لطمنه احنه........الشاعر ابو حيدر اللامي
[align=center]لطمنه احنه
أبو حيدر اللامي
احبن ريحة طويريج والمعقل واحب ريحة
علي الغربي واحب كعدات مشخابه
----
احبن عقره ويه دهوك احب
اربيل احب كركوك احب زابه
----
احبن بنجوين انه احب الرطبه والموصل واحب
الغاب عنه اسنين احب ياناس محرابه
----
احب الكوت والحله واحب سامره والبيه
واحب ادجيلنه الحركوه ابدبابه
----
احب الشطره والثورة واحب حنون واحب اهل
السماوه وديرة القاسم العليه اعيون سجابه
----
احب الهور والتهلات
واحب السلف وانجابه
----
احبن لمت الجيران واحبن كعدت
الخوان واسط اللمه تنصابه
----
احب سعيده لواطر الفجر تتحزم اتحزم
تجيب الماي وبعد الماي حطابه
----
انه امنذكر عراق الخير اشوغن شوغت المصيوب واصيحن
حيل ابد ماطيح شما حد الدهر بسيوفه واحرابه
----
شننسه امن العراق اتريد ننسه ازغار
نردح ماتلمنه الكاع لوا بلديره خطابه
----
شننسه امن العراق اتريد ننسه الدله والفنجان
ننسه الزايره امن اتلف باالعصابه
----
شننسه امن العراق اتريد جرغد امي البريسم
لواشيلت حسن وتشوف جلابه
----
اشكثر حلو العراق ولمت الخوان
واياريحة اهلنه وصوت الربابه
----
وحك الله ورسوله وقبلة الأسلام
وحك كل ايه بكتابه
----
عراق اليوم من اهله العراق اتفرهد
اتفرهد وعليه اهوايه نهابه
----
لطمنه احنه ونظل نلطم والصارو علينه اهل القضيه اليوم
وحك جبد الحسن وحسين جذابه
----
نكلكم بطلوا من احنه واهذوله احنه
حجيكم جلمه بسرابه
----
يحجون ابقضيتي اسنين جذب والله
واحدكم يهم برصيده واحسابه
----
عراقيين كون انطبع الرضعان
على زاد العراق اوملحه وشرابه
----
عراقيين واحدنه لون يجبل عليه الموت
جنه امجابل احبابه
----
عراقيين نحبك ياعراق احسين والكرار
هم تدرون كلها امسدده ابوابه
----
عراقيين ياطول العراق الماسه امن
العين طول افراكه وغيابه
----
اذكرك لاتظن انساك بلدلال
الك مليون عطابه
----
كاروك والك عيني والولي اعليك بس اهيس
برد صابك غطاك ايصير بهدابه
----
allami1959@yahoo.com
الشاعر ابو حيدر اللامي
هولندا
[/align]
رد مع اقتباس
