سمير القنطار: انتصرنا وابيضّت وجوه واسودّت وجوه

[دستورنا الاسلام]

سمير القنطار: انتصرنا وابيضّت وجوه واسودّت وجوه

وجّه عميد الأسرى اللبنانيين سمير القنطار رسالته الأولى بعد العدوان، نقلها محاميه بعد زيارته أمس الأول في قسم العزل الجماعي رقم 3 في معتقل هداريم (قرب نتانيا) في فلسطين المحتلة. ونقل القنطار تحياته الحارّة إلى عائلته وإلى كل من يسأل عنه، وجاء في الرسالة:

«تحية الوطن الغالي والانتماء إليه وبعد،
أتوجه إليكم برسالتي الأولى منذ اندلاع الحرب الإسرائيلية ــ الأميركية الهمجية على لبنان ومقاومته الباسلة. لقد آثرت الصمت طوال هذه الأيام، لأن الصمت في بعض الأحيان أبلغ من الكلام. الصمت أمام بطولات المجاهدين أصحاب الوجوه البيضاء الذين رفعوا رأسنا عالياً، والذين كان سماع أخبار التحامهم مع جنود العدو، في الميدان في القرى الحدودية، يفرح قلبي ويثلج صدري وتزداد ثقتي بأن النصر آت لا محالة. النصر الذي تحقق اليوم بقيادة رفيق كل مظلوم في هذا العالم، سماحة السيد القائد حسن نصر الله.
والصمت أمام حقارة ونذالة وجبانة أصحاب الوجوه السوداء، فُحُول الأنظمة العربية الذين اتّهمونا بالمغامرة ونسوا أنهم أرباب المقامرة والمكابرة والمتاجرة.

والصمت أمام غربان الشاشات والمؤتمرات الصحافية، الذين انتظروا نصر الاحتلال علينا، وعندما اتّضح نصرنا وبانت معالم بأسنا، طالبونا بأن نحدد لمن نهدي انتصارنا. هؤلاء الذين استدرجوا العدوان منذ صدور القرار 1559، وعندما فشلت المراهنة عليهم رست المناقصة على الصهاينة. لقد وعدت هؤلاء في رسالتي في 22 نيسان الماضي بأن يسقط الـ1559 بالضربة القاضية، ولقد سقط تحت أقدام المجاهدين بالضربة الساحقة.

نصرنا نهديه لمن يستحق، إلى كل من صمد ورفع شارة النصر، إلى كل من دعمنا ووقف إلى جانبنا وما زال، من فنزويلا الرفيق الثوري الرائع تشافيز إلى كل من حمل صور أطفال قانا وجرائم الحرب الإسرائيلية المتنقلة في كل قرية ومدينة، وإلى الحناجر الهاتفة نصرة لنا ودعماً لمقاومتنا الباسلة. لكننا بالتأكيد لن نهديه لمجرم الحرب بولتون لأن درعكم المشؤوم يكفيه.

أقول لكوفي أنان الذي يزور لبنان، إن عدالتكم الدولية هي سراب، وقرار مجلس أمنكم رقم 1701 هو قرار عنصري ومجحف بحق قضيتنا. وسيؤدي، في حال تطبيق الفقرة التمهيدية الثالثة منه، إلى تركنا مدى الحياة في سجون الصهاينة ويقضي على فرصة الإفراج عنّا، التي أحياها الوعد الصادق لسماحة الأمين العام لحزب الله السيد حسن نصر الله، وأنجزتها سواعد أبطال المقاومة، وحفظتها دماء الآلاف من شهداء العدوان الإسرائيلي الهمجي على لبنان وجرحاه. وأقول لك لا داعي لأن تطالب إسرائيل بالإفراج عنا، فلقد توفرت أسباب حريتنا وسنتحرر رغم أنف الأعداء. جلّ ما أطلبه منك أن لا تخدع أهالي الجنود الإسرائيليين كما فعل أولمرت طوال أيام الحرب وأن تعمل على تفعيل قنوات التفاوض غير المباشر وتبادل الأسرى.

أتوجه بالتحية إلى عائلات الشهداء والجرحى، إلى كل من فقد عزيزاً أو بيتاً أو مصدر رزق، وأقول لهم إن تضحياتكم هذه هي قربان جليل على مذبح الحرية والكرامة والشرف والعزة والشهامة. وكونوا على ثقة بأن حريتنا القادمة في القريب العاجل لن يكون لها أي طعم أو قيمة لو لم ترتبط بالنصر العظيم الذي ثبّت أقدامنا على أرضنا ورفع جباهنا عالياً ولقّن أعداءنا وكل المراهنين عليه درساً قاسياً جداً. والى أن نلتقي للحديث تتمة».

