(الصداقه والوفاء في الدارمي العراقي)

[AL7USSINE]

[align=center]-------------------------------------------
--------------------
-----------------

السلام عليكم

اخواني اخواتي

الدارمي العراقي في الصداقه ولوفاء

لكم


حسدوني عندي اخوان مابيهم احنان
بس بل اسم خوان بلغدر ربحان
&&&
اربح وانا الخسران كل البنيته
يم خرب الطيبين صارت وصيته
&&&
شامت يشمر النار يكطف عداوه
ماعندي كلشي وياه زاهي بنقاوه
&&&
ثوبي الطويل يلوك لطفل يرضع
ولبسته بطيبين الكم هل اخضع
&&&
جرح الكبر بحشاي ماضنتي يطيب
جربه وتبدت ماي شيلمهة بجريب
&&&
الشيبه وسط الراس يشامت احجي
هذا البخت براس يسمع ويبجي
&&&
ماضحك سني بيوم خلصت بلهموم
وهذا انا هسه وياك ياخويه مهضوم
&&&
دله انا عد عيناك بمضيفك افتر
لشامت ونمام سجل يدفتر
&&&
مجبور اطيب الروح وصرخ ونه اسعر
جرحك غميج وياي يلصرت تشعر
&&&
الخوه ماتراد صارت عداوه
التمو عليه اليوم كلهم شقاوه
&&&
مذموم ارد عليك اسكت وكشفك
لناس اعصرك ثوبك بيدي ارد انشفك
&&&
اوهة امداهة الروح خاوت حيايه
تلدغ اكبال الناس كشفت الغايه
&&&
يامن يطم الروح كلش وكيحه
ذلوهة وسفه وعيب صارت ذبيحه
&&&
سمجه انا عد صياد بزهر مصيود
يحركني بنيران وعضامي الوكود
&&&
الهضم موش اليوم بلكتب مختوم
ومسجل بذرعان شمتت بلنجوم
&&&
طك صبري ما مليت بكلاس انا افتر
وبحلك اليسب الزين شربت تفتر
&&&
جربت اخوي وصاح مكدر اعينك
جا كلي هل عدوان شتكول اصينك
&&&
عكلي الشرف يا صاح والكلب غتره
جلبني يابن الناس عاشك العتره
&&&
بلعز اضلاً صيت مرتفع هل راس
مانزل صدك يوم للخوه ينداس
&&&
بصوت احس خوان خوتهم اصحيح
وبلسان اهم عدوان حربت مجاريح
&&&
الشاعر من ايلوذ بشعر ينخه
يتماطل الجلمات كلبه ويملخه
&&&
يمراوغ من اتكول انا ارد افيدك
والغدر صب نيشان هذا انا بيدك
&&&
ياخويه بالله عليك خليني اشيلك
خافن تشيل اعداك وصلت شليلك
&&&
يل تستر المكَشوف ومخرب الاوزان
حط لشعر عنوان وجلبه نسوان
&&&
ماتت تراهة الناس بس كَلب ينبض
والخوه صارت طين بس حجي اترعبض
&&&
فلش بعد بروح كل البنيته
لو فتشت بروح شنهو الجنيته
&&&
فتشت وسط الروح ماكو البنيته
خافن خذاه البين لو فلشيته
&&&
فلش بعد هلعين والكَلب وياك
شنهو اليضل يزين يركَض تلكاك
&&&
اشتم نسيم الهاب محلاته طاري
عذيبي ويرد الروح مابيعه شاري
&&&
اتمنه كرسي وياك وكَعد وحسك
ومرد جلاوي الزين خليني اجسك
&&&
دوشك انا بفركَاك وتغطه خواف
جلبني بالله وشوف يا حلو الاوصاف
&&&
اخوكم

الحسيني[/align]

[الغطريفي]

مامش بعد خوان تكضي الكلافه
بس بالنفاها ايصير واحدهم آفـــه
*****
شامت وكف بالباب حاير شكله
اتوجه عالمكسور لو دمعي اهلـه
*****
اتوجه عالمكسور واتحزم احزام
بالك ولك واياك تنذل للأيــــــــــام

[ابو علي السعيدي]

بسم الله الرحمن الرحيم
السلام عليكم
الاخ القاضل
الحسيني المحترم
شكرا... لهذه المشاركه ولك من هذا الرد[/B]
الينطلب للناس شنهو اليو فيه
لاعنده مال ايعين لااخوه تحميه
اخوكم
ابوعلي السعيدي[B]

[ام عباس]

[align=center][/align]

مشكور اخي الحسيني على الموضوع الجميل اعجبني هذا الدارمي واود المشاركة به
ماهمني الكصاب الكطع اجلاي
همني الصديج الكال اوزنلي من هاي

[AL7USSINE]

حياكم وبياكم اخواني اخواتي السعيدي ام عباس الف هلا نورتو وجميله مشاركاتكم تحياتي

ودمتم

اخوكم

الحسيني

[نجمة الاحزان]

مو كل الضحك وياك اتحسبه لك خي الخوه حك اتريد بالشمس بالفي

چاشلي بالخوان والماينفعون عود امن اموت ايجون ويه اليشيعون

تسلم اخي العزيز الحسيني على هذا الدارمي الرائع فعلا والمعبر عن اصدقاء المصالح والاشكال الخداعه ومااكثرهم في هذا الوقت

تحياتي لك

[منازار]

فلش بعد بروح كل البنيته
لو فتشت بروح شنهو الجنيته


عاشت ايدك اخي الحسيني وينك تغيب تغيب وترجع بعد سنوات