لجلهم ضيعت من عمري انا سنين
وتعداني الوراي وكلت لا باس
ورهنت الهم عمر ..وخسرت مرتين
وعلى عمري صفيت آنه انطلب داس
التطشر ماي يا روحي شتلمين؟؟
طلع كاسج ورق وتشكك الكــــــــاس
اريد اليوم دمعي يطيح العين
ومن دكات كلبي يموت الاحســـــاس
واريد افزع مثل فزع المجانين
لان ماضل بعد للخوه مقيـــــــــــاس
واريد اليوم اكشفهه النياشين
واصيح بعالي صوتي وتسمع الناس
بعد ما ضل صديق ولا محبين
ولا منبع اصيل وغيرة واحســـــاس
ولا ذرة عدل بيها الموازين
اذا بالمال حتى الخوة تنقـــــــــــــاس
واذا كلمن عطش كال آنه الحسين
اذا كلمن يجيب الماي عبـــــــــــاس
القصيدة طويلة ولكني اخترت بعض الابيات .وسانشرها كاملة انشاء الله