امس عبد الله عويز المقاول الحلاوي طلع بالتلفزيون يقول عتبي كل عتبي على سيد عمار رجال معمم وسيد شلون قبل لنفسة يخلي ماجد النصيراوي محافظ البصرة يبوك باسمه او هو متقاسم وياه ويستورد شيش تسليح لمجاري قضاء ابو الخصيب يعادل شيش تسليح من البصرة للاردن يسوي طريق سريع بيه ومخلي واحد نجفي اسمه قصي محبوبة اخذ كل مشاريع البصرة ونسبة توصل 30 بالمية من كل مشروع
وقال عمي بس اسعد العيداني ب6 اشهر اشتغل وسوا شغل مال 16 سنة
بس العجب كل العجب البوق الاعلامي مال سيد عمار النايم بالجادرية من قناة الفرات مسوي روحه معارضة وبرنامج شعبي يتساؤل بيه المقدم يقول خلصونه من 16 سنة من البوك ,,,, ادري منو البايك الشعب انه لو انت سيدنه الله يعلي مقامك ويكثر بنوكك وشركاتك بالداخل وبالخارج ولكم والله عيب تكتلون الشخص وتمشون بجنازته واحد يكعد اعوج ويحجي عدل مو بالعكس
ادري منو لازم الحكم اشو طوبة وبايدكم والملعب الكم والاهداف اثنينه مالاتكم وين ماتروح الطوبة تكولون والخاسر هو الشعب شنو هالكلاوات مثل الكربولي حاط دجلة ويحجون ويومية شعار واعلان وبيان وهمه رب الفساد
لو الشرقية والبزاز
ولو كلها صارت شرقية وبزاز ماكو تمييز بس هاي يخلون بيها دعاء لقشمرة الناس وذيج ركص ودك وطبل وعلى هالرنة طحينج ناعم
الله يطيح حظكم