ماذا أبقيتم لسمعتكم يامجلس .....

[محمد المشهدي]

من الملاحظ في الشارع العراقي في الفتره الأخيرة أن سمعة المجلس الاعلى أصبحت سيئة الصيت والشاهد هيه الأنتخابات الاخيرة التي كان يراهن المجلس عليها الكثير ولاكن الله يمهل ولايهمل جائت النتائج مخيبة للآمال نتيجة لتصرفاتهم الخبيثة أتجاه شعبهم ووطنهم حيث أنشغلوا بأنفسهم ومصالحهم الدنيئة وتناسوا قضيتهم الأساس ومافعل حماية عادل عبد المهدي بسطوهم على مصرف الزوية وقتلهم حراسه هوتبيان للسياسات الخاطئة لهذا المجلس الأعمى ونستنتج من هذا العمل المشين مدى وقاحتهم وظلمهم أما في حال أنكروا علاقتهم بلموضوع السؤال هنا هل أن القاتل والسارق يختبئ عند من يعنى بتطبيق القانون وكيف دخلت الأموال الى مقر جريدة العدالة يالها من مهزلة سوف تختم عاقبة المجلس أي عاقبة سؤ والعياذ بلله وأقول ماذا ايقيتم لسمعتكم غير الذل والهوان

[ابوعلي حسام]

ليش همه عندهم سمعه؟

[ابوهاشم]

محمد المشهدي

السلام عليكم

ممكن تطينا رايك بالاصلح للمرحلة القادمة ؟

[احمد14]

ليش همه عندهم سمعه؟

السلام عليكم ورحمة الله وبركاته :
عليك نفسك فتش عن معايبها

وهل هناك طرف في الحكومه له سمع... هـ , كلها طرشان ما تسمع , امخلين كطن باذانهم حتى ما يسمعون حجي الناس .

[احمد14]

محمد المشهدي

السلام عليكم

ممكن تطينا رايك بالاصلح للمرحلة القادمة ؟

السلام عليكم ورحمة الله وبركاته :

بالنسبه لي ولا واحد يصلح , حتى الصالح يتبدل بعدين
ليش
لان من عاشر قوما اربعين يوما ..........
زين اشلون يتعامل وياهم سنوات

احسن شي انسوي البلد عشاير وكفى الله المؤمنين شر القتال
احتمال احسن خلي انجرب , ما دام حياتنا كلها تجارب فاشله

[موج البحر]

حقيقة استغرب قناعة البعض وتقييمهم العجيب للامور .. لا ادري كيف يمكن جمع الصالح والطالح في اناء واحد ..
الاخ احمد اذا كنت لا تميز بين الشريف الوطني الذي يعمل لبناء بلده وازالة البؤس عن شعبه وبين من يجعل مصلحته الحزبية والشخصية فوق مصالح الناس فالمشكلة بك انت وليست بهذا الطرف الانتهازي او ذاك .

[صفاء الصباغ]

[quote=احمد14;201457]السلام عليكم ورحمة الله وبركاته :
عليك نفسك فتش عن معايبها

وهل هناك طرف في الحكومه له سمع... هـ , كلها طرشان ما تسمع , امخلين كطن باذانهم حتى ما يسمعون حجي الناس .

ليس الموضوع سمعة فقط بل سحقوا على مشاعر الناس واحاسيسهم وقربوا البعثية القذرين لتمشية مصالحهم لقد حولوا البعثي كاظم الشحل في سدة الهندية من رفيق الى حملدار لزيارة الامام الرضا (عليه السلام ) هذا الرفيق ركب على الدبابة واعتقل عدد كبيرمن الناس في عام 1991

[The Truth]

طبعا ما راح تبقالهم سمعه لعد جهودكم الطيبه وين تروح !!!!!!!!!!!!
بالمناسبه البارحه سألت واحد من جماعتكم جنه انسولف بالموضوع و هو جان ميت من الفرح كلي احنه محد ميكدر يقارش ويانه كتله شنو قصدك ضحك و كال يعني انسقط أكبر واحد كتله زين اذا واحد سمعته نظيفه ومكدرتو تلزمون عليه لزمه و ما طاوعكم شتسووله ؟ ضحك و كال نطلع حجايه على مرته نكدر انكول مرته مدندشه بالذهب و انطلعه حرامي بعيون الناس هاي سهله !!!!!!!!!!!!!!!!!
صراحه انتو ناس اتخوفون الله ايساعد الناس على فتنكم