الأسير سمير القنطار، معتقل هداريم، فلسطين

عدد الثلاثاء ٢٩ آب ٢٠٠٦

http://www.al-akhbar.com/ar/node/2768

[سيد مرحوم]

From :alwakkaf@yahoo.com
Sent : Monday, August 28, 2006 3:05 PM
To : arabtimesnewspaper@hotmail.com
Subject : message from zyad alrahabani to sa3do alhariri


[align=center]رسالة زياد الرحباني الى حمامة السلام سعد الحريري :
قديش راح تضل واقف معنا من غير مساج ... وليش في مهجرين بيناموا في ملاعب الفطبول وعندك الف شقة فاضية في سولديير
[/align]


مش انو الناس بالناس ونحنا بسعد، بس يعني كيف بدنا نقنع الجرايد اللبنانية انو توقف تبخير لحمامة السلام سعد الحريري؟
يعني كيف بدنا نقنعو لسعد انو هوي كان في يرجع علبنان من زمان، وانو هوي شاب تمام بس مش زابطة معو بالسياسة لا بالطول ولا بالعرض، وخصوصي انو الانتصار يللي جرب يبعينا ياه مبارح، لما رجع بالهليكوبتر الفرنساوية طلع مش انتصار، وانو رجعتو بطيارة فرنساوية ما بتشتبه رجعة الخميني بشي؟
يعني مثلاً ليش ما رجع مع السنيورة من روما؟ لش ما رجع مع الامير تركي بن طلال، يللي هوي سعودي كمان واجا على بيروت 5 مرات مع مساعدات؟ ليش ما رجع مع الخطوط الجوية العربية على شي طيارة اماراتية او مصرية او أردنية؟ لش ما جاب معو شوية دوا أحمر لأهل صيدا؟
بسيطة منيح يللي رجعت حمامة السلام، بس كمان عنا سؤال: انو لش القذيفة الاسرائيلية على منارة بيروت القديمة رسالة لسعد الحريري ومش لفؤاد السنيورة؟ بيت السنيورة اقرب للمنارة مش هيك؟ قريطم وينك ووين، رغم انها مفتوحة للاخوة السعوديين متل ما قال الشيخ الحمامة بأول ايام العدوان ورجع تذكر بعدين انو كمان بلبنان في لبنانيي وقال كمان قريطم بخدمتهن ... بس يضلو بعيد
انو كيف طلع مع خمس جرايد لبنانيي انو القذيفة رسالة لقريطم ومع ثلاثة عنوان "قصف قريطم"؟؟؟ يا خيي وين قصفوا قريطم؟؟؟ يعني السنيورة بيطلعلو رسالة بكل هالعدوان، استكتر عليه سعد القذيفة وبدو ياخدها لالو. طيب معليش، قبلانين معك انك مقاومة من الاليزيه وانك عذبت حالك وجيت من الرياض عالاليزيه وقطعت المساج مرتين لتعمل اجتماعات، بس المصيبة يا شيخ مش اذا نحنا صدقنا لكن اذا الاسرائيلي صدق وقام بعتلك رسالة عنجد!! هونيك البلوي لكبيرة
بعدين، يا شيخ، سؤال: ليش النازحين المهجرين المخروبة بيوتهن نايمين بالطرقات والجنينات (صنايع وغيرو) وملاعب الفوتبول من بيروت لطرابلس، وفي بهالوقت اكثر من الف شقة فاضية بالسوليدير؟ انو فكرك مطولة القصة هيك؟ يعني اذا طلع انو معقولة تشتي الدنيي بآب أو اذا طلع أيلول أولو مبلول، فكرك سوليدير بتضل عاصمة موناكو، ولّا المهجرين بيعملو موناكو اختها؟
يا شيخ، يا حمامة السلام وسلام الحمامة، افتح قبلك وبيتك وروّقها شوي، بلا نفخ وبعدك ما وصلت عالبلد، وبلا هيدا اللف والدوران كلما سألوك عن المقاومة. عفكرة بدك تحاسبون مش هيك؟ بدك تحاسب المقاومة؟ مش هيك قلت ب"عكاظ" وعلى ال"سي ان ان"؟
شو بدك بهالقصة، بلاها أحسن لأنو ديوان المحاسبة مفتوح ببير العبد والمربع بالحارة وبكل ضيعة ... شو بدك بالمحاسبة لانو يا ما إلها ستي عند سيدي، وأحسن ما تبتطل الطيارة، الهليكوبتر يللي جابتك قادرة ترجع تنزل وتاخدك
الحمدلله عالسلامة يا شيخ، بدك تطول بالك على هلكم نازح ومهجر وتطول بالك اذا سمعت هيك يعني شوية حكي بغير لهجة بالحمرا وغيرها (هيدا جنوبي على بعلبكي على لهجة اهل برج البراجنة)، وحياتك ما بدهن يقعدوا ولا دقيقة بس صحابك قالوا انو خليهن يتحملوا مسؤولية مغامرتهن.. رح ناخد بنصيحتك وبدعوتك ونتضامن كلنا سوا، مع انو في ناس قادرة تتحمم وفي ناس انجأ قادرة تتيمم، معليش كلنا سوا وكتر خيرك على كل شي، بس عنا سؤال زغير بالنسبة للتضامن والوقفة كلنا سوا، انو يعني بس لنعرف قديش رح تضل واقف معنا: قديش فيك تقعد بلا مساج؟