كافي مو هيّن علي ّ بسچ يروح
ليش عشگانه بعد تالي العمر
وين چان الضام كل عشگ الجنون
شن حرب واقتحم گلبي المنفطر
اينگط البلسم على جروحي ويدور
ولو گطع عني النفس ما يستقر
گمت احاچي الروح وتردني بعناد
اتگلي ما اصبر يمل مني الصبر
ينولد يوميه حبك من جديد
وگمت الوليله لحد طلع الفجر
حاولت انسه وتحديت الزمان
وگلت راح وبعد ابد ماظل عذر
صدگ فتشت الگلب والكاه ينوح
مخبل انه انساك وسطك انتظر
عايش ابگلبي واحس كلك وريد
ابضلعي وبدمي وكياني وكل كتر
عاشرت الاحزان چي عنك بعيد
وانه من غيرك فرح ثق ما يمر
ادري روحه وروحي توأم من زمان
وادري من غيره النفس ما يستمر
شلون ما احسبهه انساه مستحيل
صفرّت عمري ورجعت من الصفر
ولو ردت اعشگ اعشگك من جديد
ثلج احسك لو صرت كلك جمر
الناس تسكر بالخمر شئ هذا اكيد
وانته كاس وبيك سكران الخمر
وانته كاس وبيك سكران الخمر
علي السعدي المسيباوي
2009