 |
-
 قصيدة مو بُعد
قصيدة (مو بُعد) للشاعر سجاد الموسوي 6/8/2008
اعلة وياي ماكو لاتعيل وياي
مو بالكيف اشيلن ضلي عن كًاعك
صرت انا حبل وانت علّي مشرور
وبس اهلك اصيرن سبب لاوجاعك
اكًلن لك صراحة وما اضم اعليك
الكرامة عالية وصح خاطري طاعك
صعب بيده النهر يحفرلك الابار
وعالخشبة الحديد اتشنقة اطباعك
مثل المنجل انت اليده من اخشاب
واتكَص بالجذر جي ساس صناعك
من طاح الحمل مو يعني حيل اثكًيل
لأن ظهري نهر وايبوّرة باعك
صح كلش جبيرة وعالية الاجبال
بس غصباً عليهة مجاورة الوادي
اذا راسك علة كَوم انظر لرجليك
لولا عز وكَفهة العلو ظل عادي
صرت مثل الارض وانت جذع صفصاف
لومه اتدوس بطني الحال مترادي
اذا انت صبح متبري من الليل
عد صدرك وظهرك ساكن سَوادي
واذا انت محصّن جيد اعترفيت
شفيادته السياج وبابة مفتوحة
واذا انت المئمن عندك جناحات
وتطير لحد بعد مانكَددر انلوحة
لو هب العصف يتطاير اكبر طير
وايطيره الهوة مو فضل لجنوحة
ولو يهدئ تطيح وماتسيطر زين
وبعد فتر تشوف اعضاك مجروحة
وصدكَ مو بعد غرك رحت ليغاد
صدكَ هالبعد جن دفعة المرجوحة
للشاعر سجاد الموسوي 6/8/2008 jweel_jweel@yahoo.com
-
-
شكرا جزيلا يا ابن جكوك الرائع
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
|
 |
رد مع اقتباس
