اهل البيت في زهيري /// الغريب

[سعد الغريب]

قبل الخليقه انخلق ياهل الخلك ... احمد
وسماه ربّ البشربالمصطفى...احمد
وجي خصنه ربي بفكر اشكر اله ..واحمد
*****************

بالذر نبايع تره للمرتضى ... علي
والساند المصطفي بخيبر تراهو علي
والدهر لو ينثني يبقى علينه علي

****************
ومن زوجه المصطفى للطاهره الزهره
طيبج اذن فاطمه من طيب هل الزهره
وبعد الخليقه انخلق كوكبج يا زهره
***************
ومن خلفت خلفت عدنه تراهو حسن
هو الامام الزكي وبالخلق كلش حسن
طبعه طباع البشر وبالناس افضل حسن
***************
ومن بعده صار العلم ال بلارض حسين
ثوره وعقيده تره منك اذا يحسين
وما نختلف بالفكر لو فسرينه حسين
************
ومن بعده صار الرمز دوماً امامي علي
سموه زين البشر البل صبر علي
هوه علي ياعلي زين العابدين علي
***********
ابنه بقر للعلم الباقر محمد
ونهج الشريعه انتهج من الباقرمحمد
وجي لنه باقر صدك من جده محمد
************
خصنه الاله بنعم بجعفر الصادق
هو الا مين الوفي والمنزله الصادق
نفس اللقب من حمل من جده الصادق
*****************
والثوره من تلنهب تسكت تره بكاظم
ايمام صار وولي وللغيض اهو كاظم
ومن بعد جعفر تره يتنصب الكاظم
***************
والرضّاماكو رضّا الاّ بعلينا الرضّا
واحنه رضّينه الرضّا للرضّا عنه الرضّا
ولوما الامام الرضّا ماصار معنى الرضّا
*****************
ولوما الامام الرضّا ماتنصب الجواد
ومن كثر طبع الكرم يتسمى بالجواد
اسمه صريح وابي محمد الجواد
***************
خلف وصي للبشروللناس اهو هادي
نهج الرساله تبع ايمامنا الهادي
اكن هضيمه وعجب يتفجر الهادي
**************
ومن صار بينه غضب كلنه اذا عسكري
ترضون ياهل البشر يتفجر العسكري
بالخلق هوه حسن واسمه حسن عسكري
************
ونبقى نعاهد وطن بالرايه الك مهدي
ولوما العقيده تره مايضهر المهدي
ومن بشرو هل البشر من يضهر المهدي
يطبق عدل بأمته بسنه ابوه احمد
*************************الشاعر****سعد الغريب

[ام عباس]

بارك الله بيك اخي سعد وبالتوفيق ان شاء الله

رزقنا الله واياكم شفاعة ال البيت عليهم السلام في الدنيا والاخرة

اختك ام عباس

[سعد الغريب]

شكرا لكي من كل قلبي