|
-
قصيدة جرح الوطن
جرح الوطن
الوطن هذا امتداده للحسين والحسين الماندم من ضحه بالدم
لان جف الليل من باكه النهار رسم وجه احسين للامه علم
فرق بين الظالم اليضحك وراك وفرق بين اليبجي ويحشم القلم
وهاي طن اسنين وتحد السنون امكشره وبركابنه اتحط السهم
موكد اليبجي وتهلهل بيه نار واحنه صفنه اتكول واحدنه صنم
وانت يا ابن العراق اشبيك ها ما تفرق بالعدم والموعدم
جان كل البيك شارع من ضواك والعلامه البيك لازم تحترم
جان كل البيك اكبر برلمان صعد متن الريح اوال من قسم
اشبيك يا ابن العراق اشبيك ها هم شبخت المستحه وبعت الذمم
انه ما كلك خوذ وسلاح شيل انه اكلك شيل من وعي الامم
كل مكان يكوم يتغير مكان وكل زمان اليجي يحتاج الهمم
يالله شدو الحيل بشراع العقول بحر طامي ولازم انعبر البلم
هي قسمه اتصير من تعب السنين تعبتنه الحرب ياهو اللي افتهم
عصر سرعه الكون يتقدم امام واحنه تونه انحاول انثبت القدم
*********************************
سالم الحمداني
-
اسلام عليكم
عاشت ايدك كلمات جميلة في معنى الكلماة
بلتوفيق
مريم الموسوي
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
|
|