليل أو دهوك أو زاخو أو تجيك كروة لأقضية أو نواحي أو قرى وتروح مأمن وترجع مأمن هسه وين أكو هذه ... ؟؟
    أهم شيء الأمان , كانت تعطل سيارتك بمنطقة نائية وتنام محد يسألك منو
    هل ترجع هذه والله هسه لو تطلع 40 كم لو تسلب لو تقتل , لو تعتقل وتنذب بالسجن وتحقيق وأنت ما عندك أي ذنب
    رباط السالفة لو أتكلم 60 سنة ما يخلص الكلام ولا راح يخلص ولا أكو نتيجة
    مرات نتيجة ضوجة الخلق نكتب موضوع ونعرف زين لا أحد يقرأه ولا يهتم به
    إذا أنت بباب رئاسة الوزراء وتحدث لك مشكلة محد يسمعك هل المرة كاتبلك مقالة بموقع أو منتدى منو يسمع




  6. #6
    تاريخ التسجيل
    Feb 2006
    الدولة
    العراق بين الأرض والسماء
    المشاركات
    2,460

    افتراضي

    اقتباس المشاركة الأصلية كتبت بواسطة ali885 مشاهدة المشاركة

    عدت بعد سقوط الصنم وراجعت دائرة الجوازات والجنسية للختم على الجواز ، شغلة متتجاوز خمس دقائق ، لكن الموظف كان له رأي آخر ، أخذ الجواز وفال لي انتظر ، بقيت أنتظر تحت اشعة الشمس ساعات وكلما اكلمه من الشباك يقول لي انتظر ، حتى نصحني احد المراجعين قال لي ادهن السير ومعاملتك تمشي قلت له مستحيل اقدم له رشوه على واجب هوه لازم يأديه ، فقال لي اذا هيج تره معاملتك راح تخيس ، المهم دخلت بمشاجرة مع الموظف ، فهو خرج من الغرفة واغلق الباب ولما استفسرت من بقية الموظفين قالوا لي هوه غادر تعال باجر ،



    سألت المراجعين اللي نصحوني انطيه رشوه حتى يخلص معاملتي أنتم مرتاحين لهذي الوضعية قالوا اي والله واكثر معاملاتنه نخلصها بدون وجع راس ننطيه فلوس وهوه يجيبها للبيت ،
    عندها علمت أن هذا الشعب سوف لن تقوم له قائمة وفي طريق الانحدار والسقوط


    فاذا أردت ان تعرف ثقافة شعب ، أحكم عليه من خلال احترامه للنظام ، لا يتجاوز على دور وحق الآخرين ،
    بالغرب شاهدتهم ينتظمون باللي نسميه السره من دون ما يطلب منهم أحد وكل واحد ينتظر دوره ،


    الدوائر تحترم مراجعيها ، طيلة سنوات عمري لم اشاهد موظف يطلب رشوه أو اكرامية على اداء عمله ،


    معظم معاملاتنه نقضيها بالتلفون ما يحتاج نوقف على الشبابيك مثل المجادية


    أجمل الاشياء التي رأيتها في الغرب ، ما عندهم تاج راس


    عدهم خط احمر وهو القانون يحترموه ويقدسوه ،


    اعتقد العراق يحتاج لمليون سنة حتى يعرف قيمة القانون والنظام


    ما تعرف أي قانون حاليا سائد بالعراق


    هل هو قانون العشائر أو قانون رجال الدين أو قانون الدفاتر والشدات أم قانون الاحزاب أم قانون الغابة حيث القوي ياكل الضعيف


    لا تزعلون مني لكن صدام والاحزاب التي اتت من بعده مسخت اخلاق المجتمع
    كلامك واقعي أخ علي أنا هم مثلك يومية لو متعارك لو متلاغي مع موظفي التقاعد مال الموصل كانت الأضبارة في بغداد أشوية أرحم , لكن حولوا اضابيرنا للموصل ( احنا كنا محالين من بغداد زمن سيطرة داعش عل الموصل ) يعني من بغداد هوياتنا وتدري بوقت داعش كان كلشي متوقف , رواتب مدخرة ما أنطونا أياهن بوقتها , مكافئة ما أنطونا فقط بطرك الهوية والبطاقة ورجعنا لاهاليتنا . قبل سنة حولوا أضابيرنا للموصل وبقت معاملاتنا عل النص
    أبو الموصل تراجعه ما يسوي لك كلشي لو على حرف وانحس منهم ماكو ولما تريد منه شيء :
    يقول أنت طالع من بغداد أو أن المكافأة أو الفروقات صادر بيهن أمر صرف من بغداد أنا ما عليَّ
    (وكلهن بعد التحرير وحدة وحدة أراجع عليهن وتقريبا 8 مرات سافرت لبغداد وبعدها الشغلة ما خلصت )

    يابه زين يا أبو الموصل أعطيني كتاب خلي أروح أراجع ورقة ما يعطيك وذاك اليوم عركه على ما صورت ورقة فيها أمر أداري اضافة خدمة عسكرية وقاطعة مني بغداد 3 مليون و 400 ألف من المكافئة على مود 7 سنين و 5 أشهر أضافة خدمة عسكرية وعندي 40 سنة ما عدا العسكرية يعني بلياها طالع براتب كامل فقط تفيدني 1 % من الراتب عن كل سنة يعني 7 سنين أيضا يفيدني تقريبا 100 ألف ,
    رحت وسويتهن من بغداد قبل شهر وبخلال دقيقتين وأبو الموصل 6 أشهر أراجعه وكلشي ما سوى لي
    لكن الآن أطلب فروقات من تاريخ الأمر الإداري في تموز 2018 مال اضافة الخدمة أعلاه يعني استلمت فرق عن راتب واحد الذي هو أيلول 2019 أبو الموصل أراجعه أكله يابه أريد الفروقات أيضا يكلي روح راجع بغداد والأضبارة يمه فشنو الفائدة منهم ؟
    ألان أيضا محضر نفسي أروح اواجه رئيس الهيئة يوم الثلاثاء ( لكن يمكن منع تجوال غدا على مود 10 محرم )
    لأنه ماكو حل مثل المرة السابقة طبيت على وكيله لما كان رايح للحج والرجل رأسا حولني على مدير الرقابة والأخير همش على طلبي وعلى ضوئه جرت المعاملة ورديت للموصل فتصور !!!!!!!!!!!
    أبو بغداد كتب حرفين على العريضة ومشت وأبو الموصل مدير ومعاون وعشرات الموظفين وبلا فائدة
    أبو الموصل نرسلها لكم بورق أبيض لو مخطط ؟
    والله صحيح يهود لأنه كل الدوائر مواصلة قحية الله لا يسوينا منهم
    وفاضحهم بالفيسبوك وبكل مكان لكن لما أكتب عليهم بموقع فيسبوك نينوى الغد الموصلي ما ينشرون موضوعي ..
    الحمد لله الأيميل موجود وناس شرفاء موجودة ما تخلو من الطيبين والله أكثرها بالأيميل أجري معاملاتي
    وأمس أحد الطيبين دكتور صديق لي في بغداد ( ليس من أهل الموصل ولا علاقة له بالموصل ) كان بموقع مسئولية طالع منها الآن
    وراسلته من خلال الفيسبوك على شغلة , جاوبني وقال ولو طلعت من المسئولية لكن من أتمكن أساعدك وأنا أخبرك


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
 
شبكة المحسن عليه السلام لخدمات التصميم   شبكة حنة الحسين عليه السلام للانتاج الفني