البصره

[منازار]

[align=center]صدك شطك يبصره امزاعل الماي؟ وصدك من العطش تبجي البساتين؟
صدك تاه الدليل وضيع الراي؟ وشله مركب هوانه ونام علطين؟
وصدك حملك وكع ويريد تجاي ؟ لجن اهل البخت كلهم مساجين؟
صدك درب الكلافه ماله شراي؟ وعله دروب المشوا بعدج تتانين؟
صدك طولج كصر ويريد مشاي؟ اذا ردتي اعله صفحتكم تعبرين؟
صدك حيلج وكع والتطلب اهواي؟ وتغفين اعل حدج من تنطرين؟
صدك كدروا عليج وحكموا اعداي؟ وانه الظنيت عمرج ماتذلين؟
كبر حزنج عليج وصار نهاي وحلف بجفوف سعدج ماتصيرين
غدوا اهلج ضعن والموت حداي وانتي مهدله ودومج تلطمين
صدك عشارج ابلواه محتار؟ وصدك حزنان يبجي حي الحسين؟
صدك بطل بعد سيابج اشعار ؟ وهده لنار الزعل كل الدواوين؟
وايامج لطم عاشور جن صار؟ وجن هسه انكتل يابصره الحسين؟
صدك بيج الجهال ابساعت العيد؟ يعايدها الدمع ويجرح الخدود؟
وصدك محد يحط عيديه بالايد؟ وشباج الفرح ليهسه مسدود؟ [/align]
[align=center]ابو زيدون الوائلي الاهوار1993 [/align]

[المراقب]

بارك الله بك اختنا الكريمة منازار
اختياراتكِ موفقة تدل على الذوق الرفيع
يزدان الملتقى الادبي بمشاركاتكم وإختياراتكم
نتمنى من الجميع ان لايبخلوا على الملتقى الادبي بإبداعاتهم وكل مايختارونه ويرونه مناسبا ويستحق النشر على صفحات الشبكة.

تحياتي / المراقب

[منازار]

الف شكرا لكم اخي على كلماتكم الطيبة والمشجعة...


البركة بكم وبالأعضاء

حقيقة نحن سعداء جدا بأن نرى الإبداعات الشعرية من الأخوة والاخوات الأعضاء .... لقد أصبحت الواحة الأدبية من أجمل واحات المنتدى...... نتمنى أن تنتقل العدوى لكل الواحات