قصيدة في قمة الروعة للأربعين
[align=center]الأربعين
نظمت عام 1428هـ
گبرك ولينه
بنزوره جينه
تدري ابگلبنه الحسرات
وتدري بصدرنه العبرات
والحزن بينه
بنزوره جينه
* * *
خويه عهدنه بيك يابن الأطياب
حين اللي جابونه غصب هالأجناب
للمعركه ولنك جسد فوگ اتراب
تدري گلبنه الشوفتك خويه ذاب
بنفّس الحزينه
وغصبن علينه
نمشي وگلبنه ملتاع
وانت تضل فوگ الگاع
والگبر وينه
بنزوره جينه
* * *
منظرك بالحومه الجاب النه الروع
حسرات هيجها وتسيل النه ادموع
اچفوفك گطيعه والصدر رض اضلوع
والسهم صار الچبدتك بيه انزوع
والراس گطعه
والنحر فجعه
وابرمح راسك علّوه
اگبال المحامل خلوه
يبره الضعينه
بنزوره جينه
* * *
ورحنه بضعنه ومشت بينه الظلام
والهزل صعبه وتعثر وهالأيتام
الشدة مشيها اتهيج بيها الآلام
واتلوج هيّه وبعد ماترضه اتنام
واتهيج ليها
بصوط البديها
اعلى متونها ايضربوها
واطفال ما ايروحموها
اهل الضغينه
بنزوره جينه
* *
والكوفه تدري حالنه بيها اشلون
ارجال ونسه دارتنه واتحد اعيون
تتفرج او احنه ابمذله ايشوفون
واصعب علينه التمر بيه ايمدون
ليها اليتامه
ودمعي تهامه
حين الشفت هالذله
وسبب ابگلبي علّه
خويه سبينه
بنزوره جينه
* * *
وذيچ الشماته الشفنه منّ ابن ازياد
فرحان يضحك حققه بينه امراد
وذيچ الجساره البدت لأبن الأوغاد
البيها تحده ايقتله راد السجاد
واهويت فوگه
بنفسي الشفوگه
وحين اللي شاف الحاله
آمر تعوفه ارجاله
الطوّگت لينه
بنزوره جينه
* * *
وحالة الشام اللي بعد شفناها
فرجه وهظم والذلة العشناها
وذاك النظر لوجوهنه حزاها
وچلمة خوراج هالذي اسمعناها
من وجهوها
لينه وبدوها
وليزيد من ودونه
تدري ابحبل چتفونه
ابحاله مهينه
بنزوره جينه
* * *
وجرئة يزيد اللي بعد ابداله
وراسك تجيبه آمر الها ارجاله
بوصط الطشت يمّه وتحطه اگباله
والعود بيده هالرجس من شاله
وذيچ الثنايه
ولد البغايه
بعوده غده ايكسّرها
ونار الگلب وجرّها
وذاب ابحنينه
بنزوره جينه
* * *
وفجعة رقيه بنتك اللي فزت
واهيه تريدك تلح خويه وبچّت
للعيله واصوات البچي من وصلت
ليزيد آمرها عبيده وجابت
للراس يمها
وهيّج ألمها
بيه وغدت ليه اتنوح
وسلّمت ياخويه الروح
ذيچ الحزينه
بنزوره جينه
* * *
واليوم جينه والگلب يسعر نار
بلهفه اعلى شوفك خويه يابن الكرار
وابنشتكي لك خويه من هالأشرار
والگلب شوفه هاللي بالراس احتار
بگبرك ندفنه
والگلب حزنه
حين اللي تكشف گبرك
وطفلك تشوفه ابكترك
حزو وتينه
بنزوره جينه* * *
هذه القصيدة لخادم أهل البيت ع
آية الله السيد محمد علي العلي
الأحسائي
وهي على نفس هذا الرابط
http://shiavoice.com/play.php?linkid=3082
[/align]
رد مع اقتباس
[/align]
