أي من قياداتنا هو قائد ؟
بسمه تعالى
إني أعرف إن نمر هذه الأيام بأوضاع حرجة و لكن منذ عشرين سنة و الوضع على هذا المنوال و كل يوم كان حرج و لكن هناك بعض الكلمات أحب اكتبها و اسمع رأي الآخرين فيها:
على من عقدنا آمالنا و من هو الشخص الذي نتصوره يليق بالقيادة ؟
السيد محمد باقر الحكيم ، احمد الجلبي ، اياد علاوي أو الشريف علي بن ...
ليس أدري أبدأ بأيهما لكن أبدأ بالشخص الذي دائما نراه و هو يرتدي ملابسا فاخرة و ساعات قيمة و ربطة عنقه الجميلة أو من السيد محمد باقر الحكيم الذي لا انساه عندما بقى في طهران في حين كانوا ينادون بإسمه في كل جنوب العراق من البصرة إلى النجف و كربلاء و ....
و أما اياد علاوي فمن يعرف هذا الشخص في العراق أو في ايران قبل سنة أو على الأقل قبل هذه الاحداث ؟
أم هذا الذي يدعي و يطبل و يزمل للملكية ابن خال عم اخت جيران الخيط قاط العريس !!!
هل احمد الجلبي زار جنوب العراق أو أهوارها أو اتصل بالمجاهدين من لوندن ؟
هل يريد أن يحرر العراق بقواته من الهاي بارك ؟ هل لديه قوة و جماهيرية ؟ من يحب هذا الرجل في العراق و في ايران الذي تتمركز فيه ثقل المعارضة من العوام و من قوة عسكرية ؟
راح انزل بالجلفي :
ابو شهاب بطل بويه انت مو مال هاي السوالف روح ، انت مال مكدونالدز و بيبسي و اشويه جيبس بتيته مع كجاب!!!
انت وين تتحمل الحر بالهور لو بالبصرة ! انت وين تعرف شنو الذبان و البك!
انت وين تقدر تصبر و تقعد ويه زلم مثل ابو ميثم الصادقي لو مثل ابو حاتم . ليش تريد اتفشل روحك .
و أما انت يا راعي الملكية ، انت كجا مرحبا مع الملكية هو اصلا منو معترف بالملكية و بالملك حتى انت جاي و لازك روحك بيهم ؟ انت ابن الملك، أخو الملك ، ابن عمه شنو انته ؟
ادري يا هو جاي من ذلك الصوب يبقه يعني ؟ ابتلينه على عمرنه ؟ يعني لأنه الانكليز جاؤوا ابعشيرتك من السعودية لو جدكم المطرود من سورية الذي توجوه الانكليز ابكيفهم بعد ما طردوا الفرنسيين هذا هو انت هم لازم تجي و تجرجر ... شنو هيتة . وين كنت بالانتفاضة سنة 91 ؟
كم بعثي قتلت ؟ انجرحت ؟ عطشت ؟ تألمت ؟ انت حتى عربي ما تعرف تحكي عدل ؟ روح ادخل دورة تقوية لغة عربية احسن لك !!!
سيدنا انت وين كنت بالانتفاضة ؟ ادري كانوا اولادك بعبادان قرب الاهواز و الناس بالناصرية ، بالبصرة ، بالقرنة ، بالتنومة ، بالنجف و... ليش ما دخلت للعراق ؟ تخاف تنقتل ؟ شنو انت اشرف من الامام الحسين (ع) مو كان يعرف إنه ينتقتل ولكن مصلحة الدين هكذا تقتضي .
لماذا ما تأسيت بسيد الشهداء و تضحي ؟ لعد بس تعرف تقرأ المقتل بالنجفية في قم (هذه الحسينية مكان لبث اراء الحكيم و محاربة كل شيء يقف أمامه مثل السيد محمد الصدر ) و تشمر روحك لما تقرأ آخر سطر المعبر عن ذبح الإمام ؟ لعد آيات الايثار و الشهادة تنطبق بس علة ولد الملحة ؟ ثمانية سنين حرب مع العراق اولادك ما راحوا للحرب و كان ايصيح السيد الخميني املؤوا الجبهات فإن الاسلام في خطر ، أين كانوا اولادك لو بس تعرف تقرأ كنت صلات الميت على الشهداء من ولد الملحة الذي منهم من استشهد و ما حصل الكارت الأخضر !!!!!!!!!
آني اكتب عليك اكثر من اولئك الباقين لآن ذولاك ما يعرفهم احد إلا أن تطلع من ايران !
انت الناس كانت تصيح يا حكيم سير سير و احنه جنودك للتحرير !
لعد وين التحرير ؟ هاي تاليتهه التحرير من واشنطن؟
ليش حاربت السيد الصدر الثاني ؟ يعني اذا واحد عميل ايخلي الناس اتصلي و تصوم و ما تسرق و ايخلي الكيولية (الغجر) تأتي و تتوب و الحجاب ايصير اكثر و ايحل مشاكل الناس في محاكمة الشرعية هذا مو زين ؟ لعد منو الزين ذولة العجم زينين الي صاير كل واحد من عندهم 50 سنة عاش و ياكل بالعراق ذاك من ذاك الوقف معاهم ابمحنتهم !
ليش هالشكل ... شكتب بعد أخاف ايكفروني بس الي ما يعجبه الحكي هذا خلي ايجاوبني على اسألتي و ايبرر موقف أي واحد من هذولة و يقول مثلا فلان لهذا العذر لم يحضر في الانتفاضة ، لا يأتيني أحد يقول السيد الحكيم قدم عشرات من عائلته في سبيل الله . كل واحد ينام في قبره الخاص . أنا أتكلم عن محمد باقر الحكيم .
كل ما اكتب عن السيد الشهيد الثاني اتذكر هوسة بعد استشهادة تأثرت و أتأثر جدا بها و هي :
الجمعة اتنادي ... تريد السيد بالمحراب الجمعة تنادي....
غسلت ايدي من الكل... بس الله
رد مع اقتباس