[الحلفي1]

اعتقد ان مساله التسقيط واستخدام الاساليب القذره هو من اولويات المجلس وكلنا يتذكر كيف استغل المجلس تصريحات سيد حسين الشامي بخصوص الشعائر الحسينيه في انتخابات مجالس المحافظات ولكن ولله الحمد النتيجه جائت مغايره تماما لان الشعب اصبح من الوعي والنضج السياسي لاتنطلي عليه اللاعيب والحيل الاعلاميه التي يمارسها البعض

[The Truth]

خويه انصحك لتنغر هوايه بهايه النتيجه لان الناس ما انتخبت حبا بالدعوه بس لان القائمه جان بيه ناس مستقلين والمالكي حارب الي سوو فوضي بالبلد بس الناس خابت آماله لان كل المحافظين عينهم المالكي من حزبه و ما نطه دور للمستقلين و ما كو شي راح يتغير الوضع اتعس من قبل لا خدمات و لا تطور و ما تصور اكو وعي بالعراق مثل ماتفضلت و بالعكس الشعب العراقي شعب متحطم نفسيا و يرادله هوايه حتي يعرف شنو معنى الوعي السياسي بس تكدر اتكول شعب تعلم علظلم و يميل للمشاكل و يتقشمر بسرعه و عنده موروث جبير من الحقد على ايران و هايه ساعدت هوايه ناس بالانتخابات بس الماعنده وعي سياسي ينتقم بسرعه و تنقلب عنده الموازيين على ابسط الامور فلتعولون هوايه على النتائج السابقه

[احمد الموالي]

والله الناس انتخبت المالكي في البداية لكن خابت اهمالهم جدا وفقدوا الثقة باي شخص واتصور هذا راح يساعد الشخصيات العلمانية كثير انا مع الذي يبني العراق اي كان ......مع الاسف الاسلاميين مجاي يفهمون واقع العراق عبالهم العراقيين ينخدعون بسرعة الايام جاية وراح تشوفون الي عملتوا بالعراقين اشلون الشعب يجازيكم مينخدع العراقين باللحية زين او الاعمامة الي سقطوتها هاي عمامة رسول الله ان شاء الله يخزي كل من سرقة اموالنا كما اخزى الملعون سابقا

[الحلفي1]

ان عدم انتخاب المالكي يعني انتخاب الاسوأ من النخب السياسيه الموجوده على الساحه
ان المالكي وحزب الدعوه صحيح انهم ليس بمستوى الطموح ولكن عصفور في اليد خير من 10 على الشجره

[The Truth]

ان المالكي وحزب الدعوه صحيح انهم ليس بمستوى الطموح ولكن عصفور في اليد خير من 10 على الشجره

التفكير بهايه الطريقه ظلم بحق العراق يعني لان حضرتك تحب حزب الدعوه أو منتسب اله تتغاضى عن الأخطاء و تريده يحكم العراق!!!!!!!!

ليش العراق مابي ناس يتحملون المسؤوليه و طاقات و ناس كفوئين !!!!!!!

يعني حزب الدعوه همه النخبه و البقيه ميسوون شي لا سامح الله زين المستقل شنو ذنبه يعني برئيك ما اله اي قيمه الااذا علن ولاءه الحزب الدعوه

[سجاد الصدري]

المجلس الاعلى للحراميه والصوص يقدم الشمعه سنجعلكم تعيشون على الفانوس ونلم شمل العائله بدل المنتديات والستلايتات ورحم الله امرء عرف قدر نفسه لو عدهم اي سمعه خل يحافظون عليها

[الموسوي العراقي2]

ليش همه عندهم سمعه؟

طبعا اخي عندم سمعة ... بل ان سمعتهم كبيرة الى حد قد تكون اكبر من نار على علم
اسال عنهم لجنة النزاهة في البرلمان ..
اسال عنهم بساتين كربلاء المحيطة بها والتي صادرها عدي 2006
اسال عنهم اسرى العراق الذين رجعوا الينا من ايران ... والذين لم يرجوا بعد ان نفقوا تحت ايدهم من التعذيب ...
اسال عنهم العبوات اللاصقة الايرانية التي تنفجر على العراقيين كل يوم وقل لها من اتى بك من ايران ؟؟؟