النتائج 1 إلى 4 من 4
  1. #1
    تاريخ التسجيل
    Apr 2012
    المشاركات
    3,272

    افتراضي الموصل تنظم للتظاهرات اليوم .....

    أفاد مسؤول محلي في الموصل، الخميس، بأن اللواء 30 (حشد الشبك) قام بتفريق تظاهرة سلمية في مدينة الموصل.
    وقال المسؤول، الذي فضل عدم ذكر اسمه، لـ”كلكامش برس”، ان “مدينة الموصل في ناحية برطلة شهدت خروج تظاهرة سلمية نظمها شباب المدينة كتضامن مع شباب ساحة التحرير في بغداد، وبقية الساحات في المحافظات”.
    واضاف، أن “لواء الشبك المنضوي في الحشد الشعبي، قام بتفريق التظاهرة واحتجاز أحد المتظاهرين”، مؤكداً أن “التظاهرة كانت سلمية، وتضمنت إشعال الشموع لأرواح الشهداء المتظاهرين وحمل العلم العراقي،

  2. #2
    تاريخ التسجيل
    Feb 2006
    الدولة
    العراق بين الأرض والسماء
    المشاركات
    2,460

    افتراضي

    أحنا مثل ما يكول ذاك أبو المثل : تجيك التهايم وأنت نايم
    قسم من الشباب شافوها عيب كل المحافظات طلعت تظاهر فرادو بشيء قليل يعاضدوهم
    تعطيل دوام المدارس فقط صار يوم يومين فقط
    طلاب الإعدادية الشرقية تظاهروا داخل بناية المدرسة ساعة او ساعة ونصف ونقلها التلفاز
    أما عن مظاهرة اليوم لم أسمع بها
    بعدين منطقة برطلة أغلبيتها شبك ( خليط شبك + تركمان + عرب نسبتهم قليلة أكثرهم نازحين + مسيحيين طبعا )
    ما أدري أبو لواء 30 ليش يمنعهم لأنه تلك المناطق الغالبية شبك

  3. #3
    تاريخ التسجيل
    Feb 2006
    الدولة
    العراق بين الأرض والسماء
    المشاركات
    2,460

    افتراضي

    والله يا اخوي تيل وأعتقد أنت حاضر بالصفحة
    أحنا العراقيين كشعب صرنا مثل بلاع الموس
    المشكلة في السياسيين جميعا لا يقدرون مشاعر الشعب عموما
    وتورثوا الظلم من صدام
    وهذا حالنا من سيء إلى أسوء
    يعني أنا دا أفكر بيها المسألة من كل الجوانب
    أهل الأحزاب خايفيين على مناصبهم محد منهم طلع وأعتذر للشعب لا سني ولا شيعي عدا رئيس البرلمان زيارة قصيرة وما بيده شيء
    وقسم منهم يهور ويصيح على مود مصالحه ويريد يبقى مستفيد
    يعني جزما خصما ما بيهم واحد وطني من صحيح
    أحنا رأسا لو مندسين لو عملاء لو إرهابيين
    شوف الدول
    مع الأسف هذا حال العراق
    وفي كل الآحوال ما نكدر نتبرأ منه
    ولهذا العراق ما تتفع بيه غير الدكتاتورية
    أبو كردستان دولة وعلم مستقل ولا يوافق على أي أجراء إذا لم تكن له مصلحة
    شوف الريس وأشبع هم زين طلع اليوم وحجاله كم كلمة بيه بخت
    تالي كردي يصير ريس عل العراق
    من لعنة على أبو هذه المعادلة لأ أبو من أوجدها

  4. #4
    تاريخ التسجيل
    Apr 2012
    المشاركات
    3,272

    افتراضي

    مادام سلميين وماكو غايات خل يتظاهرون محد يعترض على اولاده بس المشكلة واالخوف على كولة المخبل مقتدى لانصير مثل اليمن وسوريا
    هم بدت سوريا شعارات ومدارس وانتهت مثل الموصل تفليش عل الاخر
    صحيح فساد ومسؤولين احتكرو السلطة منو يتقبل ناس تتحكم بيه
    بس دولة بامن بسيط احسن من دولة مابيها امن وفرهود ومكاتل
    اتظاهرو للشباب تظاهرو اذا بيها مطالب وتجيب نتيجة
    ورب ضارة نافعة

    مو هجمان بيوت

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
 
شبكة المحسن عليه السلام لخدمات التصميم   شبكة حنة الحسين عليه السلام للانتاج الفني