ضمير الشعر
ابقه آنه لآخر نفس .... اكتب شعر ماجوز
وأقنص قوافي البقت .... والمفردات الگوز
أوراقي من الشجر .... والقلم شجرة طوز
أيحز بيه راس القلم .... وراس القلم محزوز
بأول شطر مبتــــدأ .... وگبلي الخبر ميفوز
بيّن إعراب الصفه .... والجار ظل مهزوز
وانه ابطرگ بذرتي .... دگ بابي ذاك العوز
النبته شجرة وعلت ..... بيهه ايحطب دنغوز
ياشعري اظل طينتك .... بيهه البذر مغروز
افتر بحور الشعر .... والسمچ بيهه ابزوز
علي السعدي المسيباوي
رد مع اقتباس
